¹ Elo̱bun ke gbayie̱negbe lei re̱ haan ebai kpitan vbi emo̱n emi lake nwun se̱e̱ vbi usee mai. ² Ebi yain nwun o̱ main vbi obo̱, ikhe le za vbi ibe̱re chie̱n ele ri e̱o siain miain bi ekhe̱n ayio̱uhumi isi o̱li eta. ³ Re̱ yi me̱n, o̱u bi o̱le̱sen, ebii fun e̱n egbere hoto̱ ebi elemi ishan re̱ za vbi ibe̱re vare, li re̱ vio̱in kue̱ kue̱ yie̱, Tiofilo̱s, ukutu o̱ia lokhua. ⁴ O̱de ina ure̱ e̱n ata vbi emi la vbi e̱e̱. ⁵ Vbi ikpe̱de̱ isi ihe̱ro̱di, o̱ie si Ijudia, ohe̱in o̱so rivbaan lae cho̱i Izakaraia, lo̱ vbi e fo̱n isi Abija. O̱hai o̱ vbi o̱kpa vbi ivbia likposo isi Aaro̱ni, ae cho̱i Elizabe̱ti. ⁶ Yain eve va vbi elo̱ ulo̱se̱n vbi isao isi Oiselebua, yan re̱ o̱ vbi uhi ere̱me̱n bi ebi ai la yai remi shan ue̱e̱n isi o̱lo̱mo̱en. ⁷ Sokpe̱n ei mo̱n o̱mo̱n, erimidi khi agan ikhi Elizabe̱ti, yain eve va ke di edio̱n vbi ole̱ghe̱ na. ⁸ O̱za o̱ se̱ khi Izakaraia o̱ ri vbi isao isi Oise̱le̱bua, o̱bi obia isi ohe̱in vbi eba ke̱n o̱ io̱n. ⁹ Elabi za vbi o̱ree zi ohe̱in eme lo̱ ya bia, ari oloo zi io̱in vbi o̱lo̱ lo̱ ya o̱ vbi Itempo isi Oise̱le̱bua, o̱too ituai. ¹⁰ Agbo̱n lebun yan li ero̱mo̱n vbi oee vbi awan la re̱ too ituia. ¹¹ E̱yan, angeli isi oli o̱mo̱e̱n re gbe vbie̱ o̱ o̱o̱ muzan vbi obo̱dio̱n isi ikpe̱e̱n isi ituai. ¹² Izakaraia ke mio̱n, ọ nian, ofe̱n dekhuion. ¹³ Sokpe̱n o̱li angeli re̱ o̱i, "Eke lo̱fe̱n, Izakaraia, erimidi, a hin ero̱mo̱n se̱. O̱ha li Elizabe̱ti o̱lo̱ vbi o̱mo̱ mo̱he, ulo̱ echo̱i Ijo̱ni. ¹⁴ Ulo̱ mo̱n egho̱ngho̱n bi eke̱n lo̱ e̱ghe̱n, eia lo̱bun lo̱ kpaye̱ gho̱ngho̱n sa vbi o̱lo̱mo̱n. ¹⁵ O̱lo̱ vbi o̱ia lo̱ khuae vbi isao isi o̱lo̱mo̱e̱n okha de egbe oli waini da eyo̱n lo̱ ohiai, o̱lo̱ vo̱n yi Etin lo̱fuan za vbi ekpo̱mo̱n si iriyo̱n vare. ¹⁶ Eia lo̱bun vbi ekhe̱n Isreal lo̱ fii egbe dele buu o̱lo̱mo̱eṉ li Oise̱le̱bua siain. ¹⁷ O̱lo̱ ya shan vbi isao si e̱o isi o̱lo̱mo̱e̱n vbi etin bi utotomi si Elijah. O̱lo̱ ui o̱na lo̱i re̱ deli udu isi ekhe̱n era yi si iviain. li ele mo̱n akaeho̱n re̱ re̱ o̱vbi ukpode̱ isi e̱wain lo̱ diai la re̱ ehin oto̱ khe̱ o̱lo̱mo̱e̱n, eia niain e̱he̱gbe khe̱o̱i. ¹⁸ Izakaraia re̱ o̱li angeli, "Ebi ilo̱ kei e̱n o̱na? O̱mo̱ho̱dio̱n liu, bi o̱ha me̱n ke zukpe di o̱dio̱n". ¹⁹ O̱li angeli za anyio̱n khi, "me̱me̱n i khi Igabrie̱li, lo̱ muzan vbi isao isi Oise̱le̱bua a ye me̱n li kpa ye̱ teta, li owin eta lo̱se̱n na yie̱. ²⁰ Ulo̱ riee o̱vbo̱, ulo̱ voo unu, u ke me̱ti teta, se̱ vbi e̱ghe̱ li elemi na lo̱ re̱ dumun.Emo̱ze̱i i khi umie̱n eta me̱ ho̱n, la lo̱ nwun se̱e̱ vbi e̱ghe̱ lo̱ e o̱vbo̱" ²¹ Eli eia o̱ke khe̱ Izakaraia. E yin unu aa khe ro̱ ke te̱e̱ gbe vbe̱ ke̱n itempo. ²² Sokpe̱n, o̱ke diainre, o̱i ke meti teta niain ho̱n. e e̱n khi o̱ mi eo ebo̱i ri vbi eke̱n itempo. ²³ O̱ke za ghe e̱han ae̱n yi ain o̱chie odi. O̱ke se̱ khi ikpe̱de̱ isi obia so̱i si oto̱i o̱ yi oa so̱i. ²⁴ Ikpuokho isi eli kpe̱de̱ na, o̱hai li Elizabe̱ti o̱hanma, o̱ uwun egbo̱in hee vbe̱ ke̱n ukin iihie̱n. o̱re o̱i. ²⁵ O̱na li o̱lo̱mo̱e̱n u ne̱ me̱n, e̱ghe̱ lo̱ re̱ ri oe isi e̱see gho me̱n, lo̱ re wun e̱kho̱ sho̱me̱n vbi egbe re vbi irao isi eia" ²⁶ Eke̱n ukin o̱zi e ehan, ayi o̱li abgeli gabrili zavbi isi Oise̱le̱bua lode̱ vbi okpe̱vbo vbi Igalili lae cho̱i Inazareti. ²⁷ Re̱e̱ alake lo̱i se̱ e̱n emi, la hoo kha lo̱ re̱ni o̱mo̱he loa cho̱i Ijosefu. Eboo Idefidi lo̱ o̱u, emi isi o̱laleke i khi Imeri. ²⁸ O̱de o̱ egbe re, o̱re o̱i, " I rue̱e̱, wowe̱ la ue̱see lo̱ dai ni, o̱lo̱mo̱e̱n de baei". ²⁹ Sokpe̱n o̱ien ebi o̱lo̱ ke ui, vbi ebo̱i teta, o̱za oo̱i, orue̱ emi ena ke̱ ui. ³⁰ O̱li angeli re̱ o̱i, "Eke lo fe̱n, iImeri umii e̱see vbe si Oise̱le̱bua. ³¹ Lu mio̱in, ulo̱ hanma, ulo̱ vbii o̱mo̱ mo̱he. U lo̱ ya e chōi Jesu". ³² O̱lo chie̱n okpoogho, a lo̱ echo̱i ovbi o̱lo̱ kpokhumi le̱. O̱lo̱mo̱e̱n li Oise̱lēbua lo̱ nwin ekpelo̱ba isi uanmi si Idefidi nai. ³³ O̱lo̱ uo̱ba vbi iwe isi Ijeko̱bu re̱le̱ re̱le̱, e̱ghe̱ o̱ba so̱i kha mo̱n ire̱so. ³⁴ Imeri re̱ o̱ li ange̱li, "ebi ena lo̱ ke̱ irun an ebi ise̱ i me̱he̱n kpe̱n o̱mo̱he o̱so o̱so". ³⁵ O̱li ange̱li re̱ anye̱n, o̱re̱ o̱i, " Etin lo̱fun an lo̱ devo e̱, totomi isi o̱lo̱ kpoikhumi le̱ lo̱ de vo e̱ o̱li o̱la lo̱ vbia lofaun ain, a lo ya echo̱i ovbi Oise̱le̱bua. ³⁶ Ri iee o̱vbo̱ khi o̱mio̱n li Elzabeti o̱gbo hanmo̱ o̱mo̱mo̱he vbi egbo̱dio̱n so̱i. Ukinn o̱zehan o̱ke u nai, yo̱n lae cho̱i agan. ³⁷ I mii emi lo̱ kha zi Oise̱le̱bua u". ³⁸ Imeri re̱ o̱i, "Ghogho, ogbomodia lokposo isi o̱lo̱mo̱e̱n li u. Zo̱i de o̱ vbo yi me̱n, ebi ui tai". O̱li ange̱li za zo̱i obo̱. ³⁹ Imeri za sho̱re e̱ghe̱ ain, o̱ tua lode̱ vbi evbo isi o̱ko̱ shain di okpe̱ vbo vbi Ijudea. ⁴⁰ O̱ ovbi iwe isi Izakaria, o̱rui Elizabeti. ⁴¹ O̱ke se̱ khi Elizabeti hin orue̱ isi Imeri, uvbio̱mo̱ lo̱ rio̱i vbi ekpo̱mo̱ vbo̱i, Eliozabeti za vo̱n yi etin lofun an. ⁴² O̱za khue urun tai gboo, o̱re̱ o̱i" o̱la hianba lu u vbi usee isi ikposo, olahianba li khi o̱mo̱ lo̱ ri we vbi ekpo̱n mo̱n", ⁴³ Ebo̱ ke i u re̱ yi me̱n khi uiyon o̱lo̱mo̱e̱n me̱n o̱ vare vbe ese̱ me̱n? ⁴⁴ Oaa me̱n eho̱n, e̱ghe̱ li re̱ hin uroo si orue̱ se̱e̱ lo̱ de me̱n eho̱n re̱, uvbiomo lo̱ rime̱ vbe̱ kpo̱n o̱mo̱ vbo̱ yi okhumi vbi egho̱ngho̱n. ⁴⁵ Ihianba o̱ yi o̱lo mieho̱n khi awun se̱e̱ lo̱ e vbo̱ isi emi la ta nai ho̱n za vbi isi o̱lo̱mo̱e̱n vare. ⁴⁶ Imeri re̱ o̱i "udu me̱n ree o̱lo̱mo̱e̱n. ⁴⁷ Etin me̱n gho̱ngho̱n yi Oise̱le̱bua lo̱ faan me̱n. ⁴⁸ O̱ kaogho ue̱n isi ideagbere isi o̱gbo̱madia so̱i lo̱kposo. Kao gho o̱i re̱ za vbi eyan raale̱ uanmi ere̱me̱n la eche me̱n o̱la hianba. ⁴⁹ O̱li o̱u kho̱ gbale̱, o̱ui emi lokhua ne̱ me̱n, eni so̱i i khi ofun an. ⁵⁰ Itue̱ke̱n so̱i o̱ evbi uanmi re̱ di uanmi re̱ yi elo̱ mo̱n ilofe̱n so̱i. ⁵¹ O̱ za vbi abo̱ ri uttotomi so̱i vbie̱; o̱ ya ghi eli ain mo̱n ikhuagbe yi okhumi vbi aoo isi udu siain, kua. ⁵² O̱win elo̱ toto sho̱ vbi e̱kpetpoba siain di oto̱, okhua elo̱ degbere yiokhumi. ⁵³ O̱ri emi lo̱sen kho̱n elo han mi o̱gbe. o̱ kjhi ele fee bi a hoo. ⁵⁴ Ori ikheo̱bo̱ ni Isreal li ogbomadia so̱i lo̱ i e re̱ re̱ ri itue̱ke̱n vbie̱. ⁵⁵ (Ebo̱i ta li eramain ho̱n) Abrahami bi uanmi so̱i re̱le̱ re̱le̱". ⁵⁶ Imeri za dia kpe̱n Eliabe̱ti shan vbi ukin ea o̱kpe̱ yi oa so̱i. ⁵⁷ O̱ke o̱se̱ vbi e̱ghe̱ li Elizabe̱ti lo̱ re̱ vbia, o̱za o̱ vi o̱mo̱ mo̱he. ⁵⁸ Elian dia vbi ilagaa so̱i bi eboo o̱ ho̱in khi o̱lomo̱e̱n ri itue̱ke̱n lo̱gba vbie̱ vbi egbe so̱i, e za kpa yo̱i gho̱ngho̱n. ⁵⁹ Ukpe̱de̱ o̱zi e̱e̱n za o̱se̱ la lo̱ re̱ rue̱ oli o̱mo̱. ekhae cho̱i "Izakaraia" lo̱ vbi emi isi erai. ⁶⁰ Sokpe̱n inyo̱in anyiain o̱re̱ i ain "o̱gho̱" Ijoni la lo̱ ya echo̱i". ⁶¹ Ere̱o̱i, "I mi o̱la se̱ echo̱i o̱li eniain vbi usee si eboe̱". ⁶² Eza ri ae̱e̱n yi era, lai re̱e̱n eni lo̱ hoo. ⁶³ Erai ro̱i lai nwin Isileli nio̱in, oza vin, "Eni so̱i li khi Ijo̱ni "Ona yin yiain ere̱me̱n unuan. ⁶⁴ Agala, unu so̱i khaye̱n a, oe̱ mi so̱i za chie̱n kho̱ reghe. O̱za teta, o̱gbo ree Oise̱le̱bua. ⁶⁵ O fe̱n za ovbi udu seia li an dia vbi ilagaa siain. Eli enu na ere̱me̱n ia ho̱in vbi aikhan isi uhume̱ vbo isi o̱ko̱ vbi Ijudea. ⁶⁶ Elo̱ ho̱n ere̱me̱n ri elemi o̱ vbi udu siain, ere̱ o̱i "Emi o̱lo̱mo̱na lo̱ ke chian?" Eri obo̱ si Oise̱le̱bua ri o̱i vbegbe. ⁶⁷ Izakaraia li erai vo̱n yi Etin lo̱funan o̱za te li atakpoto̱ na, o̱re̱ o̱i, ⁶⁸ Iree o̱ yi oli o̱lo̱mo̱e̱n, Oise̱le̱bua isi Isreali , lo̱ re̱ vare lo̱i uikho̱bo̱, o̱ ui ade̱chiere li eai so̱i. ⁶⁹ O̱ nwin uke isi amiefan sho̱re na main vbi oa isi Idfidi li o̱gbo̱madia so̱i, ⁷⁰ ebi o̱i tai shan vbi unu isi elo mie̱o so̱i le funain li e evbo̱ e̱ghe̱ li gheghe. ⁷¹ O̱lo̱ nwin amie fan re vbi obo̱ isi ighian main bi obo̱ isi eli yan kho̱ e̱ke̱in main. ⁷² O̱lo̱ ui o̱na lo̱ re̱ ri itue̱ke̱n vbie̱ vbaa eramain, bi lo̱i re̱ eere atamasin lofuan re. ⁷³ E̱o̱ lo̱ rame̱in yi Abraham li erain. ⁷⁴ O̱ re̱o̱i khi yio̱in sume̱ mai sho̱ vbi obo isi ighiain mai re̱. ⁷⁵ Vbi eken o̱fuaan bi aenulo̱se̱ vbi isao siain vbi ikpe̱de̱ mai ere̱me̱n. ⁷⁶ i wowe̱, o̱mo̱, alo̱ ya echie̱ o̱mie̱o isi O̱LO̱KPOKHUMI Le̱, ulo̱ ukpao li o̱lo̱mo̱e̱n lu e̱hin ukpode̱ so̱i, lu e̱hin eia khe̱ u vare so̱i; ⁷⁷ Lu nwin o̱e̱n isi amiefan yi eia so̱i la lo̱ re̱ rii o̱kho̱o̱ siain humi ain. ⁷⁸ O̱na lo̱ ruan erimidi si emitomevbegbe isi Oise̱le̱bua main, erimidi so̱i li o̱vo̱n lo me̱re̱ lo̱ ri vbi ebo̱dai lo̱ lo̱ re vare o̱ kpamaiobo̱. ⁷⁹ Lo̱ i re̱ vbae win elo̱ dia vbi aso̱n bi elo̱ ri vbi odudu isi euu. O̱lo̱ ui o̱na lo̱ i re̱ re̱ main shan di ukpode̱ isi o̱fure".