¹ O̱ke o̱se̱ vbi ede o̱kpa na, ose̱̱ isi Isiza Augustus dianre lo̱ re̱o̱ lai ko̱o̱ eai gbe le ri vbi o̱lagbo̱na. ² O̱na i khi agbo̱n uko̱o̱ mi lo̱ kpao ebi Kuirius re̱ vi Igo̱vina vbi Isiria. ³ Eia ere̱me̱n lode̱ vbi okpe̱ vbo li ukoo mi. ⁴ Ijose̱f gboi zi emi, o̱ za vbi Igalili za vbi okpe̱vbo lae cho̱i Inazareti yi Ijudia, di okpe̱vbo isi Idefidi lo̱ vbi Ibetehe̱mu, erimidi, oia si iwe bi eboo uvie̱mi isi Idefidi o̱. ⁵ O̱lo de lo̱i re̱ o̱ ri eni ovboto̱ yain bi Imeri, la kugbe khi yio̱in lo̱ lo̱ roo̱i, lo̱ hanma. ⁶ Ebi ekei ri vbi evbo̱, e̱ghe̱ si uvbia so̱i ke se̱. ⁷ O̱ o̱vbi o̱mo̱ mo̱he̱, o̱mo̱ kpao so̱i, o̱ za ri ukpun lo̱ so̱o̱ woo gba li o̱lo̱mo̱ nwun me̱he̱n vbi ebi eami o̱za emae, erimidi ehee o̱i e vbo̱ ni ain vbi ebi ire o̱ vaan. ⁸ Elo̱ kue̱ ighogho ri vbio ilagaa vbe ukata ebi za khe emiri siain si aso̱n re. ⁹ Ange̱li isi O̱lo̱mo̱e̱n za ri egbe vbie̱ vbie̱ ian, o̱fuan isi o̱khae isi o̱lo̱mo̱e̱n vbae win ain vbi o̱li ulagaa, o̱fe̱n gidi oi ain vbe gbe. ¹⁰ O̱ke̱se̱ o̱li ange̱li re̱ o̱iain, 'vba e ke lofe̱n erimidi i nwin eta lo̱se̱n yi vba lo̱lo̱ nwin eghōngho̱n lo khua bi o̱fure yi eia ere̱me̱n. ¹¹ E̱e̱ na, avbi o̱lo̱sumuan yi vba vbi okpe̱ vbo ii Idefidi. Yo̱in i khi Kristi o̱lo̱mo̱e̱n. ¹² O̱na i khi ae̱e̱n la lo̱ re̱ ia vba vba mii uvbi o̱mo̱ la ri ukpun la so̱o̱ gbalo̱ la nwun o̱ vbi ebi eami o̱za emae," ¹³ Idumuka a ke mii ivbiokhoin lo̱ bu bun le zivbi okhueimi di oto̱ re bi o̱li ange̱li, li yan re̱ ree Oise̱le̱bua, e re̱ o̱i. ¹⁴ "O̱khae lo̱ dale̱ o̱ re̱ yi Oise̱le̱bua lai mii o̱fure vbi uhumoto̱ vbu se si eia li ekein so̱i e̱ghe̱n yi". ¹⁵ Oke ose khi ekhen angeli sho vbi ain re lode vbi okhumieimi, elo kue ighogho o za egbian, " Vba zi mai lode vbi Ibethlehem lai mi emi lo ruan, li oli olomoen, re vbie mai" ¹⁶ Edi evbo ejej eje, emi Imeri bi Ijosefu bi vbiomo lo mehen vbi ekein ebi aza ri emae li eami e. ¹⁷ Eke mio̱in le, eke za tare, emi la ta ni ain ho̱n vbi o̱hio̱ isi o̱lo̱mo̱ na. ¹⁸ Eia ere̱me̱n le ho̱n yi unu a, vi emi li elo̱ kue̱, ighogho tani ain ho̱n. ¹⁹ Sokpe̱n, Imeri o̱ghe oe̱ke̱n vbo̱ si emi ere̱me̱n lo̱ ho̱n, o̱ za rian o̱ vbi udu so̱i. ²⁰ Elo̱ kue̱ ighogho za chie̱ lode̱ yan ree Oise̱le̱bua vbi emi ere̱me̱n li ain ho̱n bi o̱li emie̱n, eba ghe i ta niain ho̱n. ²¹ O̱ke se̱ vbi ikpe̱de̱ ee̱n la rue̱ o̱, o̱ niwin Jesu nai, o̱li eni li ange̱li nwun nai akpe̱ hanmai. ²² Ikpe̱de̱ isi ukho̱o̱fuan ke o̱ra re ebi o̱ iri vbi uhi ii Imosis, Ijose̱f bi Imeri nwoin oli Itempo re vbi Ijerusalemu lai re nwuoin ni o̱lo̱mo̱e̱n. ²³ Ebai vio̱in o̱ vbi uhi isi o̱lo̱mo̱e̱n, "O̱mo̱o̱mo̱he lare̱ ra vbi aleke re, a vaan i a oboto̱ li o̱lio̱lo̱mo̱e̱n " ²⁴ Eke za ui ivbabo elabi uhi isi o̱lo̱mo̱e̱n i ta. "ekuete eva da ivbi idelekuku eva". ²⁵ Aireieo̱vbo̱, o̱mo̱he ri vbi Ijeruslemu li eni so̱i vi Isimo̱ni, o̱lo̱ mo̱he vbi o̱li o̱ulolo̱se̱n lo̱ ri udu ga, o̱ khe̱ si ifun udu re isi Isreali, Etin Lofun an ri o̱i vbe ebe. ²⁶ Etin lofun an ro̱i vbi o̱i, khi o̱kha uu so̱i mii Kristi si o̱lo̱mo̱e̱n . ²⁷ Etin rii Isimo̱ni dii Itempo re. Eli evbi o̱mo̱ ke nwin Jesu o̱li o̱mo̱lo̱gbo̱n o re li ain re̱ ui emi lau ebi o̱iri vbi uhi nai, ²⁸ O̱ za ri abo̱ eve va nwo̱in, o̱ ree Oise̱le̱bua, o̱ za ta, "E̱yan zi o̱gbo̱madia se̱e̱ rale̱ vbi o̱fure, o̱lo̱mo̱e̱n, elabi ui tai". ³⁰ E̱o me̱ ke mi amie fan se̱e̱, ³¹ Lu e̱ he̱n, vbi irao isi eia ere̱me̱n. ³² Ilukpa isi cire̱vbie̱ re̱ yi ekhe̱n Eloimihon bi o̱khae re̱ yi eia se̱e̱ Isreali" ³³ Erabi inyo̱n isi olo̱mo̱e̱n za yi unu ao vbi emi la tai vbo̱ hio̱ so̱i. ³⁴ Isimo̱ni za riihiamba niain, o̱re̱ Imeri li inyo̱in, "Riee o̱vbo̱, azi o̱lo̱mo̱ na lo̱i vbi udemi bi akhuae isi eia lebuin vbi Isreali bi lo̱i vbi ae̱e̱n li - asin. ³⁵ itakobi lo̱ shan e̱ vbi udu se̱ lo̱ire̱ ri aoo isi udu si eia lebun vbie̱". ³⁶ O̱mie̱o lo̱kposo lae cho̱i Anna rivbaan. ovbi Faue̱l lo̱kposo o̱, eboo Asha o̱za vare, o̱ke zukpe di odio̱n. yain bi o̱dio̱n gba dia ikpe ihio̱n ebo̱ re̱ e̱n emi lee. ³⁷ Ikpe̱ egbo̱ele ukpe eeleke o̱ lo̱ za vbi o̱ro̱n. O̱ya sho̱ vbi itempo re, ama o̱ri igbe̱ke̱n ohanmi bi ero̱mo̱n ga aso̱n bi odanmi. ³⁸ Vbo̱ li awaah an, o̱za si ke̱ iain re o̱ za be̱ lo̱ re̱ khue̱mi Oise̱le̱bua o̱za teta vbi o̱hio̱ si o̱lo̱mo̱ li agbo̱n ho̱n, lo̱ ke te̱e̱ liain o̱re̱ khe̱ ade̱chie̱ re isi Ijerusalemu. ³⁹ Ebi yain ke re ui emi ere̱me̱n lo̱ e o̱vbo̱ le iu ebi uhi isi o̱lo̱mo̱e̱n i tai eza fiegbe de legbe yi Igalili, yi e̱vbo siain li Inazareti. ⁴⁰ O̱lo̱mo̱e̱n ohia re, o̱chie̱n o̱lo̱ totoi, e̱se o̱he̱n isi Oise̱lēbua o̱rio̱ i vbi egbe. ⁴¹ Ele vbi olomon o lo de vbi Ijerusalemu ukpu kpe le oi re vbu ukpe isi ashanrare. ⁴² Oke se vbi omo si ikpe igbeva, e gbo za wuemi lode, ebi eghe si olukpe re se. ⁴³ Oke ose khe dia se vbi ikpede eka la ui oli ukpe, e za lode vbi oa. Ama Jesu li ovbe khomohe, dia vbu okho vbi Ijerusalemu, Ijosef bi Imeri ei en. ⁴⁴ E oo kho ri vbi use si eli yan regba shiain, e o shin oshan isi ukpede okpa. yan ke za hoo, oi vbi usee isi imioi ain bi imo ⁴⁵ Ebi ei ke re̱ mio̱in, e za chie yi Ijerusalemu, e za be̱e̱ khi yan hooi vbe vbo̱. ⁴⁶ Ukpe̱de̱ lo̱ze a, eke za o̱ mio̱in vbi ekhe̱n itempo, o̱dia vbi idami ese se̱ si ekhe̱n elo̱vbie̱, o̱daa iain eho̱n, o̱gbo miai ian eta. ⁴⁷ Eia ere̱me̱n le hin eta so̱i yin unua, ebi emi o̱i nwuoin e̱okuere bi canye̱n lo̱ re̱ o̱ vbi eta. ⁴⁸ Eke nuio̱n, egbe onwin ain. Inyo̱in re̱o̱i "Omo, emi uke ina wee yi main ni?" daeho̱n, era bii me̱n o̱ri iriae̱ ke̱ian hoo e̱". O̱ re̱ iain, "Emi vba ya hoo me̱n shan ni? vba i e̱n khi i lo̱ e vbi oa isi Erame̱n. ⁵⁰ Ama, emi lo̱ ri ele ta an ita, o̱ win ain e̱o kuere. ⁵¹ Oke se̱ o̱za re̱ khai ain yi Inazareti, eri o̱mo̱n idegbere yiain. Inyoin ri eli eta na o̱ vbi udu. ⁵² Ama, Jesu o ohiao̱ vbi ewain, o̱di odio̱n e̱vbo̱, o̱ri ikao̱ ghoo lo̱se̱n isi Oise̱le̱bua bi eia.