¹ మాసిదోనియ గ్రీసులోగుండా పౌలు యెరూషలేము ప్రాయంత. ఆ అల్లరి సద్దు మనుగున పీసీరి పౌలు శిష్యులన దగ్గరకు అగుసు ప్రోత్సాహక వాక్కులు సొన్ని అసుకు దాటే సెలవు వాంకుండు మాకిధోనీయకి బైలుదేరుసు. ² ఆ ప్రాంతాలద్ది తిరిగి ఆటే విశ్వాసులను ప్రోత్సహించి గ్రీసుకు వొంచు. ³ అదు ఆటే మూడు మాద్ధం గడుపున పేసీరి ఓడమేనే సిరియాకు ఓగుమిండు బావిచ్చిసుగాని ఆటే యూదులు అత్తుమేనే కుట్రా చేయిక్కిండు తెలుజు తిరిగి మాసిదోనియకు ఓగుర్తుకు నిర్ణయించుండుచు . ⁴ ప్ఫుర్రస్సు మొగైన, బేరయ ఊరుకు చెందిన సోపాత్రు తెశలోనిక అయ అరిస్తారుకు, సుకుండు, దేర్బ్,ఊర్యము గాయి, తిమోతి, ఆసియా దేశాలకు చెందినాము తుకికు, త్రోఫిములు అత్తుతో ఆసియా వరకు ఒంచు. ⁵ అనికే ఆ అద్దెరు మున్నుగా వోయి త్రోయలో నంబురుకోసం ఎదురు పాకిక్కి. ⁶ నంబురు ఫులారు మావుతో చెందే రోటెలు పండుగ దినాలు పూర్త ఐయ్యెనాక ఓడ మీదుకక్కి పిలిప్పి ఉట్టెర్తు అంజురోజులు ప్రయాణం చేందు త్రోయ సేరిండు ఆయిల్ దాటే ఓగు రోజులు గడుపునము. ⁷ ఆదివారం రోజున అంగులు రొట్టె ఓరిసోడుతుకు సమడినప్పుడు పౌలు తర్వాత రోజు ఊగాలసి ఇక్కి కాబట్టి అదు అయిలతో అర్థరత్త్రిదాక విస్తరించి వసేత్తిగాట ఇందు ఓనము . ⁸ అంబురు సమావేశమైన మేడగదికోరు చాలా దీపాలు ఇక్క. ⁹ పౌలు చాలా సేపు ప్రసంగించిగాట ఇందికే కిటికికోరు ఉక్కుండా అత్తుకు యువకుడు గాడవరకం కోరు మునిగివోయి మూడో అంతస్తు నుండి జారీ ధీగిలుబూదు చెత్తోసు. ¹⁰ అప్పురు పౌలు దీకు వోయి అత్తు మేనే బూదు వాటోటుండు," ఇంగులు ఇక బాదబూగాల్సిన పని ఇల్లా. అంతుకిడికే అదు బ్రతికే ఇక్కి" ఇండు అయిలుతో సొంచు ¹¹ అదు మాలి మేనకు ఒందు రొట్టె విరిచి తిండ్రు తెల్లారుదువరకు అత్తో యంతనో విషయాలు వాసెత్తి బైలుదేరుసు. ¹² సజీవంగా ఇంద ఆ యులకుని ఉల్లికి యేసునందు వందప్పుడు ఉల్లికి అత్తుకు గొప్ప ఆదరణ కలుగుసు. ¹³ అంగులు ఓడమేనే ఎక్కి అస్సు ఇంగురు ఉరుకు వోయి ఆటే పౌలును ఎక్కించుగుము మున్నేగానే బైలుదేరుసు. అదు అటివరకు కాళీ నడకలే వారుమిండు ఉదదేశించి పౌలు అంగులన ఆ విధంగా అదేశించుచు. ¹⁴ అసు కోరు అదు అంగుల్తో కలజూ తరువాత అంగులు అద్దెరు కలూజు మితిలేకు వందమ్. ¹⁵ ఆటే నుండి బయల్దేరి మరుసటి రోజుకు కీయోసు ద్వీపతకు ఎదురుగా వందమ్. మరుసటి రోజుకు సమోసు చీరిండు ఆ తరువాత రోజుకు మిలేతు చేరిండం. ¹⁶ సాధ్యమానికే పెంతికొస్తు రోజున యెరూషలేము కోరు ఇక్కిం ఇండు పౌలు తొందర బోగక్కి అందువలన ఆసియాకోరు కాలయాపన చేయకుండా ఎఫెసు ఓడోగమిండు అదు నిర్ణయించిండుసు. ¹⁷ అదు మిలేతుకోరు ఇక్కీగానే ఎఫెసుకోరు బెరాయిలకు కబురు ఎచ్చు అయిలన అగుచ్చు. ¹⁸ అయ వందప్పుడు అయిలతో ఇనాగుసొంచు, " నన్ను ఆసియాకోరు కాయలు ఎచ్చరోజు నుండి ఇంగులు మధ్య ఏ విధంగా ప్రవర్తిక్కిరినో ఇంగిలికే తెలుము. ¹⁹ యూదుల కుట్రల వల్ల నాకు విషమ పరీక్షలు సంభవించినను కాన్నిరితో సంపూర్ణమాన వినయ భావంతో ప్రభువుకు సేవ చెందే ఇండు ఇంగులుకు తెలుము. ²⁰ ప్రయోజన కరమైన అంతయిననూ నాను దాచింకుండా బహిరంగంగా, వూటూటుకు తిరిగి బోధిచినే. అదే ²¹ అల్లకుండా దేవురు మున్నే మారుమనస్సు పొంది అంబురు ప్రభు ఐనా యేసు క్రీస్తుకోరు విస్వాసం ఎక్కుమిండు యూదులకు గ్రీసు దేశస్థులకు ఏ విధంగా సాక్షం కుడక్కిక్కరనో, అద్దె ఇంగిలకు తెలుము . ²² ఇదో ఇప్పురు నన్ను ఆత్మ నిర్బంధం కోరు ఎరుషాలముకు వాయిక్కిరే ,అటే నన్నుకు అందందు సంభవిక్కాకో నన్నుకు తెలిదల్లా . ²³ కానీ పరిశుద్ధాత్మ ప్రతి పట్టణం కోరు సాక్షత కొడుతూ నన్ను కోసం సంకెళ్లు హింసలు ఎదురు ఇక్కిండు సొంచిండు మాత్రం తెలుము. ²⁴ అనికే దేవురు యొక్క కృపా సువార్తను గురించి సాక్షం కుడుగుర్తుకొరు నా జీవిత లక్షతను ప్రభుఅన ఏసువలన నాను పొందిన పరిచర్యను పూర్తి చేయుత్తు కోసం నా ప్రాణత నాకెంతమాత్రం ప్రీయంగా ఎంచునగాటకం ఇల్లా. ²⁵ ఇదో దేవురు రాజ్యం గురించి ప్రకటించిగాట నాను నింగల్ మధ్య తిరిగ్గాట ఇక్కి. ఇంగిలేదు ఇకమేనే నన్ను మొకత పాకుదళ్ళ యిండు నన్నుకు తెలుము. ²⁶ అత్తునపుడుసు నింగలద్దేరుతు రెగం విషయం కోరు నాను నిర్దోషినిండు ఇంగుల్నే సాక్షంగా ఎక్కిక్కిరే. ²⁷ అంతు కిండికే దేవురు సంకల్పతకు ఇంగుల్కు పూర్తిగా ప్రకటించకుండా నానందు దాచింగిల్లా ²⁸ ప్రభువు తన స్వరక్తంకుడుతు సంపాదించిన సంగతా కాయడం కోసం పరిశుద్ధాత్మ ఇంగులనా అంతుకు అధ్యక్షులుగా నియమించుసో ఆ మందా అద్ధిని గురించి , ఇంగులుమట్టుకు ఇంగులనా గురించి జాగర్తగా ఇరుంగో. ²⁹ నన్నుకు తెలుము నాను ఓడానా పెసేరు కౄరమైన తోడేళ్ళ లాంటి ఆయా ఇంగులకోరు ప్రవేశిక్కాగు. అయా మండమేనే జాలి పాకుదల్లా. ³⁰ అంతనే అల్లదే శిష్యుల్ని అత్తుతో ఈడ్చుకు ఓగాటం కోసం వక్రమైన వాతలు పలుకురు ముంచురు ఇంగిలుకోరు నుండే బైలుదేరాకు. ³¹ అత్తునుపుడుసు మూడు వాటకాలంగా నాను నామారు పొగుమారు కానీళ్లతో ఇంగిలుకోరు ప్రతివొండుకు పద్ధస్థమానం బుద్ధి సోన్నిగాట ఇక్కిరినిండు గుర్తించిండు మెలకువగా ఇరుంగో. ³² ఇప్పురు దేవరుకు,దేవురు యొక్క కృపావాక్యతకు ఇంగులనా అప్పగింతకరే.దేవురు ఇంగులుకు క్షేమాభివృద్ధి కలుగజీయుర్తుకు పరిశుద్ధులద్దేరుతో వారసత్వం అనుగ్రహించుతుకు శక్తిమంతుడు. ³³ నాను యాత్తు వెండిని గాని బంగారత గాని ఆశించిల్లా. ³⁴ నన్ను అవసరాల నిమిత్తం నన్నుతో ఇక్కిఱాయిల్నిమిత్తం ఈ నాకీయిలు కష్ట బూచిండు ఇంగులుకు తెలుము. ³⁵ ఇంగులుకోడా అదేవిధంగా ప్రయాస బూదు బలహీనులను సమక్షించు మిండు,"వాంకుంగురుకంటే కుడకాటం ధన్యత", ఇండు ప్రభువైన యేసు సొన్న వాతలు జ్ఞాపకం చెనుంగుమ్ ఇండు, నాను అద్ది విషయాలు కోరు ఇంగిలకు ఆదర్శంగా నిలబుదే". ³⁶ అదు ఏ విధంగా సొన్ని మొకరించి అయిలద్దేరుతో కలూజు ప్రార్థన చెంసు. ³⁷ అప్పురు అయిలు అద్దెరు చాలా అగుదు పౌలున వాటోటుండు ముద్దు ఇట్టుండుసు. ³⁸ మరి ముక్యంగా ఇంగులు ఇకమేనే నా మొఖాతా పాకుదల్లా ఇండు అదు సొన్న వాతను పుడుసు అయ యంతనో అయిదుగాట ఓడదాకా అత్త సాగనంపూసు.