V 1 Okengeze abantu boshi oku,bacirhohy'embere z'abatwi b'emanja n'abarhambo, babakenge, n'okucirhegany'okujira ngasi mukolo mwinja, ² obayereke oku barhaderheraga muntu yeshi yeshi okubi, babe bakulonz'omurhula, barhanabaga bakulonz'akadali erhi bakujir'amabi. ngasi mango babe baku kayerekana obutudu okubantu boshi. ³ Bulya nirhu mira rhwali bahuinja, rhurhakagi kengana, rhwali herire, agomangorhwali baja bamiru gangasi lubero n'obuzigire bwa ngasi lubero , rhwali lamire omububi n'omumujina n'okurhwa shombana shombana. ⁴ cikone amango Nyamuzinda muchunguzi wirhu ayerekanag'obuzigire n'obwinja bwage oku bantu, ⁵ arhucungulaga, arhali bulya rhwakagi jirebijiro bishinganine, cikone bulya ali walukogo, oku bubatizo b'omuburho n'okujirwa buhyahya kurhengera Muka mweru. ⁶ Olya wa rhubulagirag'oku bunji kugerera Yesu kristu muchunguzi wirhu, ⁷ lyo rhuganjirwa okuli oku lukogo lwage, n'okuishi jirwa bimi b'ensiku namango. Nkoku buli bulangalire bwirhu. ⁸ Ogu guli mwanzi gwakulangalirwa, nnanongize eyi mwanzi oyiderh'okumisi lyo balya bayemire Nyamuzinda bakengera okujir'ebijiro binja. ⁹ Ebyo biri binja oku bantu bina shinganine. Kone cihanze n'akadali k'isire, enongwe n'amahimanwe g'amarhegeko buly'ebyo byoshi birha gwerhi bunguke, biri na bya busha. ¹⁰ Ocihebe kuli, amango wama rhondwa, oburhanzi n'obwa kabirhi, ebyo byo bilerha emiberulo, ¹¹ omanye oku omuntu oli nkoyo akala aherire, ajirire n'ecaha, anacihanire yene. ¹² Amango waishi bona nkurhumire Arthemas kandi erhi Thyshike, onaishe okanye bwenene ombugan'Enikopolis; kulyakuba kulyakub'eyo munda y'omwin'oku nagezeza kano kasanzi k'empondo. ¹³ Ocisez'okurhabala Zenasi, mwalimu mukulu wamarhegeko, okulugenzi, na Apolo, lyo barhabulaga kantu omulubalamo lwabo. ¹⁴ Bihunire oku abantu birhu n'obo bayigirizibwe okujiro binja lyo babon'ebikwanine omu malagirire, baleki bonekana nka nta malehe bali baburha. ¹⁵ Abarhuli rhweshi bakulamusize. Ndamusize bala boshi barhusima omu buyemere. Olukogo lube haguma ninyu mweshi