¹ Cikone woyo, oderh'ebintu bishushine n'enyigirizo z'oborhere bucire. ² Obwire abashosi babe balugero, babukenge, bakugerereza bwinja bantu baserire omubwemere, babe n'obuzigire, n'okulindira. ³ Obwire abagikulu babe ba borhere bwinja bwa bantu bacire. Barha kwanine babe bakalimi erhi bakuciheba omundalwe, cikone bakwanine bahan'enyigirizo nyinja. ⁴ Omukulonz'okuyigiriz'abahya okusima abalume babo n'abana babo. ⁵ N'okuba n'entanya nyinja erhi zina komire, n'okuba bakushibirira enyumpa zabo, babe n'abamirhima minja, okukenga b'iba lyo baleki jaciz'omwanzi gwa nyamuzinda. ⁶ Ohanule emisole nayo babe balembu mo byoshi. ⁷ Ociyerekane wene oku bali bakubona, n'olwiganyo lwinja , omu kuhan'enyigirizo zicire zina shinganine . 8 Okoles'emyanzi minja erhanka ganyaguzibwa, lyo mushombanyi abon'enshonyi, abule omwanzi mubi arhu derhera. ⁹ Ohanule abahyakazi baci rhohye emwa ba nnahamwabo, baba simise muli byoshi buzira kuba jisa kadali. ¹⁰ Barha kolesagya obushambo cikone bayere kane ensiku zoshi, obushinganyanya, lyo bakuuza omuborhere bwinja bwa Nyamuzinda muchunguzi wirhu. ¹¹ Buly'olukogo lwa Nnamahanga eri nshoko y'obuchunguke bwa yere kanagw'oku bantu boshi. ¹² lurhuyigiriz'okulek'obubi n'amagene g'ebyen'igulu n'okulama mwezino nsiku omu bulembu, omu kuli n'omu bucese, ¹³ omukuyunva eciragane c'obushagaluke n'okuciyerekana kw'irenge lya nyamuzinda n'omucunguzi Yesu Kristu ¹⁴ Ye wacihanaga yene kuli rhwe mpu lyo arhu cungula n'amabi goshi, n'okuciha olubaga lube lwage,yene alu cese n'okuluh'obushiru omu mikolo minja. ¹⁵ Oderh'eyi myanzi, ohanule, ona kalihe okumisi yoshi, nta muntu okugayaguzagye.