¹ Lolag'ebinongize nkabagula bali ekarhikinyu, nyono nka mugula akabo muhamirizi wamalibuko ga Kristu, Nnandi muguma w'obukuuze bukwanine okuciyerekana: ² Lang'obuso bwa Nyamuzinda bulya bakuhire okulanga, arhali buly'osezibwe , cikon'oku bulonza, nkoku Nyamuzinda ankalonza ; arhali okubunguke bw'enyifinjo z'enfaranga, cikone okukucihana. ³ Murharhambulaga n'emisi olubaga Nyamuzind'amuhaga, cikone mube lwiganyo lw'obuso mulongoline. ⁴ N'amango lungere aishi ciyerekana, mwaishi habw'ishungwe lirhankasherera ly'obukuze. ⁵ Naninyu mwemuciri misole, mucikeng'embere z'abagula. nangasi boshi muba nab'omubigamba binyu, muyambale obwirhonzi; bulya Nyamuzinda arhasim'abeciburi, cikone anakahereza abirhohy'irenge. ⁶ Mucirhohye idako ly'okuboko kwa Nyamuzinda , lyo yene aishi mukuza oku kasanzi kashinganine, ⁷ mu murhule amalagirire ginyu goshi, bulya yen'orhujirir'ebi rhwalonza. ⁸ Mulange bwinja olugero lwinyu , munabe masu ; Omushombanyi winyu lyangombe ali akoyakoyo anali aluluma nka ntale, mpu olonz'oyu amirangusa. ⁹ Muser'omu bwemere munamuhagalike, bulya mumanyir'oku benewinyu bali ngasi hoshi omwigulu lyoshi bagerire omumalibuko gali nkago. ¹⁰ Nyamuzinda w'olukogo lunji owa muhamagalaga muli Yesu Kristu omwirenge ly'ensiku na mango, hano mshinga mwa malibuka kasanzi kasungunu yen' amu shashula , amuzibuhya amuhe n'emisi , abuli na mudekereza omu murhondero muzibu. ¹¹ Mashi obuhshe buli bwage ensiku na mango ! Amina ! ¹² Mumu yandikir'ebibinwa bisungunu, omunjira ya Silvano, ola mwene winyu mbon'okwanine ocikubagirwa , njirire ntyo mpu lyomumuhanula , nnampamirize kolo lukogo l'okuli lwa Nyamuzinda , muluseremo bwenene. ¹³ Isengero ly'abshogwa ba Nyamuzinda b'Ebabeli bamu lamusize, na Marko mugala wani . ¹⁴ Mulamusanye mwene na mwene omu kununugurhana n'omu buzigire bw'ecinyabuguma. Omurhula gube haguma ninyu mwe bantu ba Kristu !