¹ Petro ntumwa ya Yesu Kristu, kwabala b'ebigolo na bashandire omu Poto, omu Galatia, omu Kapadokiya, omu Azia n'omu Bitinia, ² n'abacishogirwe kushimbana n'okusimwa na Nyamuzinda larha n'oku bucesibwa bwa Muka mweru, lyo bahinduka bunva babe n'ahabasheherwa k'omuko gwa Yesu Kristu; olukogo n'omurhula gubeninyu oku bunji! ³ Agishwe Nyamuzinda, ishe wa Nnahamwirhu Yesu Kristu, okubunji b'olukogo lwage, lw'arhujiraga bahyahya n'obulangalire buzine, omu kufuka kwa Yesu Kristu omu mifu, ⁴ okubwime burhanka hanirwa ecituliro, erhi kuzinga, erhi kufulwa bulya mubikirw'emalunga, ⁵ kulimwe, okumisi ya Nyamuzinda, yalilangirwe n'obwemere oku bucunguke eri hofi okuyerekanwa om'akasanzi kazinda! ⁶ Eco cocijirire obushagaluke bwinyu, cir'ankaba buno, bulya aliabijira, mwaba omu marhangulo omu kasanzi kasungunu ka ngasi lubero, ⁷ ly'okurhangulwa k'obwemere bwinyu kulikwinja bwenene kulusha enoro ebihire ciro ankaba eyocirwe oku muliro, kubonekana kw'irenge, obukuze n'obukenge, amango Yesu Kristu aisha. ⁸ Y'e musima buzira kumubona, muliye muyemeri buzira kumubona, kandi mushagaluke omu mushingo k'obukuze burhankahashi nderhwa, ⁹ bulya mwaishi bona obucunguke bw'emirhima yinyu oku cijiro c'obwemere bwinyu. ¹⁰ Qbabi, balebaga n'okubona olukogu mwalibikirwe, n'okujira obucunguke nka kantu kabo kakulonza, ¹¹ balonza emyanzi mwako kasanzi eyerekine na Muka kwa Kristu gwali mobo, okuyerekana embere amalibuko g'a Kristu n'irenge. ¹² Abafululira oku arhali kuli bone, cikoki: kuli mwe, mwemalilahizibwe n'ebyo bintu, ebi mumanyisibwe mwabo kasanzi, aba mwaigirizaga akalembe na Muka mweru orhengire emalunga, n'omu ba malaika bacifinjire okubona. ¹³ Bulya, muka kabika ebibuno n'entimanya zinyu, mube ba lugero mulangalire okuhikirira omunkwa mukalerherwa amango Yesu Kristu aisha. ¹⁴ C'abana bakenga, murhashushanaga nabakakoza nkoku mwaliri amango murhalisagimanya Nyamuzinda. ¹⁵ Cikoki, bulya owamuhamagalaga, ali mucesibwa, ninyu mube bacesibwa, omulugenzi lwintu nkoku biyandisirwe, ¹⁶ mwaishiba ninyu bacesibwa, bulya ndi mucesibwa. ¹⁷ Erhi mwankamuhamagala Larha yetwa emanja kushimbana n'ebijiro bya ngasi muntu, buzira kulondola, mugende n'oboba omu kasanzi k'olubalamo. ¹⁸ Kuli kumany'oku, arhali oku bintu byokusherera, oku nfranka erhi ok'enoro, komwacungulagwa okuborhere mwalamaga n'obumwaimaga kurhengera boshi. ¹⁹ Cikone oku muko gucire gwa Yesu Kristu, g'omwanabuzi buzira izabyo erh'izinga. ²⁰ Alanganyagwa embere z'okulemwa kw'igulu, anayerekanwa obuzinda bwago mango enyanya zinyu, ²¹ muliye muyemere Nyamuzinda, y'e wafulaga emifu anamuha obukuze, ly'obwemere bwinyu n'obulangalire bwinyu buba kuli Nyamuzinda. ²² Ashuka emirhima yinyu omukukenga okuli omu kubona obusime bw'ecinyabuguma, musimane mwene na mwene, oku mirhima yinyu, ²³ kulya kuba mwajiragwa buhyahya arhal'okumburho zisherire c'okumburo zirhakasherera, oku mwanzi gwa Nyamuzinda guzine n'oguna yorha guhaba. ²⁴ Nkoku ngasi mubiri guli nka casi, n'obukuze bwago boshi nka bwaso bweco casi. Ecasi cikayuma n'obwaso bwanahungumuka. ²⁵ Cikone omwanzi gwa Nnamahanga gunabere emyaka n'emyaka. N'ogo mwanzi gogulya mwabwiragwa n'abalebi.