¹ Kinwa kino ni kya kwenene omundu amashonda eribya mutheya, ni ashonda mulimo wa kwirire kutsibu, ² Litholere omutheya iniabya mundu akwirire, muyira wa mukatsi muguma, molo oyogukwirire omomibere yiwe mwangiriri inabya yo etsio erikangiritsya. ³ Litholere ni athabya muthamitsi, mulwi niabya wa buholo, mubuya molomolo oyoguthatsomene ebye kihugo byoshi. ⁴ Iniabya enietsi erishondola enyumba yiwe, kandi inietsi erirembera abana buwe mo buthunganane bw'ekwenene, ⁵ Kushangwa omundu y'uthetsi erishiondola omwe angashondola athi ekisomo? ⁶ Athatholere iniabya mukristu muhyamuhya bushana n'obuba bw'eribya kikaka athangandabya n'isohwa lya sitani. ⁷ Litholere iniabya okwirire oko bandi bandu boshi, he athangandingira omoshoni n'omomithego ya sithani. ⁸ Abadiakoni n'abo abyabathunganane ibathabya hibuliri habiori, ibathabya bathamitsi, bathabyaga bandu banzire ebithuliro; ⁹ Ibashikya oluhotha n'olwikiritsyo ombwenge bubuya, ¹⁰ Abadiakoni ibalebibwa kwanza ho nyuma kwaho imobaklola omulimo wabo, bamabya ibatheko by'erikemerwa. ¹¹ Abakatsi babo ibabya bandu bashabasha, abathathonga bandi, bandu b'obuholo, bathunganene omo bindu byoshi. v12Abadiakoni batholere ibabya na mukatsi muguma, nibaminya ishondola abana babo na manyumba wabo. ¹³ Kushangwa abobakola omulimo wabo kubuya niabayishondera handu habuya, n'obuholo omolwikiritsyo lwabo mu yesu Kristo. ¹⁴ Enyikuhandikira ebindu bino n'eribibya n'amaha w'erihika y'uli okbiro bino. ¹⁵ Kundi uminye namahike enyuma nga wayiwatha guthi omonyumba ya Gongo, ekisomo kya Gongo uliho enduyi y'erigemerako. ¹⁶ Obuthathinda, oluhotha lweru ni lukulu:Gongo mwashungwa omubiri, amaminyikala omo Kirimu kyeru,mwalolwako n'abalahika, amkangiritsibwa omo bihugo byoshi mw'ikiritsibwa mo kihugo,amashambibwa mo mbingu.