¹ Enyihana lino embere ye byoshi n'ikola emishabe n'eriyigonga n'emilago n'erisima lingi bushana na bandu boshi ² Bushana na bami na bandu boshi na bakulu, nabo batholere kushangwa thubye n'obuyingo ubukwirire n'obutholere n'obweru byoshi n'obuthondeke, ³ Ebyo bikwirire n'imoya embere sa Gongo mushabuli ethu, ⁴ Anzire abandu boshi bahike kw'ishabulwa bahike okw'iminya ekwenene. ⁵ Kushangwa hali Gongo muguma kandi hali n'omurongani muguma hokathi ka Gongo n'abandu,Yesu Kristo Mundu. ⁶ Mwatsiga erithufwira ithwe boshi aho bobushahidi bwahanawa omomugulu uwe yowenewene ⁷ Bushana n'ekyalekaga iniayirwamo mukangiritsya na muthumwa enyinegena ekwenene ndali enyibiha nnyiwithe omutsigo w'erikangiritsya abandu abathikiritsye omolwikiritsyo n'omokwenene, ⁸ Aho nanzire abayira ibagenda bashaba ehoshi ho bali ibashumbire eminwe yabo ikwirire butsira buhithane kuthi miganitsye mibi. ⁹ Kandi enyishonda abakatsi boshi ebaenda bambala ngoko bitholere n'erishikya n'omuthima akwirire, batayithungananiga omwiluka esyonzwiri. kuthi omo horo, kuthi omolulu, kuthi omo syongimba sy'obuguli bunene, ¹⁰ He wthuwe! abakatsi bayithungananie omomikolere mibuya ngoko bitholere okobakatsi obubahire ikolera Gongo. ¹¹ Kwenzi abakatsi bagende b'onvwa amakangangiritsya buthanegena n'erishikya lyoshi. ¹² Ndahere omukatsi y'oruhusa lw'erikalira omuyira he wethuwe iniagenda ikala ni ahulikirire, ¹³ Kushangwa Adamu yo wathangaga ibumbwa na eva amabumbwa ho nyuma kwaho ¹⁴ He athali Adamu yo wathimbawako he wethuwe omukatsi yo wathimbawako amingira omo kibi; ¹⁵ Omukatsi andashabulwa bushana n'olubutho amashika kubuya omolwikiritsyo, omolwanzo, n'omobweru bw'omuthima, haguma n'omuthima ashikire.