¹ Paulo mthumwa wa Yesu Kristo oko muomba wa Ongo Mushabuli wethu Yesu Kristo we eriinihira ² Ku Timoteo mwana ye yo wenewene mw'ikiritsya : Lumogo, n'ishashira, buholo buhabwe okomunda wa Ongo Thatha na Yesu kristo Nyinya kowethu! ³ Enyi kw'ibukya kw'ihanwa oko luendo lwaye lw'emakedonia, namakuthuma ushibe e Efeso uthume bandu balebe baya kangiritsye wandi makangiritsya ⁴ Uthayihiraa oko lunda elwosongano abathetsi Ongo, n'embuthirwa bithanga kulethera akaburungu ushonde omulimo wa Ongo mwikiritsya . ⁵ Ekyalethaa emiomba n'olwanzo lwathokaa omo muthioma akwirire, bwenge bukwirire n'ikiritsya lwa kwenene. ⁶ Abauma moba kithya ebindu, mobashiba niabambuka busha. ⁷ Babyaa niabashonda eribya abakangiritsya b'emigomba bathebonvwa ebyobaneena n'ebyobakola. ⁸ Thwetsi kw'emigomba ikwirire, omundu amakolaro ngok'wineenire. ⁹ Thuminye kw'emigomba ithalethawa bushana n'abakwirire he bushana n'ababi, babihya, bakoli b'ebibi kundu bathetsi Ongo, abobanahumba obw'ishe n'obonyinya n'ibithi. ¹⁰ Abasingitsi, abitsi babandu, na bithi, na babetsi, abobanalahitsya ku busha, nebyoshi hengemire okomakangiritsya, ¹¹ Eriringana n`engulumbuya eyerihalamba Ongo eyanzirwe kushe enguluyo eyanyimikiraa butsira buhaka. <sup>12</sup> Enyisima k`obobanyiwatikya mu Yesu Kristo Nyinya kuwethu, kwa nyitsimbaamo muthunganene mwanyiiramo akwirire. ¹³ Ingye nabyaa mubi, muhangya, mundu athakwirire, oyuthikiritsye, ewetuwe kwishasha liwe, mwanyitokya omobusiru. ¹⁴ Nokolukoo lwa Nyinye kuwetu ikiritsa, lwanzo lwa Yesu kriwsto. ¹⁵ Nikinwa kyakwenene nekitolere, ko Yesu kristo mwahika okokihuo erishabula abakoli bamalolo tweboshi babi ,inje welimbere. ¹⁶ Monyabona ishashirwa mu Yesu kristo, bushana nerikitsya binwabiwe, wamabyakwiye iwandayira buingo bukwirire ebwekera na kera. ¹⁷ ongo wetu yuthashungika, yuthafwa, Mwami wa kerakera, usingibwe, uhalambwe, okobirimonebirimo! bibyebityo [kobinali] ¹⁸ Emiambo enyikutumira Timoteo mwanaye, eyerilaula kwebyobihika kwimanalyawe kwilwa erikwirire. ¹⁹ utsunge erikisya omobutunganene; abaumabauma mobahetsya obwenge obubuya, na kandi mobabusha erikiritsa. ²⁰ okomianzo: Imenayo, Alegzantre, abahabawa shetani mobataenda bahangya Ongo.