¹ Koko ongya linonganya yoi line,noka,eniina benesimbelo bisike bina lokeseli mene bingoya. ² Latsina bato bangoyalama nk'eyoka banayolanga iyamene,ko bangooka falanga mposa,bango yofefa iyamene,bango yengolya bangasaya besau,bafafikaki bafango,l'anyago'aniyo,bafayate lokango enotema,bafakumyaki Yakomba tu. ³ Bafayate nganji eneyali mbotwa iniyo,koko bangoyala bato ban'ongeno,bango fota bato mpotsi,bafefekyaki mposa iniy'amene bango yala bato ban'olema ko bafalangaki baoyi banolotsi. ⁴ Bangokotolya bato,bangoyala bato bana lopoko,bato bana njegolya,bangolanga bikiko bina looko: bafalangaki Yakomba. ⁵ Baangata bokotwa bomoi bona nkumya Yakomba,ohonde baangana mpamba en'etumelyo eho.oyosume eneyali bato'ane. ⁶ Bato'amonyi banokotwa bone batwa enetumba la longo ko baunda bayaato bana tolemeleme bana lola labaoy'owe banatola la mposa iniy'amene ina bekotwa l'ekotwa. ⁷ Bayekola biina liina ,ohonde bafakuse liyala ena njeya ena sosolo. ⁸ Ko yokonoki Yoane la Yamabule ofekiaka Mose ,batoane nk'oho bafekya sosolo eho;bayali nko bato ban'ehyama ena nkanyi inyo nko mbehya ko ena likambo l'imeelyo bakoyama likambo. ⁹ Ohonde bafalindaki latsina;latsin'oka baoyi baniyo bana bokoko banganya fololo eneyali bato bahatu,yok'onki baoyi bana bato bafe enyaka. ¹⁰ Koko E omokilana l'emi ena lilako linami,ko l'ekendelo,ko la lisangya, ko l'imelyo ko l'isei ina lotsinji,ko la nganji ko la mbitelya. ¹¹ Ena binyomelo,l'ena biino;nko baoyi banakwelaki ena Antokia ko l'Ikonio ko la Lusetula;nko binyomelo binik'emi onyomamaka,ko Nkolo aatungolaki en'aoy'aho bahatu. ¹² Koko bato bahatu banayali la lisangya litsina bakende la nkumya ena yakomba eneyali Masiya Yesu bangenyama biino nk'oho. ¹³ Koko bato ban'owe la bato ban'osimo bangosokolya bowe nko biikike,bangofota bato ko iyamene bangofotana. ¹⁴ Koko E mboyala enaoyi banak'olakamaka,ko l'aoyi banak'e imelyaka,ltsin'oka omeya iyo bana kolakaki; ¹⁵ Ko l'olenge bonee omeya bitengelo bina boeka,bina kolana okatela'e boomu,bona mbata ena liiko,latsin'enimelyo iniyali eneyali Masiya Yesu. ¹⁶ Bitengelo bihitu bimofama la bolimo,ko byonga la lilako,ko la mpela ena bambwa bin'owe lofeli,ko la mbongya,ko la lilako enalikambo lin'aoyi bana mbongi. ¹⁷ Latsin'eho bato boto ana Yakomba aonga bolotsi,ko akolane nko nkolana latsina akambe bikambwa bihitu bin'olotsi.