¹ Latsin'eho boona onami kikaka lotsili,l'isei iniyali eneyali Masiya Yesu. ² Ko baoyi banak'okaka,eneyaly'emi en'oso bona temo biike,sukya bato bana sosolo baoy'aho,nko bato banangolaka bakinato nk'oho. ³ Enaka biino l'emi yoka bosambo boyali nsola enolotsi ena Masiya Yesu. ⁴ Boto onoyali enosala bona nsola afayotungya,ko bikambwa bina looko lone,alang'oka aenye bolotsi l'end'onelelaki enosala bana nsola. ⁵ Ko yombo boto asela bembondo enatokenya afalotsama likuka lin'elonga,yengo nko kuma aosela l'okotwa bonakolana leeka. ⁶ Akoli eneyal'ende onasala ena lisala linande atambe liyondo lin'oso lina bemamo. ⁷ Kanelaka baoyi bana tend'emi,ko Nkolo ango kofa nonganya ena baoyi bahatu. ⁸ Kanelyaka Yesu Masiya enetsimo ena dawili onetwaki enweli yoka bosamb'onoyali bosim'onami bonolotsi. ⁹ nko boho bonen'emi biino mene nko ntungama eno nyolo yoka bokambi,bonowe,ohonde yoi lina Yakomba lifatungama tu. ¹⁰ Latsin'eho emi mitelya baoyi bahatu mbitelya latsin'eneki iyo banosonama,latsin'iyo nk'oho baate liiko lona loyali eneyali Masiya Yesu,l'okonde bona bisikel'isike. ¹¹ Yoi line liyali nko sosolo yombo towa l'ende bongika l'ende nk'oho. ¹² Yombo totsindelana ena biino,toongambana l'ende ena lifoka linande,yombo taang'ende,ango taagan'iso nk'oho. ¹³ Kang'iso timelya ende akusa liyala nko sosolo.Afakola yangana endamene. ¹⁴ Aotsilya baoy'ane ko aosomya losomo en'oso bona Nkolo ate,bataatanake ntaango ina baoyi banayali nko bototoloto banteetengya iy'an'oka nko ntaatengya. ¹⁵ Kemba la mposa mene lantsina oenya eneyali Yakomba yoka boto otangama bolotsi bosali on'ofana ntsina la nsonyi onolaka yoi lina sosolo lokotwa bona tsiili. ¹⁶ Lotaka bitendatenda bin'owe benefakumya Yakomba,l'eho,latsin'oka baoy'aho bango sokwa lambunga ena Yakomba. ¹⁷ Ko yoi lin'iyo lingotsima nkeyoka etukelo ena mposa.Umenayo la Filato bayali nk'enoloyoho. ¹⁸ Iyo bamotembwa ena sosolo eho,ko baila mbo etwelo eneweli emosila lilekana ko yok'oho bainya imelyo ina bato bamonyi ¹⁹ Ohonde eango ena Yakomba emali lotsili,ko eyali la ndembi ene en'oka Nkolo ameya bato banand'amene,ko botoloto onande lina lina Nkolo aumbela baoyi baninda mbongi. ²⁰ En'otumba bonokolo efate bikala bina wolo,ko la embende 'kei,bimoi bisengama en'onganza biyali,ko la bimoi bina ilongo,nkonga,koko bimoi biyali la lokumu nk'oho,ko bimoi bifana lokumo. Ko yombo boto ayokula ena likambo linaoy'ane,angoyala ekala ena lokumo enoekama enakolana l'ekambwa ena Nkolo enakolyama latsin'ena ekambwa enolotsi ²² Koko lotaka mposa in'owe ina befenga,koko itanaka la mbongi,imelyo,la nganji,la mwi ko liyo ban'elela Nkolo enoondo lotema bona sosolo. ²³ Tolangake biufo bena tolemeleme beninda boomu latsina omey'oka baoy'aho baatela bato nko lisa. ²⁴ Ko efonge,latsina bosali bona Nkolo ase lisa,ekoli eneyal'ende ayalame la bongompolu eneyali bato bahatu,ko aate boomu ena lilako,ko afalembwa la baoyi ban'owe banokambela bato. ²⁵ Akoli la tsina alake bato ba naata ntaango,nko la njofima yombo Yaakomba angafiyo njokanya enotema, ko bangeya sosolo eho. ²⁶ Ltsina batukwe en'ilonga ina satana,inikiyo otungama l'ende latsina bakambe eango en'ande.