¹ Paulo ekima ena Masiya Yesu.Leango ena Yakomba,yoka bosamb'onoyali esemba enaliiko loho lona loyali eneyali Masiya Yesu. ² Eneyali Timoteo,boona onami onalang'emi,isei longompolu la mwi eneyali Yakomba bafango ko la Masiya Yesu Nkolo eniso. ³ Lakanga Yakomba lokango ende onoki baanky'anami banalale osaelaka ko l'emi nk'oho lomosaela la lokanyi l'otema bona soto,latsin'oka binal'ina lakokanelya ena beondo benami l'ane l'otso. ⁴ Ko eneyakanelyemi mpisil'ine, botem'onami booka mposa mene latsina nk'ene,latsin'eho ekiko elole eneyaly'emi. ⁵ Lofwa nk'oho imelyo ina sosolo iniyali eneyal'e,iniyaaki boso eneyali nkyan'e en'oyooto eka Loi,ko l'ene yali boyang'on'e boka Eunike,ko mpaate ntaango emite iho iyali eneyali'e nk'oho. ⁶ Latsin'eho lakofolya omonya nganji ena Yakomba eneyali eneyaly'e la ntalya ena bakasa banami. ⁷ Latsin'oka Yakomba ata tofa bolimo bon'ofulu,amotofa bolimo bona mpamba,l'ona nganji, l'ona lokanyi lona boomu. ⁸ Latsin'eho tookake bosimo bona Nkolo eniso nsonyi,ko l'emi ta ndjokak'emi mboloko enande nsoi ohonde enelaka bosimo bonolotsi biino,yooka bosambo bonoyali mpamba enayakomba. ⁹ Ende atikyaki,ko atelelaki l'eelelo eneeka,efa bosambo bonoyali bikambwa biniso,ohonde bosamb'onoyali eango enand'amene ko lisei inande inifamaki enyal'iso la Masiya Yesu en'oso bona bisike bihitu. ¹⁰ Koko isanga iho imenya enyelo ena boiki boniso Masiya Yesu onokalyaki beweli,ko onilaki enafololo loiko,ko la biinda bona botuku nko l'olimo bonolotsi. ¹¹ Emi njilamaki bosumoli ko l'ekima,ko l'olaki bon'osim'oho. ¹² Ko ntsina en'enmi bino bine eheho.Koko mpoke nsonyi latsin'oka emi l'ey'ende onok'emi'imelyaka,ko limely'oka ende ainya limonya baho banakem'osilyaka,ko limely'oka yengo nko biin'oho. ¹³ Undamela eango enaoyi banaonga banak'otambaka,eneyal'emi,nko imelyo,ko la nganji eneyali,eneyali Masiya Yesu. ¹⁴ Yoi liho lina sosolo lina likosukyamaka,ongya litombanya liho,la bolim'onolotsi ona tonga litonga l'iso. ¹⁵ Eamene omey'oka iyaatu banayali ena Azia bamonjumbela,bafe baniyo nko Fungeio la Elumoningo. ¹⁶ Nkolo aokamele etsimo ena Onesifolo isei,latsin'oka atsitsimolyaki ma-ma ko atoka bonyolo bonami nsonyi. ¹⁷ Ohonde enek'endoyalaka ena Loma ankembaki la mposa mene ena lotsinji,ko ansingyaki. ¹⁸ ( Nkolo aofe latsina aukane l'isei enayali Nkolo enin'oho) ko eamene eya fololo baoyi biike banak'end'onkambyaka ena Efeso.