¹ Paul,ekima ena Masiya Yesu bosambo bonoyali lotomo la Yakomba boiki boniso ko la Yesu Masiya lolengelyo loniso; ² Eneyali Timoteo,boon'onami ona sosolo enimelyo:isei l'ongompolu la mwi eneyali Yakomba bafango oniso ko la Masiya Yesu Nkolo eniso. ³ Lakofolya yoi linalik'emi okoondaka eneki emi'otsuaka ena Makedonia,emite otsikale ena Efeso oyosumola bato bamoi batalakake lilako lin'okotw'okina, ⁴ Ko bata lofamelake basai ko la biyandelo bina biotwelo banafan'esimbelyo;baoy'aho bafulya ntaango,koko bafatelya boto ekikelyo ena Yakomba eneyali l'imeelyo. ⁵ Koko ntsina mene ena lotomo nko nganji eneyafole ena botema bona soto,ko l'ena lokanyi lonotema bona tsilili ko l'enimelyo iniyali nko sosolo. ⁶ Bamoi bamotembwa enaoy'aho,ko bamokunga latsina batsu ena ntaango inifana ntsina tu tu; ⁷ Iyo balanga latsin'eho bayalame balaki bana basangya,ohonde bafanonganya baoyi banatend'iyo,nkole balako banalaka iyo nk'eyoka bameya bafanonganya ntsina. ⁸ Koko iso teyoka beeka bend'olotsi,yombo boto akamba bokotwa bonoki beho oekyamaka. ⁹ Eneyend'oka beeka betekyama latsin'ena boto ona mbongi;bemekyama latsin'ena bafulunganyi ko la bato bana lopoko,ko latsin'iyo banafakumya Yakomba ko l'ato ban'owe ko liyo banafafike Yakomba ko l'iyo bana fana mbongi,ko latsin'ena njaki ina bafango la nyango ko la njaki in'ato. ¹⁰ Nko latsinena bato bana lisamba,ko la mpame ina kamba baoyi bana nsonyi la mpame imoi ko liyo baniya bato nko njiya,ko la bafatsi bana mpotsi,ko iyo bateya basangya bana mpotsi,ko yombo yoi limoi liyali lina lifasangi la lilako lina yonga. ¹¹ Yoka bosambo bonoyali bosim'olotsi bonokonde bona YAkomba onosakelama bosako,nko bosimo bonok'emosukyamaka. ¹² lakanga ende lokango onokiikyaki nko Masiya Yesu eniso,latsin'eho atangaki boto ona sosolo ko anjilaki bokambi bonande. ¹³ Nkemi onosayakiale Masiya,ko nyomaki bato,ko njaehyaki.ohonde anjokaki isei,latsin'oka nkambaki baoy'aho kuma ntanonganya,kuma ntate iimelyo. ¹⁴ Ko isei ina Nkolo eniso ifulaki nko mpula mene l'imelyo ko la nganji eneyali Masiya Yesu. ¹⁵ Yoi line liyali nko sosolo,ko yakolana latsina botoloto atambeliho l'otema bohotu,noka,Yesu ayaki ena looko oyikya bato ban'owe;ko onoyali bot'on'owe onoso nk'emi. ¹⁶ Koko anjokaki isei latsina ene;nko latsn'eho aenyanya l'emi,onoyali bot'owe onoso mene,isei inande ina lotsinji ihatu, la njalama ndembi ena lilako eneyali iyo banangimely'ende ena mbusa latsina baate liiko lona lofakale. ¹⁷ Isanga,eneyali lifoka lina lifoka lina bisike bihitu,onofau tu,onfenya,onoyali Yakomba nk'ende kei lokumo l'ekumelyo eneyaly'ende bisike.Nd'oho ¹⁸ Boona onami Timoteo,lakotom'e lotomo lone,yokonoki baoyi otendamaka enso latsina ene,latsina okane bita bin'olotsi laoy'aho; ¹⁹ Ko oundamele iimelyo ko la lokanyi lonotema bonolotsi.Bato bamonyi Bamumbela yoi line,ko yokoho bamolehya imelyo nke yoka baato bnehyama la lose; ²⁰ Bamoi baniyo nko Umenayo la Alesandulo,banak'emi olekyaka eneyali satana,balakame latsina bafasaya Yakomba.