¹ Yoi liniyaaki enalimatsako,linikis'okaka l'inik'iso'enaka laiso baniso,linikiso olendaka,liniki bakasa baniso undaka ena likambo lina yoi lina liiko; ² (Liko loho loyaki,ko iso tomena ko tolokola boloko boniso,ko tokosumol'ino liiko loho,liiko lona lofakale ,lona loyaki la bafango ko lenyaki eneyali iso). ³ Lokosul'ino yoi liho linikiso eneka ko linikiso okaka, latsina ino baambane liso enekambelo;ko en'eambalo eneyali Bafango ko la bon'onande Yesu Masiya. ⁴ Ko totenga baoyi bane latsina enyanga eniso efule. ⁵ Bosimo bonok'iso okaka eneyali ende ko bona kosumoliso bohone:Yakomba ayali fololo,ko eneyali ende efana biilima tuu. ⁶ Yombo tiila,is'ate taambane l'ende en'eambanelo,koko latsina tokenda en'ilima,tofota nko mpotsi,ko tofakambe solosolo. ⁷ Koko yombo tokenda ena fololo yok'onosambo boyalyende ena fololo,taambana boto l'oto leambanelo,ko bakila bana Yesu bon'onande baotokula iso ena baoy'owe bahatu. ⁸ Yombo tiil'oka iso tofana baoy'owe toyofota isaamene,ko sosolo eho efayali eneyal'iso. ⁹ Yombo tofisola baoy'owe baniso,ende ayali sosolo ko ayali la mbongi latsina atotungole ma baoy'owe baniso,ko atokule enaoyi bahatu baninda mbongi. ¹⁰ Yombo tiiloka,iso totila baoy'owe,tomeelel'ende bofotsi bona mpotsi,ko yoi linande lifoyali eneyal'iso.