¹ Afona madza ji dhi kpa furi ku ro djaina ma nga ndi nidho ri,ri e ddi djaina ma inga ro djaina ma ri ro ma ri ne ma ngbe nidhi nyodyu ri tse tse. ² Furi liri ni no anji le dra e nidho na lodjo nari chu draeni tse tse na nabii na,nari chu bboke godhaba ma nga ngue ddi; ³ nari chu chochokpa ma poe nidho ni ni riddi,ngotso ka ve dd'u na ngana,ngbe ndima ngbe nakpa ka ve si ndima dho shasha na kpa ka si bbi ndima ndimaro dhi jidha ku nari bbai, ⁴ narigoti kpa ka di ripo nde bboke dza ddo lepo ri chu ka ku ngba? Ddidho fulo nru si dra ngbadhe ko bbui kodjoro,kru ku na lo njini ddiddi dhe ngba le no ngue ngu maro ri njini ngue ri bbai. ⁵ Kpa ro nga vi nari ku ra ma ngue nidhe anji nga naro nari chu nji ngueni Ginri tso lo na,ddiddi ndi dz le tu ngue dda naro nari le nji dda chulu; ⁶ na furi dho chu ddingana dz ka sani ddana nari djonga tso dda ka ts gbu, ⁷ furi bbai njini na lodho ra ma dz ma njo ku na iri ronga b'oni kaz dho,lo d'idha dyina,ngaku cho na nru ma le ka ve si bi ⁸ Furi dza ddikpali i longa ri ji nza ni vi,nari ku Pi nyojo cho ddi njini cho lufu ddi bbai nari goti cho lufu ddi njini cho ddi bbai. ⁹ Pi nzi i bbl'o dho ndi nji e kodo na lo ro ri ddiddi njakpa ri ddi nari bbai,rochu ke nga ro b'o nidhi lodho,nzi ddikpali ke ro ma ka vi ro,ddichu kru ku na nru le ndima thi tso. ¹⁰ Bboke dza ddo si ku gbu dhi ke bbai,fudyi dz si nga nyi bbo ndiko bu na,go dza njidhi ritsi kpari si ddoni bbo kaz na le bi nari bbai.Ndiri goti dz ma ndina ku na ritsi mana si ku gbi gbi ¹¹ Ro njati ri e afu ritsi kpari kru si ku ddoni ddo ri ro,rika ngaeni ni di e ngba ndru bbai?nidhi tsetse na bb'o ronga le bb'o na nyi kpari na. ¹² Ni ningu ngabb'o Gindri dza ngudha dd'o ni nene ro.Riku ke dza lodho chu,ra ma ka ndi gbi gbi ndi dd'oni dd'o ma,ndiri goti go dza njidhi ritsi kpari si dd'oni bbo kaz na le bi nari bbai. ¹³ Ro ddiddi kedza koddo ngue nari bbai, ko o ra ma o dz ma na bb'o,cho lo si e ku na nga. ¹⁴ Riku fulodho,madjoi bbo jidha dhi ndru,funga ni bb'o nari na,ani nji kru ku na klo nja dd'e ke si ku ni ro nga ro nzidha ro ndiri goti nza le ka le mblo ni bb'o didha djo le oo ni na na lo ro bani ni djoro. ¹⁵ Ani zo Bboke dza ngatso vedha nidho ddiddi godha bbai;ddiddi nidhi bbo jidha dhi djona Paulo ndi ngue ri ndidho Gindri bbu ngue na nyodyu na nari bbai; ¹⁶ Ddiddi kedza kru ku na barua kpari na rindini nari bbai,fu barua kpari na chu ke ngu lo ti fulodjo;ridhi fu barua kpari na ku nza le ka le tsitsi na kpakpa lo kpari,nza zo nga na kpa nza ndima toni to ro kpa fulo thi le,cha dd'i lo robbai,ndima ndima ro dhi sadha dho. ¹⁷ Ro ni madjoi kpa,afu lobbu le po nidho nzina,ani ro ni ro nzi ni ngbuni fu cheri dhi ndru kpari dhi ngbu ngbu na ro,furo chu nive buni nidhi ngbadjo nika ni tuni na lo ro ro ma dd'e. ¹⁸ Furi ringa na ani di Gindri dza zo lo na ndiri goti Yesu Kristo ku kodhi godhaba nichu nari mana.Fuke dho kadha ngu kpadjo ndiri goti kpu choro nunu ngadjo. Amina!