¹ Ro bi ku na kali dhi Nebi kpari tuni ngue ndru kana,furi bbai chu nikana ro maddi kali dhi loddidha dhikpa si si.Kpa si ru runi na kali dhi lokpari ddi nidho.Kpa si dzi dzi e ni na bboke magu ddi,kpa si sa le ka le sani na bbo thu dr' ndima djo. ² Bi ku na ndru si ku ra kpadhi nga ku bblo na nyi ulu;kpadhi lodho cho ku na chu si ngu dhu le ka le dhu na chu. ³ Nidhi ritsi ndima dhu dd'e,kpa si ni sha kali dhi lo kpari na;ro kpa djo le ka le dd'i lo na nga si si tse. Ndiri goti kpa si druni tse bbo. ⁴ Ro,njati ri e nza Gindri bba e cheri nji na Malaika ro ri ro,ke bu ngue kpa bbu na titinga dhi ngana nja ndima bb'o lo dd'idha dyi dd'e. ⁵ Ke nza bba ngue ajja dz'djo ndru ma dd'i ri nza ndi dd'i lo ro kpadjo ro ri,ke bb'o ngue Noa ma ronga arogbo ngue na ndru na,cho ku na hweloi ngu tra nake,ddatso ndi klo ngue bbl'o sani sa na dz'djo nadyi. ⁶ Ke dd'i ngue lo Sodomo ma Gomora madhi bbadjo ke ngu ngue fubba ddidi hwu bbai,ke nji ngue furi nja furi ka di ji nza u Gindri na ndrudho dd'e. ⁷ Ke go ngue Loti,cholo dhike fuke chu ba ngue njedha fu bbagu ndrudhi cheri za lodho. ⁸ Fu cholo dhi ke,fu bbagu ndi ngu di ro kethi ngu nzani ddoro nzi nzi nja ndi ngu nja na lo djotsina ma r ndingu r na lo djotsina ma furi chu ngue jadha dhi lo kpari. ⁹ Riku fu lodho Bboke chu ngba ma ndibb'o cholo dhi ndru ro nga che lo ro ro nari ngba ndiri goti ndi bb'o chelo dhi ndru ronga nja le ka si lodd'i ndima djo chocho dd'e. ¹⁰ Furi chu ku i di na ndru,ndima ndi ro nga dza hwu dyu hwi chelo kpari lu na ndru ma ndiri goti hu bbobbo nga hu na ndru ma.Kpa ri ne ndima nji ndima thi ji na lo kpala.Kpa ro nga ro nzi che dhu dhudha dho ri. ¹¹ Ro Malaika pli ndima dhi kpakpanga si kpadjolu ro nzi kparo bbu Gindri nji maddi ri. ¹² Ro ridhi kpa,rr chu na ndru bbai za bbai ndima gueni ro ka ndima ka e le lo ndima jidha dho ro.Kpa nza ndima njanja na kali lo ti.Kpa ma si dhe za bbai chu. ¹³ Kpa si ndima dhi nga ku cho na lo ko be ba.Kpa hwenji dyina wa ridha kpari na.Ngbu djo ngbuni na sa dho nyi sani na kpa,kpa ndima thi ji na lo kpari nji kar ndima nyo ni na ddinga na ngana. ¹⁴ Kpa nyo li pite dhi nji kpari na ndina;ndiri goti kpa o ro nzi li cheri njidha dho ri.Kpa ra di nza tuni tu na ndru thi ro nga dd'e pai pai ku na lo na;Kpa thi ra di o lala ndru dza ritsi dho.Kpa ku wa dhi dza na nzo. ¹⁵ Kpa bba cholo dhi chu bba.Kpa vi vi,kpa lo Balama Behori ddu dza chu,nga ku cho na le ko be ngu ko nake. ¹⁶ Fuke djo chu Gindri ta ngue.Nzi ndi ngu lo ti ro ti ngue lo ndru bbai na Kana go ngue ngbu djo ngbuni na nabii tso. ¹⁷ Fukpa ku ddiddi nguna ro dh'a nguna na ddabbu djoti bbai,dze vuvu dze na ndundu bbai: fu di na nru dho Ginri thi nga kpu ti na ngana. ¹⁸ Kpa ndima dh'o nga tsenga ku na lo tidha na,ndirigoti kpa ri ne ndima ndr' nza chu Ginri dza lo na nru kanaro tuni oo go na nru fu nru shadha dho,kpa ripo le di ri nji,le ndi dyu kwi na lo ji ri bbai; ¹⁹ Ni fu nru tsoni klodha dho ndima dho ro,ni ndima ndimaro ku momo nari dza no nru ro,ddidho ndike djolu si ngba rits ma,fu rits chu ke ngu noke maddi. ²⁰ Ddidho,njati,ndima nyie i dz'jo ku na che rits' pi godhaba Yesu Kristu ndima chu na lodho rigotiro,nde ndima ki ndini furi na ddi si ndima djolu ddi,ddisini na nga ku bbo chelo ndimadho nji ngue nari djolu si nari. ²¹ Ddidho ddie e bblo si si na lo ndimadho ndima chu e chi ku nalo dza chu nza,nde ngba ndima curi narigoti,ndima leni aluti ndimadho le bbu ngue na bblo nganga ku na jadha ro ro. ²² Ddi njingue ni fu nru dho ddiddi bbubbu lo na ku na kpe bbai: tsi leni ndindiro ndidye e na dyedye dhi ngana ki,ngba le u ronga na dju ndiki mble dh'olu.