¹ Simoni Petero,nji dhike ndiri goti Yesu una chochoke,ko ba e na udha lai ro ba e na ndru ma na,kodhi Ginri dza bbubbu nga ma na ndiri goti go go e ko na Yesu kristo maddi: ² Bboke dza zo lo,ddiddi ddi kedza ngoi ki ndri ni ndri kodhi Ginri ndiri goti Yesu Kristo ro dho na. ³ Ddiddi ddi Ginri dza rana ro si na kpakpanga djotsina bbu e ni kodho na shi di na ndru ma ndru zo njidha dhi ndru ma,furi chu ku nzi nzi e ko nake dza kadha djotsina ndiri goti kedza kpakpanga, ⁴ Furi chu ri dho kodho ke lai djoro bbo ku pli na kaka na koddo na, ndirochu furi lu ko leni Ginri dza rana bbagu nru ni ko ngu ndru dza ritsi le ka le nyo na rits tso nyi ro fu ritsi kpari chu ku njucho dz'na, ⁵ Fulodho ani nji nidho klo kru,ani nji kpakpanga ni gba nidhi udha tso klo na,furigoti klo jo ni gba lo chudha, ⁶ Lo chudha djo nigba b'o didha,b'o didha djo nigba nga bb'odha,ngab'odha djo nigba zolo, ⁷ Zolo djo nigba le lai dza ji,furigoti le lai dza ji djo ni gba bbubbu jidha gu. ⁸ Afuna ku na furits e ni na kru ro ndirigoti ri e ni na pipi ro,ri nzi si ni ro bba dyudyu inga ngu di na rits bbai furo chu nzi ni chu lo kodho bboke Yesu kristo djo. ⁹ Nga na furits ku nake ku tsu nyo tsu nake,ke nzi ke nganja da nga naro ri ke vi ndidza bl'o sangue ni na chenga nga vi. ¹⁰ Furi dho ma djoi nru,ani dhoni pulupulu nidhi udha nga ni nz'nz nari na ndirigoti vu ni vuni nari ma na;dhonalo,fu ni rinji nari na, niko ro nzi nji b'iri. ¹¹ Riku furi bbai chu,Ginri dza choro nunu Yesu kristo kodhi Godha ba dza pidja na tsudha tso ka uni. ¹² Fulodho ma ka ve di fulonga no nidho,bblo ma nichiri ro ndiro chu ni o kpakpa nju ku na bbubbu ku na lona d'e. ¹³ Fulodho ma rinja madho nji bbai,go maku i rudza na ngana,ma ma ni ronga ja nja ni di kere d'e, ¹⁴ dhonalo ma si tuni i ru dza naro tse,furo chu Bboke Yesu si fulo nyo dho madhod'e. ¹⁵ Ndiro ma churi ma dza dhe goti ni ka si fulonga no kru saa ro ¹⁶ Ri nga ku,ngi bbai ledra madho na lo ri,chu ko dra e nidho kpakpanga na ndirigoti Yesu Krristo dza ngudha,ro ri e nja ko nja na bbo kpakpa ngana kodhi Yesu Kristo si ngu nari ko nja ko nyo nganga na nari. ¹⁷ Dhonari ku ke ko e Ginri Baba la djoro madha ndidhi kadha ma na dhonari bblo kadha li ri ke r ddikpa lechu ii ndi ripo ro : Iri ku bbo maji na maddu madza jidha ma li ndi na ro. ¹⁸ Ndiro ko r e ndidhi le chu rana ro ndi si ro,tsetse na ngu djo ndima e kena ro. ¹⁹ Riku furi ko nja nari chu li ri ko ve Ginri dza lo nga gu tu pulupulu,riku fulo dho chu ni ra ni bi tu kpri nga rdha dho,nga titinga na ro na tala bbai ri,kpu nga ra bbu nanga djo ndirigoti bbutso nga dhi dyudyu si tsu nithina chu kpo nangadjo; ²⁰ Anichu ilo chu nji ni nirodhe ddikpa lo ro ma nzi si Ginri dza buku naro ddikpale ddiro dza lo bbai ri, ²¹ dhonalo ri nga ku ddikpake thinaro dani na lodjots'na chu Ginri dza lo si ri,ro ri ku bblothi choe nru na fu nru chu ti e lo Ginri jo.