¹ Obayibuse bakirhohwe oku bachi b'emandja n'abakulu, bakenge okuba bangu oku bigiro bindja. ² Ntaye banderage kubi babe bw'omurhula bw'okuyumvikanya bayundjwire obwirhonzi emwa abantu boshi. ³ Bula n'erhu, rhwali bazira bwenge barhakenga, baherere, bakikubagize ebye egulu, olamire omu mabi nw'omunyifindjo, bagwasirwe kugaywa, nw'okurhugayisa baguma nabandi. ⁴ Si aliko, amango obwindja bwa Lulema werhu nw'obuzigire bwage okubantu bwa kiyerekanaga. ⁵ arhuyokolaga, arhali elugulu w'ebigiro bindja rhwagirire, s'aliko bondjo bwage, oku bubatizo bw'okuburhwa buhyahya nw'obuhyahya bwa muka Mukesibwa. ⁶ Eyi arhu shesheraga kugerera Yezu Kristu Muyokozi werhu. ⁷ Yi, rhuhamirizwe nw'olukogo, rhwaba, omu bulangalire, biri mw'akalamo k'esiku na mango. ⁸ Ogu mwazi guli gushinganyanya, ina ndonzeze oyemere ebi bintu, yi bala bayemerere Lulema bagira ebigiro bindja. ⁹ Tala ebili bindja, binashinganene okubantu. Aliko oyake entonganyi z'esire, emburhwa, e ntambala, e ntonganyi zilolere erhegeko; bula nta kamaro kazo. ¹⁰ Okiyeguze, buzinda omwamagano gurhanzi nw'ogwa kabiri, ola olerha eshandale. ¹¹ Omenyere oku omuntu w'obu buko aherere, agira e byaha, anakihane yenyine. ¹² Ekihe nyekurhumire Aritemasi erhi Tishike, ogire djuba oshigane e Nikapoli; bula eyo yi naba aga mango g'e mboho. okihangane okuyahya olubalamo lwa Zena, omulenga w'erhegeko, nw'olwa Apolo, oku bulyo ntakyo babulage. ¹⁴ Bihunire aberhu nabo bayige okukola ebindja yi bashuza oku bibazo bya djubadjuba yibarhaba buzira malehe. ¹⁵ Abali nani boshi bakulamusize. Lamusa abarhusimire omu bwemere. Olukogo lube nenyu mweshi !