¹ Woyo derha ebinwa bishinganene obwemere bukesibwa. ² Derha abashamuka babe n'olugero, bimana, barha hehwwhehwa, bakesibwa, omu bwemere, omu busime, nw'omu bwishibirizi. ³ derha oku embuguma zibonekane okushinganana, zikesibwa, zirhaderhaderha ebibi, zirha laluka, zigwasize okuhana empanulo zindja. ⁴ Omu kulonza bayigirize abahya kazi kusima beba n'abana babo. ⁵ barhahehwahwa, abakilangire, bakikubira oku rhwasi rhw'endju zabo, bendja, barhegekerwe n'abalume babo y'ekinwa kya Lulema kirha dukangagwa. ⁶ Yinginga emisole ebe nw'olugero. ⁷ Okiyerekane okuba lwiganyo omu bigiro bindja, ohane n'enyigizo zindja, zishinganene. ⁸ Ekinwa kikesibwa, kimana, y;omushombanyi aheza obwenge, abule ekya rhuderha ko. ⁹ Yinginga abakozi bakirhohye embere z'abana babo, babasime omu ngasi kintu, barhabaga bw'okugambikana. ¹⁰ Baarha yibaga, bayerekane obushinganyanya, yi rhukngesa obwemere bwa Lulema Muchunguzi werhu. ¹¹ Olukogo lwa Lulema, nindi y'obuchunguke bw'abantu boshi, bwakiyerene. ¹² Muyigirize okuleka amabi n'enyindjo z'egulu n'okulama n'obushinganyanya mw'eno myaka egana, okuli, nw'obuba bwa Lulema. ¹³ Omu kulindira obulingalire bwindja. nw'obugalagaza omu blangashane bwa Lulema Mukulu na Yezu Kristu Muchunguzi werhu, ¹⁴ Wakihanire yenyine enyanya z'erhu, omu kurhugula buhyahya omu byaha byerhu byoshi, achiha olubaga lukeswe naye nw'omwete oku bidjiro bindja. ¹⁵ Obiderhe, oshishirize, onanakalihe, nw'olukogo loshi, nta mutu okusuzagurage.