¹ Paulo, mukozi wa Lulema, kandi ntumwa ya Yezu Kristu enyanya zw'obulangalire bw'abalondolwa ba Lulema nw'obumenyi kugerera obukesibwa, - ² Bali oku bulangalire bw'esiku na mango, kalagirwe kurhengera kera na Lulema orhabehya. ³ anagagaza omwazi gwage omu kihe ky'age kurhengera olwigirizo nahabirwe, kurhengera Lulema Muyokozi werhu. ⁴ E mwa Tito, mwana wani omu bwemere buguma: na ntyo olukogo nw'omurhula gwa darha Lulema na Yezu Kristu Muyokzi werhu bibe haguma nawe! ⁵ Na kulekere e Krete, mp'okwize emyazi esigere, na kugerera empanulo zani, ohire abemangizi mu buli kishagala nko nakurhegekere. ⁶ Nkab'eyo hali omulume mwimana, wa mukazi muguma, w'abana bemezi, barhamizwe obuhushi, ky'angwo b'ekirhugo. ⁷ Bulala bihunire omukulu w'abadahwa abe mwimana nka mubisi wa Lulema n'angw' entabandwako, ky'angwo w'oburhe, w'okunasima, we mpamba lume, n'angwo wa nda nene. ⁸ S'aliko mwegerezi, mwira w'abantu bendja, w'okunali, mukesibwa, orhahehwahehwa. ⁹ Okiheba oku mwazi gw'okuli, omukulonza kuyinginga abarhomvana. ¹⁰ Hali, hanene, omu bantu bakebwirwe banene b'ekirhugo, b'emirhabalo mibi n'abashwesi. ¹¹ Bw'okurayumvirizwa. Bahenya emilala yoshi, banayigiriza eby'eshoni birhakayigirizwa. ¹² Muguma mubo, omulebi wabo, aderha ab'e Kreti babehyi, b'esiku zoshi, b'enda z'obolo. ¹³ Obu buhamiriza buli bw'okuli ky'ekirhumire obashubirire muzo nw'obwalagale, yi bagwarha obwere bw'okuli. ¹⁴ Barhana kihiraga oku bisomezo n'oku marhgeko g'akikula omu kunali. ¹⁵ Oku bakesibwa ngasi ky'oshi kiba kikesibwa; s'aliko nta kikesibwa omu kizingire n'eby' obubehyi, bw'obenge nw'obwichuze bizingire. ¹⁶ Bashusha oku kolera Lulema, s'aliko bamulahire omu bindjiro bwabo bibi. banya kirhugo, barhakola kindja.