¹ Paulo, ntuumwa ya Yezu Kristu oku bulonza bwa Lulema omu kumenyesa endano ya kalembe kali mu Yezu Kristu, ² Emwa Timoteyo, mwana wani muzigirwa: Olukogo, obondjo, nw'omurhula kurhenga Lulema na Yesu Kristu Nahamwerhu bibe haguma nawe! ³ Nkuzize Lulema eyi bashokulu bakolere, n'eyi nakolera nw'obwichuzi buchere, nkuyibuka obufu n'ezuba ngasi mango omu mahuno gani. ⁴ Eyi nyibuka emiziga yawe, ina nkifindjire okuku bona y'inyudjula obushagaluke. ⁵ Onalangalire obwemere bw'okuli bukulimo, buli mu nyogokuliza Luwiziyo na mu Nyoko Euniko, na nyemezezwe oku bukulamiremo. ⁶ kyeki rhumire nkuhunire ofuhere empano ya Lulema wanyankiriraga nkuhiba kw'efune zani. ⁷ Bula arhali muka w'obuba rhwahabirwe na Lulema, si aliko w'emisi, nw'obuzigire nw'obumenyi. ⁸ Orhayumviraga eshonyi obuhamiriza wakolera Nahamwerhu, kiro nani nyemunya mugozi wage. Si aliko olibuke nani enyanya zw'omwazi gw'obuholo. ⁹ Okubuhashe bwa Lulema warhuyokwere, arhuha n'omuhagalo gukesibwa, arhali enyanya z'ebigiro by'erhu, si kurhengana nw'obulonza gwage, nw'olukogo rhwahabwagwa na Yezu Kristu embere w'ebihe by'amira. ¹⁰ Nw'okuboneka okugerera omuyokozi Yezu Kristu, yi wahima olufu n'okugalagaza akalamo nw'okurhafa kugerera omwazi gw'obuholo. ¹¹ Enyanya z'ogo mwazi gw'obuholo yi nahibirwe kuba mwigiriza na ntumwa, y'okuhanula banya nkola maligo. ¹² Bye binarhumire nalibuka; ntanali nabiyumvira shoni, bulala imenyere nde inyemerere, inanyemezezwe oku aherhe obuhashe bw'okulanga embiko yani kugera ago mango. ¹³ Omenye omu bwemere bwawe nw'omu busime buli mu Yezu Kristu lw'olwiganyo lw'emyazi mikesibwa wayankiriraga emwani. ¹⁴ Langa embiko nyindja, kugerera muka mukesibwa oli n'erhu. ¹⁵ Omenyere oku abali omu Azia bandekere omukagarhi kabo Figelo na Hermogeni. ¹⁶ Nahamwerhu ayundjuze obwondjo bwage okunju ya Onesiforo, bula kanene ansiririze, arhana yumviraga shoni emigufu yani; ¹⁷ Ahubwe, amango ayindjaga e Roma, andonza nw'obushibirizi bunene, anambw'ona. ¹⁸ Lulema amuhe okuyankirira obw'ondjo emunda Nahamwerhu ali ekyo gihe. Oyindji bwindja kanga omunt ankolere ebigiro bindja Efeso.