¹ W'oyo mwana wani obe n'emisi omulukogo luli mu Yezu Kristu. ² Na bilala yamvirhe emwani embere z'abahamiriza banene, obihe abantu bashinganene, n'abakagala nabo kuyigiriza abandi. ³ Olage haguma nani, nka nfola muherho mw'indja wa Yezu Kristu. ⁴ Nta nfola muherho ekiheba omu bintu by'akalamo, nke'lonzeze kusimisa owa yihamagalaga. ⁵ Nka omuntu akahimwa amukusharha, arhabwa ekishema nka arhahimene omukunali. ⁶ Bimuhunire omuhinzi akole embere z'okushalula. ⁷ Oyunmve ebinderhere, bula Nahemerhu ndjo aguha obwenge omu bintu byoshi. ⁸ Oyibuke Yezu Kristu w'oluburho lw'adawudi, wafukaga omu bafu, kugerera omwazi gwani gw'obuholo. ⁹ Kurhumire nalibuka kuhika ishwekwe nka nyankola amaligo. Aliko ekinwa kya Lulema kirha boherwe. ¹⁰ Enyanya za ntyo nashinganene ebyo by'oshi, enyanya za'abalondolano nabo babe n'obucunguke buli mu Yezu Kristu, haguma nw'omukyo gw'esiku n'amango. ¹¹ Ogu mwazi guyemererwe bulala akaba rhufirire haguma naye, rhwelame haguma naye kani. ¹² Akaba rhushimbirire, rhwerhamule haguma naye; nka rhumulahire, naye indjo arhulahira. ¹³ Nka rhwewe rhurhaka muyera, yewe anayemerwa, bulala arhanka kilahira yenyine. ¹⁴ Yibusa ebi bintu; n'okubanula embere za Lulema, bayake obuhaka enyanya z'ebintu birhalibyo byakahihya abomviriza. ¹⁵ Kihangane oku kiyerekana oku oyemererwe na Lulema, omukozi arhagwerhe omugayo, oyigiriza ekinwa ky'okunali. ¹⁶ Okilange nw'omwazi gurhagwerhe enyungu, erhali ya bwemere bulala bagenderera omu mabi, n'akanwa k'elurire nka mundjo. ¹⁷ Muli bowe hali Himenayo, na Fileto. ¹⁸ Balahiraga okuli baderha mpu okufuka kwabere mira n'okuhindamula obwemere bwa baguma. ¹⁹ Aliko ekiriba kya Lulema kiyumangire kigwerhe ekimenyeso kili intya, Lulema ayinji abantu bage na ngasi yeshi waderha ezino, lya Yezu, aleke ekyaha. ²⁰ Aliko omu ndju nene murhaba ebintu by'amabale ga kachiro nka enoro n'efranga, s'aliko na eby'emirhi na eby'obudaka, ebindi bigwerhe olukengo, ebindi ntalo. ²¹ Nk'omuntu akilangire mukesibwa, alahire ebintu yindja aba kintu ky;olukengo kikyesibwa, kya kaciro emwa nyina kyo, enyanya za kasi kendja. ²² Aliko olibirhe enyifindjo z'obusole, olonze obushinganyanya, obwemere, obusime, omurhula, na bala bahamagala Lulema n'omurhima gucere. ²³ Entonganyi z'esire, zirha gwerhe kamaro, omenyere oku bilerha empaka. ²⁴ Birhahunire omukozi wa Lulema abe n'empaka agombere kuba mwindja embere w'abantu boshi, ashinganene okuyigiriza oyundjwire obushibirizi. ²⁵ Agwasize okuhanula n'obwirhonzi abashombanyi, omubulangalire oku Lulema ndjo abaha okukigalukako yi bamenya okuli. ²⁶ Nakandi bayusa kukigaluka ko, baacikula omu mirhego y'omwanzi wakihagabo baba oku burhegesi bw'obulonza bwage.