¹ Obuzinda, bene berhu, murhuhunire y'ekinwa kya Nahamwerhu kiyenera kina kizibwe nkw'oku kili emwenyu, ² Yi rhushwekulwa n'abantu baba banaherere; bula barhaherhe bwemere. ³ Nahamwerhu ali mushinganyanya, njo akuheba emisi n'okukuhimira omushombanyi . ⁴ Rhugwerhe ekizeremu woyo muli Nahamwerhu oku muli mwajira ebi rhubahemere. ⁵ Nahamwerhu arhambule emirhima yenyu omu buzigire bwa Lulema n'omu bushibirizi bwa Kristu! ⁶ Rhubahunire, bene berhu, oku zino lya Nahamwerhu Yzu Kristu, mukiyase buli mwene wenyu olamire omu kaduruvayo, arhali kukulikira enyigirizo mwayandikiriragwa emwerhu. ⁷ Muyindji mwenyine kurhe mukwanene kurhuyiga, bula rhurhalamaga nenyu omu kaduruvayo. ⁸ Ntaye rhwalire obuntu bwage bwa busha, aliko omu kasi n'omu muluho, rhwakolere obudufu n'ezuba emirimo, rhurha balemezezaga. ⁹ Arhali mpu rhurhanali bikwanene; aliko rhwalonzaga oku kihana rhube lwiganyo lwenyu. ¹⁰ Bula, amango rhwaliri emwenyu rhwaliri rhwababwira n'eshungero : orhalonza kukola, arhanalyaga. ¹¹ Yirhwa yumva, oku hali baguma omu kagarhi kenyu balamire omu kaduruvayo, bolokazi, aliko bakishingira ebirha herhe kakiro. Rhuhunire abo bantu, rhuna bayingingire kugerera Nahamwerhu Yezu Kristu balye obuntu bwabo, bakole n'omurhula. ¹³ Ku mwewe be berhu, murharhamaga okukola murha luhaga n'ebindja. ¹⁴ N'akaba hali orhakengere ebi rhuderhere muluno lwandiko, mumuyandike, murhabaga n'enganiro naye, yayumva eshonyi. ¹⁵ Murhamu bonaga nka mushombanyi, aliko mumuhanule nka muki werhu. ¹⁶ Nhamwerhu w'omurhula abahe omurhula yenyine omurhula amango gosihi, omu bulyo ! Nahamwerhu abe nenyu mweshi ! ¹⁷ Mbalamwise, nyono Polo n'efune yani nyenyine. kye ekikumwe kyani ekyo mu buli maruba gani ; kunsirita ntyo. ¹⁸ Omurhula gwa Nahamwerhu Yezu Kristu gube nenyu mweshi!