¹ Polo na Sylvano na Timoteyo, oku Kanyamuzinda ka batesalonika, muderha Lulema na Nahamwerhu Yezu Kristu: ² Olukogo nw'omurhula kurhengera darha Lulema na Nahamwerhu Yezu kristu bibe haguma nenyu ! ³ Ngasi kachandji bene berhu, bihunire rhusimire Lulema, nkw'oku bikwanene bulala obwemere buligya, n'obuzigire ku ngasi muguma oku bandi bulikiyongera bwenene. ⁴ na ntyo rhusime omu kanyamuzinda ka Lulema enyanya zenyu, obulembere n'obwemere omu malumwa mwalembere. ⁵ Eki kili kyemezo kyo olubandja lwa Nyamuzinda bulala ye mukwanana omu bwami bwa Lulema, muli mwalibukira. ⁶ Bulala omwazi gw'obushinganyanya embere za Lulema omu kuhemba abalibukire, ⁷ N'okubahemba, mwemwa hangayisizwe ekiluhuko haguma nerhu, amango Nahamwerhu Yezu na bamalaika bayindja n'obuhashe, ⁸ Omu kilimi ky'omuliro omu kuhana abarhenji Lulema n'abarhakenga emyazi y'obuholo ya Nahamwerhu Yezu. ⁹ Bahanwe esiku n'amango, bayegulwe emalangambere ga Nahamwerhu n'obumoleke bw'emisi yage; ¹⁰ Amango yeyinje, olo lusiku kukesa abakesibwa n'okusimira abebe bamuyemerere, bulala obuhamiriza bwerhu emwenyu bwayemererwe. ¹¹ Kye kirhumire rhulikomeza kubahunira oku bulyo Lulema werhu abahamirizize empano n'okuyundjuliza ekilagane ky'obwindja bwage n'akasi kw'obwemere bwenyu. ¹² Oku bulyo ezino lya Nahamwerhu yezu Kristu lihabwe olukengo, emwenyu kugerera olukogo lwa Lulema na Nahamwerhu Yezu Kristu.