¹ Polo, na Sylvano, na Timoteyo, oku kishagala ky'e tesalonika, abali mu Lulema eshe na Yezu Kristu Nahamwerhu: Olukogo nw'omurhula bibe haguma nenyu! ² Rhugenderere oku kuza Lulema enyanya zenyu mweshi, rhuli rhwabayibuka omu mahuno, ³ Rhulirhwayibuka ebigiro by'obwemere bwenyu, n'ebidjiro by'obusime byenyu, nw'okukishweka haguma nw'obulangalire bwenyu omu Nahamwerhu Yezu Kristu, n'embere za Lulema Darha. ⁴ Bene berhu bazigirwa ba Lulema, rhuyindji oku mwalondwerwe, ⁵ Na bulala murhayigirizwaga emyazi y'obulo omu binwa byonyine, aliko n'emisi ya muka mukesibwa n'okuyemezwa kunene; bula murhayibagiraga oku rhwayerekenwe emberee zenyu enyanya zenyu. ⁶ Na nanyu mwenyine, mwanyigireko oku bya Nahamwerhu, omu kuyemera omwazi, ekagarrhi k'amalibuko ganene haguma n'obusime bwa Muka mukesibwa; ⁷ oku bulyo mwabere lugero lwindja oku bemezi b'e Makedonia n'abe Akaya. ⁸ Oku ebyola, harhali nw'omwazi gwa Nahamwerhu gwa yumvikene kurhenga e mwenyu omu Makedoniya n'omu Akaya, aliko obwemere bwenyu omu Lulema bwarhumire mwamenyikana hoshi, oku bulyo rhwewe ntokyo rhwaka kiderha. ⁹ Bulala rhuli rhwaderha, oku somo lyerhu, okuyemerwa kuli kurhe rhwayemererwe embere zenyu, na kurhe mwayemerere Lulema, omu kuleka ebishusanyo mwakolera Nyamubaho w'okuli. ¹⁰ Erhya gera embingu omugala, eya fulaga omu bafu Yezu wa rhuchungulaga omu burhe bwa yinja.