3

¹ Do ŋasi tomon ho miet do hillohitok no Tiberio Kesari, ifa Pontio Pilato ara mamur to Yudeya, ara ifa Erode lo Galileya, hilasi honyie Pilato ara eittok le ŋhati no ituria ho Trakonitis ojo lasiana ara eittok le Agilens, ² Do ŋasi inne leitok lo Fadirihien Anania Kaipas, ottu Hiram no Hollum do Yoani, lenyi Zakaria, da waha

³ Oduloi inyeja loton aŋati no hari no Jordan. Etiyana batisimo no ŋabusak no hiyata anyar lo hehini hiyata

⁴ Iya egioro to Buk ne Isaya hekilani. "Elilloŋo lobo tihoni de waha ihuma ikoi na Habu, ihuma ikoi no honyie ana lebis.

⁵ Woni daŋ heti nuhak. Doŋiok daŋ ho mworari anyar leitirio, hunna logulo hetibisak. Hojo masik inne loru eyar lenyilita. ⁶ Owolo iso huwo daŋ ŋaitilahuni Hollum’’

⁷ Hati ojo Yoane do iluluŋ na huwo hulefa afanu de inyeja inyar loruma batisimo tere honyie. ’’Itai durre illo hiyeri no muniok ŋai leisar itai irwatik hijoria ne lottu?

⁸ Itireu haŋer inne oremik ho hobo na hiyette ojo to kwaite inne hatai, ’Erra iyohoi monye hoihoi Abramo,’ Alimak naŋ da hatai hijo oremik Hollum ŋadumu durre ille Abramo te ho moru.

⁹ Owana toru inne hade huna yani. Yani nie lobe leyani haŋer inne lobe leñar erubahini da fau ette ebirohini to hima.’’

¹⁰ Ette hiyo hulefa lowon ho ilulung hifia inyieja hijo,’’Hollum hati iyohoi nyo?’’ ¹¹ Ettirang inyeja ojo to hosie, ’’Lowon lobo hobongojin arrik, hesiara noboti do lia obe nabo, lowuon lobo ho ŋiria hegiama iya nia."

¹² Haitiluak haiduduhak ilo musuru efanu hijo anyar leruma batisimo, ojo isieja do honyi, ’’Haitiyanani, hoihum iso iyohoi nyo?’’ ¹³ Ojo inyeja do hosie, ’’Idek heidumu, ’’Arobiaha hunna lolunga hagalik inne isiaha ittai.’’

¹⁴ Eifi hido hilak osenger inyeja ojo, ’’A ma iyohoi? Anyar lehum iyohoi nyo?’’ Ettirang isieja, ’’Haidumu arobia tere lobo togolon, hidofe haitisihak lobo to taler. Iriamik itai hoidumuti inne hatai.’’

¹⁵ Ifa lewak huwo hiwolo Kristo hawoŋ, ebunyuta ifa tajia inno hosie to Yoani hijo hara ma iye Kristo. ¹⁶ Ettirang Yoani to hosie daŋ, Lara da hanaŋ, Aibatisa naŋ ittai to hifioŋ. Hati ottu iso lobo le oboro agalik naŋ le enya naya larumek aŋahou hamuha inno honyie. Eibatisio iso inyie itai to Oholio lo Olibo ojo te hima.

¹⁷ Owon hijili no honyie ta hana honyie le egilia ŋama huna abalu inyie, eiticeŋu hafuot adede hofyek ŋama do mugu no honyi, hati ojo hafuot idek de hima na leinya lodunya.’’

¹⁸ Eitito, Yoane saye inna lanyar de huwo. ¹⁹ Etiru Yoane Erode haboloni to ŋayemu no ŋorwo ne hilasi, Herodias, hojo saŋ inne lorru leihum Erode. ²⁰ Hati einyak Erode hido hihum nobo run hinyak. Esionok Yoane ta Babus .

²¹ Tanafa ifa leibatisari Yoane huwo daŋ. Ojo hido Yesu eibatisa. Ifa ho lomojo isieja ette idou ŋa. ²² Ette Loholio ile Olibo ŋadou afau do honyi to wan iya wolo tenie oto hirori tedou hijo, ’’Era iye hito hanaŋ la amuno naŋ. Amuno naya iyye.’’

²³ Ette Yesu to wan, ifa leitiara inyeja hitiyena, ifa leira inyeja ŋasi tomwana hunik. Ara ifa inyeja hito (iyya amara ) tere ho Yosefo, ²⁴ Lenyi hoi le, Lenyi Mattanat, lenyi Levi, lenyi Melki, lenyi Yonnai, lenyi Yosefo,

²⁵ lenyi Mattathias, lenyi Amos, lenyi Nahum, lenyi Asli, lenyi Naggai, ²⁶ lenyi Matt, lenyi Mattathias, lenyi Semein, lenyi Josek, lenyi Joda,

²⁷ lenyi Juana, lenyi Rhesa, lenyi Serubabel, lenyi Sheatiel, lenyi Neri, ²⁸ lenyi Melchi, lenyi Addi, lenyi Kosam, lenyi Elmadam, lenyi Er, ²⁹ lenyi Joshua, Jorim, lenyi Elieser, lenyi Jorim, lenyi Mathat, lenyi Lefi,

³⁰ lenyi Simeon, lenyi Judah, lenyi Joseph, lenyi Jonam, lenyi Eliakim, ³¹ lenyi Melea, lenyi Menna, lenyi Mattatha, lenyi Natan, lenyi David, ³² lenyi Jesse, lenyi Obed, lenyi Boaz, lenyi Salmon, lenyi Nahshon,

³³ lenyi Amminadab, lenyi Admin, lenyi Arni, lenyi Hezron, lenyi Perez, lenyi Judah, ³⁴ lenyi Jakob, lenyi Isaak, lenyi Abramo, lenyi Terah, lenyi Nahor, ³⁵ lenyi Serug, lenyi Reu, lenyi Peleg, lenyi Eber, lenyi Shelah,

³⁶ lenyi Kainan, lenyi Arphaxad, lenyi Shem, lenyi Noah, lenyi Lamek, ³⁷ lenyi Methusaleh, lenyi Enock, lenyi Jared, lenyi Mahalel, lenyi Kainan, ³⁸ lenyi Enos, lenyi Seth, lenyi Adam, Lenyi Hollum.