¹ ಹೆರೋದರಾಜನ ಜ್ಹಿನಲ್ ಯೂದಯ ಸೀಮೆ ಬೇತ್ಲೇಹೇಮ್ ಅಂಬ ಊರುಲ್ ಯೇಸುಸ್ವಾಮಿ ಹುಟ್ಟಿದಗ ಮೂಡಣ ದೇಸಯಿಂದ ಜೋಯಿಸರ್ ಯೆರುಸಲೇಮ್ಗ್ ಬಂದ್ ² ಯೆಹೂದ್ಯ ರಾಜಾಗಿ ಹುಟ್ಟಿದಂವ ಎಲ್ಯ ಇದ್ದೆನೆ? ಅಂವನೆ ತೋರ್ಸಿದ ಮಿನ್ನನೆ ನಂಗ ಮೂಡಣ ದೇಸಯಿಂದ ಕಂಡ್ ಅಂವನಗ್ ಅಡ್ಡಬೂಳಲೇ ಬನ್ನು ಅಂದ್ ಹ್ ಳಿದರ್. ³ ಕ್ ಳಿದ ಹೆರೋದ ರಾಜನಗ್ ಅವನ ಜೊತೆ ಯೆರುಸಲೇಮ್ನವರ್ ಯಲ್ಲರ್ಗ್ ಮನ್ಸ್ ಬದ್ಲ್ ಹಾತ್. ⁴ ಅಂವ ಯಹೂದ್ಯರ ಯಲ್ಲಾ ದೊಡ್ದಪುಜಾರಿಗನೆ ಸತ್ಯಪುಸ್ತಕನೆ ಕಲ್ಸೋರ್ನೆ ಸೇರಿಸಿ -ಕ್ರಿಸ್ತ ಹುಟ್ಟದ್ ಎಲ್ಯಾ ಅಂದ್ ಅವರನೇ ಕ್ಹ್ ಳಿನ. ⁵ ಅವನಗ್ ಯೂದಯದ ಬೆತ್ಲೆಹೆಮ್ಲ್ ಯ್ಯಾನಂಗದಲೇ ⁶ ಯಹೂದ ಸೀಮೆನ ಬೆತ್ಲೆಹೇಮೆ ಯಹೂದನ ದೊಡ್ಡ ಊರ್ಲ್ ನೀ ಇಸ್ಗ್ ಮಾತ್ರ ಸಣ್ಣದಲ್ಲ.ಒಬ್ಬ ದೊಡ್ದಂವ ನಿನ್ನವಳಗೆಯಿಂದ ಬರಿತ್ತೇನೆ, ಅಂವ ನನ್ನ ಪ್ರಜೆ ಆದ ಇಸ್ರಾಯೇಲನೆ ಆಳಂವ ಅಂದ್ ಪ್ರವಾದಿಯಿಂದ ಬ್ಯರ್ದೆದೆ ಅಂದ್ ಹ್ ಳಿದರ್. ⁷ ಆಗ ಹೆರೋದ ಯಾರ್ಗ್ಗೊತ್ತಾಗದಾಗೆ ಆ ಜೋಯಿಸರ್ನೆ ಕರ್ಸಿ ಆ ಮಿನ್ನ ಕಂಡ ಜ್ಹಿನಯಿಂದ ಅವರ್ ಕಡೆಯಿಂದ ಸೆರೆಗೆ ತ್ ಳ್ದೊಡು ⁸ ನಿಂಗ ಹೋಗಿ ಆ ಕೂಸ್ನ ಸುದ್ದಿಲ್ ಸೆರೆಗೆ ತ್ ಳಿನ್; ಅದ್ ಸಿಕ್ಕಿದ ಮೇಲೆ ನನಗ್ ಹ್ ಳ್ನ್; ನಾ ಬಂದ್ ಅದ್ಗ್ ಅಡ್ಡ ಬೂಳಕ್ ಅಂದ್ ಹ್ ಳಿ ಅವರನೇ ಬೇತ್ಲೆಹೆಮ್ಗ್ ಕ್ಹ್ ಳಿನ. ⁹ ಅವರ್ ರಾಜನ ಮಾತ್ ಕ್ಹ್ ಳಿ ವಾದಗ ಮೂಡವರ ಯಿಂದ ಕಂಡ ಮಿನ್ನ ಅವರ್ ಮುಂದಕ್ ಮುಂದಕ್ ಹೋಗಿ ಕೂಸ್ ಯಿದ್ದ ಜಾಗಗ್ ಬಂದ್ ನಿಂದತ್. ¹⁰ ಮಿನ್ನನೆ ನೋಡಿ ಬಾಳ ಕುಸಿಪಟ್ಟರ್. ¹¹ ಆಗ ಆ ಮನೆವಳಗೆ ವೋಗಿ ಆ ಕೂಸ್ನ ಅವ್ವ ಮರಿಯಳ ದಂಡೆಲ್ ನೋಡಿ ಅದಗ್ ಅಡ್ದಬುದ್ದು ತಂಗ ತಂದ ಗ್oಟ್ ನ್ಯಲ್ಲ ಬಿಚ್ಚಿ ಅದ್ಗ್ ಚಿನ್ನ ದೂಪ ರತ್ತಬೋಳ ಕಾಣಿಕೆ ಆಗಿ ಕ್ಟಟ್ಟರ್ . ¹² ಆಗ ದೈವ ಕನ್ಸ್ಲ್ ಅವರ್ಗ್ -ನಿಂಗ ಹೆರೋದನ ತಪು ತಿರಿಗಿ ವಗಬರ್ದ್ ಅಂದ್ ಅಪ್ಪಣೆ ಕ್ವಟ್ಟಕಂಡ್ಗ್ ಅವರ್ ಇನ್ನೊಂದು ದಾರಿಯಿಂದ ತಂಗ ದೇಸಗ್ ವಾದರ್ ¹³ ಅವರ್ ವಾದಗ ದೈವಮೈಸ ಅವನಗ್ ಕನ್ಸ್ಲ್ ಕಂಡ್-ನೀ ಎದ್ದಿ ಈ ಕೂಸ್ನೆ ಅವರ್ ಅವ್ವನೆ ಕರ್ದೊಡು ಐಗುಪ್ತದೇಸಗ್ ಓಡಿಹೋಗಿ ನಾ ಆಳಗಂಟ ಅಲ್ಲೆ ಇರ್; ಹೆರೋದ ಈ ಕೂಸ್ನೆ ಕ್ವಲಕಂದ್ ಅದ್ನೆ ತಡಕಿತ್ತೇನೆ ಅಂದ್ ಹ್ ಳಿನ. ¹⁴ ಆಗ ಅಂವ ಎದ್ದಿ ಕೂಸ್ನೆ ಕೂಸ್ನ ಅವ್ವನೆ ರಾತ್ರ ಸಮೇಲ್ ಕರ್ದೋಡು ಐಗುಪ್ತದೇಸಗ್ ಹೋಗಿ ಹೆರೋದ ಸತ್ತ್ ವಾಗಗಂಟ ಅಲ್ಲೇ ¹⁵ ಇದ್ದ ಆಗ -ನನ್ನ ಮoಙಹ್ನೆ ಐಗುಪ್ತದೇಸವಳಗಿಂದ ಕರ್ದಿಅಂದ್ ದೈವ ಪ್ರವಾದಿಯಿಂದ ಹ್ ಳಿದ ಮಾತ್ ನಡ್ದತ್. ¹⁶ ಆಗ ಹೆರೋದನ ತನಗ್ ಜೋಯಿಸರ್ ಮ್ವಾಸಮಾಡಿದೆರಂದ್ ತ್ ಳ್ದ್ ಬಾಳ ಕ್ವಾಪಯಿಂದ ಆಳ್ನೆಕಳಿಸಿ ತಾ ಜೋಯಿಸರಿಂದ ಗೊತ್ತು ಆದ ಕಾಲಯಿಂದ ಬೆತ್ಲೆಹೇಮ್ಲ್ ಅಲ್ಲಿಯಿರ ಯಲ್ಲಾ ಊರ್ಲ್ ಎರಡ್ ವರ್ಸದೊಳಗಿರ ಗಂಡ್ ಕೂಸ್ನ್ಯಲ್ಲ ಕೊಲ್ಸಿಬ್ ಟ್ಟ. ¹⁷ ಯೆರೆಮಿಯ ಅಂಬ ಪ್ರವಾದಿ ಹ್ ಳಿದ ಮಾತ್ ಆ ಕಾಲಾಲ್ ನಡ್ದತ್; ಅದ್ ಯಾನಂದಲೇ ಸದ್ದ್ ಕ್ ಳಿಸಿತ್; ¹⁸ ಅಳದ್ ಗೋಳಡದ್ ಉಂಟಾತ್; ರಾಹೇಲ ತನ್ನ ಮಕ್ಕಗಾಗಿ ಅತ್ತ್ ಅತ್ತ್ ಅವರ್ ಇಲ್ಲದ ಕಂಡ್ಗ್ ಸಮಾದಾನ ವಂದದೆ ಇದ್ದ ಅಂಬದ್. ¹⁹ ಹೆರೋದ ಸತ್ತ್ ವಾದಗ ಐಗುಪ್ತದೇಸಲ್ ದೈವಮೈಸ ಯೋಸೇಪನಗ್ ಕನ್ಸ್ಲ್ ಕಂಡ್ ²⁰ ನೀ ಎದ್ದಿ ಕೂಸ್ನೆ ಕೂಸ್ನ ಅವ್ವನೆ ಕರ್ದೋಡು ಇಸ್ರಾಯೇಲ್ ದೇಸಗ್ ವಾ; ಕೊಸ್ನ ಜ್ಜಿಂವನೆ ತೆಗೆಕ್ಅಂದ್ ಹ್ ಳಿದವರ್ ಸತ್ತ್ ವಾದರ್ ಅಂದ್ ಹ್ ಳಿನ ²¹ ಯೋಸೇಪ ಎದ್ದಿ ಕೂಸ್ನೆ ಕೂಸ್ನ ಅವ್ವನೆ ಕರ್ದೋಡು ಇಸ್ರಾಯೇಲ್ ದೇಸಗ್ ಬನ್ನ. ²² ಅಂದಲೇ ಅರ್ಖೆಲಾಯ ತನ್ನ ಅಪ್ಪಾ ಆಗಿರ ಹೆರೋದನ ಬದ್ಲ್ ಯೂದಯನೆ ಆಳಿತ್ತೆನಂದ್ ಕ್ ಳಿ ವಾಗಲೇ ಅಂಜಿನ. ಆಗ ಅಂವ ಕನ್ಸ್ಲ್ ದೈವನ ಅಪ್ಪಣೆ ಹೊಂದಿ ಗಲಿಲಾಯ ಸೀಮೆಗ್ ವಾನ. ²³ ನಜರೇತ್ ಅಂಬ ಊರ್ಗ್ ಬಂದ್ ಅಲ್ಲಿ ಮನೆ ಮಾಡ್ಯೋದು ಇದ್ದ.ಇದರಿಂದ- ನಜರಾಯ ಅಂಬ ಯಸರ್ ಅವನಗ್ ಬರ್ತ್ತೆದೆ ಅಂದ್ ಪ್ರವಾದಿ ಹ್ ಳಿಸಿದ ಮಾತ್ ನಡ್ದತ್