¹ 1 ಆಮಿಂದ ಯೆರೂಸಲೆಮ್ನಿಂಚ ವಚ್ಚುಂಡಿನ ಪರಿಸಾಯುಲು ಶಾಸ್ತ್ರಿಲ್ಲ ಕೆಲುವ್ಲು ಯೇಸು ದೆಗ್ರುಕಿ ಕೂಡಿ ವಚ್ಚ್ರಿ . ^{2 3 4} 2-4 ಪರಿಸಾಯುಲು ಯೆಹೂದ್ಯುಲುಅಂದ್ರು ಪೆದ್ದೊಲಿಂಚ ವಚ್ಚಿನ ಸಂಪ್ರಾದಾಯುಮ್ನಿ ಪಟ್ಕೋನಿ ವಾಳ್ ಸೇತ್ಲುನಿ ಬಾಗ ಕಡ್ಕೊಕುನ್ನ ಆಹಾರ್ಮುನಿ ಸೀಸ್ಕೊನೆಟ್ಲೆದು , ಪೇಟೇಕಿ ಪಾಯಿ ವಸ್ತೆ ನೂಳು ಏಸ್ಕೊಕುನ್ನ ಅಹಾರ್ಮುನಿ ಸೀಸ್ಕೊನೆಟ್ಲೆದು , ಇದ್ಕಾಕುನ್ನ ವಾಳ್ಳ ಜೌರ್ಗ ಬಟ್ಳು ತಪ್ಪುಲ್ನಿ ಬೆಳ್ಗಿ ಕಡ್ಗೆದೆ ಮೊದ್ಲಾಯಿನ ಅನೇಕ್ಮುಚಾರ್ಲುನಿ ನಡ್ಬಿಚ್ಚೆ ನೇಮಕ್ಮು ವುಂಡಾದಿ . ಯೇಸು ಶಿಷ್ಯಲ್ಲ ಕೆಲುವ್ಲು ಮೈಲ್ಗೆ ಸೇತಿಂಚ , ಅಂಟೆ ಸೈ ಕಡ್ಕೊಕುನ್ನ ಅಹಾರ್ಮುನಿ ಸೀಸ್ಕೊನೆದ್ನಿ ಆ ಪರಿಸಾಯುಲು ಶಾಶ್ತ್ರೀಲು ಕನಿ ವಾಡ್ನಿ - ⁵ 5 ನೀ ಶಿಷ್ಯುಲು ಪೆದ್ದೊಳಿಂಚ ವಚ್ಚಿನ ಸಂಪ್ರದಾಯ್ಮುಲಾಕ ಎಂದ್ಗೂ ನಡ್ಸ್ಕೊನೆಟ್ಲೆದು ? ಮೈಲ್ಗೆ ಸೇತಿಂಚ ಎಂದ್ಗೂ ಅಹಾರ್ಮುನಿ ಸೀಸ್ಕೊಂಟಾರು ಅನಿ ಅಡುಗ್ರಿ. ^{6 7} 6 ಅಂದ್ಗೆ ಯೇಸು - ಕಪಟಿಲಾಯಿನ ಮೀ ವಿಷಯುಮ್ಲ ಯೇಶಾಯುಡು ವಿಹಿತ್ಮಾಯಿ ಪ್ರವಾದಿಚ್ನಾಡು , ವಾಡು ರಾಸಿಂದೇಮಂಟೆ - ಈ ಜನಲು ಮಾಟಿಂಚ ನನ್ನೀ ಸನ್ಮಾನಿಸ್ತಾರು , ಆಯ್ತೆ ವಾಳ್ ಮನ್ಸು ನಾಕಿ ದೂರ್ಮಾಯಿಂದಿ . 7 ಮನುಷ್ಯುಲು ಕಲ್ಪಿಚ್ಚಿನ ಕಟ್ಟಳೆನೆ ವಾಳು ಬೋಧಿಚ್ಚುಂಡೆದಾನ್ಕಿ ನಾಕಿ ಭಕ್ತಿನಿ ಸೂಪೇದಿ ವ್ಯರ್ಥ್ಮು ಅನೇದೆ . ^{8 9 10} 8 ಮೀರು ದೇವುಡು ಆಜ್ನೆನಿ ಇಡ್ಸಿ ಮನುಷ್ಯುಲು ಕಲ್ಪಿಚ್ಚಿನ ಸಂಪ್ರದಾಯುಮ್ನಿ ಪಟ್ಕೊನ್ನಾರು ಅನಿ ಸೊಪ್ಪೇ . 9 ಯೇಸು ಇಂಕ ವಾಳ್ಕಿ - ಮೀರು ಮೀ ಸಂಪ್ರದಾಯುಮ್ನಿ ಪಟ್ಕೋನಿ ನಡ್ಬಿಚ್ಚೆದಾನ್ಕಿ ದೇವುಡು ಆಜ್ನೆನಿ ವ್ಯರ್ಥ್ಮು ಸೇಸ್ತಾರು, ಬಹು ಬಾಗುಂಡಾದಿಕದ. 10 ತoಡ್ರಿ - ತಲ್ಲಿನಿ ಸನ್ಮಾನಿಯಾಲನಿ ತಂಡ್ರಿನಾವ್ನಿ ತಲ್ಲಿನಾವ್ನಿ ದೂಷಿಚ್ಚೊಡ್ಕಿ ಮರ್ಣ್ಮು ದಂಡಣ್ಮು ಆವಾಲನಿ ಮೊಶೇಯುಡು ಸೊಪ್ನಾಡು , ^{11 12 13} 11-12 ಮೀರೋ ಒಕ್ಡು ತನ್ ತಂಡ್ರಿನಾವ್ನಿ ತಲ್ಲಿನಾವ್ನಿ ಸೂಸಿ ನಾನು ನೀ ಸಂರಕ್ಷಣ್ಮುಕಾವ್ನಿ ಇಚ್ಚೆದಾನ್ನಿ ಕೊರ್ಬಾನ್ ಸೇಸ್ನಾನು (ಅಂಟೆ ದೇವುಡುಕಾಯಿ ಪೆಟ್ನಾನು ) ಅನಿ ಸೊಪ್ಪೆದಾಯ್ತೆ ವಾದು ತನ್ ತಂಡ್ರಿನಾವ್ನಿ ತಲ್ಲಿನಾವ್ನಿ ಇಂಕೇಮಿ ಸೇಯ್ಗೂಡ್ದನಿ ಸೊಪ್ತಾರು . 13 ಇಟ್ಟೆ ಮೀರು ನೆರ್ಪ್ತಾ ವಚ್ಚಿನ ಸಂಪ್ರದಾಯ್ಮಿಂಚ ದೇವುಡು ವಾಕ್ಯುಮ್ನಿ ನಿರರ್ಥಕ್ಮು ಸೇಸ್ತಾರು , ಮಲಿ ಇಟ್ಟೆ ಕಾರ್ಯುಲ್ನಿ ಇಂಕ ಎನ್ನೋ ಸೇಸ್ತಾರು ಅನಿ ಸೊಪ್ಪೇ . ^{14 15 16} 14 ಆಮಿಂದ ಯೇಸು ಜನಲು ಗುಂಪ್ನಿ ತಿರ್ಗಿ ಹತ್ರುಮ್ಕಿ ಪಿಲ್ಚಿ ನಾ ಮಾಟ್ಲುನಿ ಇನಂಡ್ರಿ , ತಿಲ್ಸ್ಕೊಂಡ್ರಿ . 15-16 ಆಕ್ಟರಿಂಚ ಮನುಷ್ಯುಡುನೋನ್ಕಿ ಪಾಯಿ ವಾಡ್ನಿ ಹೊಲೆಸೇಸೆಅಟ್ಟೆದಿ ಒಕ್ತೀ ಲೇದು , ಆಯ್ತೆ ಮನುಷ್ಯುಡುನೋನಿಂಚ ವಚ್ಚೇವೆ ಮನುಷ್ಯುಡ್ನಿ ಹೊಲೆಸೇಸೆಅಟ್ಟೆವಿಆಯ್ನಾವಿ ಅನಿ ಸೊಪ್ಪೇ . ^{17 18 19} 17 ಆಮಿಂದ ಯೇಸು ಜನಲ್ನಿ ಇಡ್ಸಿ ಇನ್ಟ್ಲೆಕಿ ಪಾಯ್ನಪ್ಪ್ದು ಯೇಸು ಶಿಷ್ಯುಲು ಆ ಸಾಮ್ಯುಮು ಅರ್ಥ್ಮೇಮಿ ಅನಿ ಯೇಸುನಿ ಅಡ್ಗ್ನಪ್ಪ್ದು ಯೇಸು ವಾಳ್ಕಿ - 18 ಮೀಕಿ ಅಂತೂ ಬುದ್ದಿ ಲೇದಾ? 19 ಆಕ್ಟರಿಂಚ ಮನುಷ್ಯುಡುನೋನ್ಕಿ ಪಾಯೇಅನ್ಟೆದಿ ವಾಡ್ ಹ್ರುದುಯ್ಮುನೋನ್ಕಿ ಸೇರ್ಕೊಕುನ್ನ ಕೊಡುಪ್ಲ ಸೇರ್ಕೊನಿ ಬಹಿರ್ದೆಶುಮ್ಕಿಪಾಯೇದಾನ್ನಿಂಚ ವಾಡ್ನಿ ಹೊಲೆ ಸೇಸೆಕಾಯೇಟ್ಲೆದನಿ ಮೀಕಿ ತಿಲಿಲೆದೋ ಅನಿ ಸೊಪ್ಪೇ .ಇಟ್ಟ ಸೊಪ್ಪಿನ್ದಾನ್ನಿಂಚ ತಿನೇ ಪದಾರ್ಥ್ಮಂತ ಶುಧ್ಮನಿ ಸೂಚಿಚ್ಚೆ . ^{20 21 22 23} 20 ಯೇಸು ಇಂಕ - ಮನುಷ್ಯುಡುನೊನಿಂಚ ವಚ್ಚೆಅಟ್ಟೆದೆ ಮನುಷ್ಯುಡ್ನಿ ಹೊಲೆಸೆಸೇದಿ , 21-22 ನೋನಿಂಚ ಅಂಟೆ ಮನುಷ್ಯುಡುನೋನಿಂಚ ಸೂಳ್ಗಾರ್ಕ್ಮು ದೊಂಗ್ತನ್ಮು ಕೊಲೆ ಹಾದ್ರುಮು ದ್ರವ್ಯಾಶ್ಮು ಕೆಡುಕುತನ್ಮು ಮೊಸ್ಮು ಬಂಡುತನ್ಮು ಕೊಡ್ಪುಹುರಿ ತಿಟ್ಟೆದಿ ಸೊಕ್ಕು ಬುದ್ಗೆಡಿ ತನ್ಮು ಇವೆ ಮೊದ್ಲಾಯಿನ ಶೆಡ್ಡೆ ಆಲೋಚ್ನುಮು ವಸ್ತಾವಿ . 23 ಈ ಶೆಡ್ಡೆ ವಿಷಯುಲು ಅನ್ನಿ ನೋನಿಂಚ ವಚ್ಚಿ ಮನುಷ್ಯುಡ್ನಿ ಹೊಲೆಸೇಸ್ತಾವಿ ಅನೆ . ^{24 25 26} 24 ಆನಿಂಚ ಯೇಸು ಲೇಸಿ ಹೋರ್ಟಿ ತೂರ್ ಪಟ್ಣುಮಿನ ಪ್ರಾಂತ್ಯಲಿಕು ಪಾಯಿ ವಚ್ಚಿ ಇಂಟ್ನೋನ್ಕಿ ದಿಕ್ಕೊನಿ ಆದಿ ಯೋಳ್ಕು ಗೊತ್ತಾವ್ಕುಡ್ದುಅನುಂಡೆ, ಆಯ್ತೆ ವಾಡು ಗುತ್ಪ್ಮಾಯುಂಡೆಕಿ ಆಯ್ಕುನ್ನ ಪಾಯೇ . 25 ಕೂಡ್ನೆ ಓಕ್ ಆಡ್ದಿ ವಾಡ್ ಸುದ್ದಿನಿ ಇನಿ ವಚ್ಚಿ ಯೇಸು ಪಾದುಮ್ಕಿ ಪಡೆ . 26 ದಾನ್ ಬಿಡ್ಕಿ ದೈಮು ಪಟ್ಟುಂಡೆ . ಆ ಆಡ್ದಿ ಅನ್ಯುಮು ಮತುಮ್ದಿ ಸುರೋಪೋಯಿನಿಕ್ಯದಾನ್ದಿ ಆಯುಂಡೆ . ^{27 28} 27 ಆದಿ ತನ್ ಬಿಡ್ಡಿನ ದೈಮು ಇಡ್ಬಿಯಾಲನಿ ಯೇಸುನಿ ಬೇಡ್ಕೊನ್ನಪ್ಪ್ದು ಯೇಸು ದಾನ್ಕಿ - ಬಿಡ್ಳುಕಿ ಮೊದ್ಲು ತ್ರುಪ್ತಿಯಾವ್ನಿ , ಬಿಡ್ಳು ತಿನೇ ರೊಟ್ನಿ ಸಿಸ್ಕೋನಿ ಕುಕ್ಲುಪಿಲ್ಲಿಲ್ಕಿ ಏಸೇದಿ ಸರಿಕಾದು ಅನಿ ಸೊಪ್ಪೇ . 28 ದಾನ್ಕಿ ಆದಿ - ಸ್ವಾಮೀ , ಆ ಮಾಟ ನಿಜ್ಮ , ಮೇಜುದುಗುನುಂಡಿನ ಕುಕ್ಲುಪಿಲ್ಲುಲುಕಂತೂ ಬಿಡ್ಳು ಸೈಯಿಂಚ ಪಡೆ ರೊಟ್ಳು ತುಂಡ್ಲುನಿ ತಿನ್ಟಾವೆ ಅನಿ ಉತ್ರುಮಿಚ್ಚೆ ಯೇಸು - ^{29 30} 29 ಈ ಮಾಟ್ನಿ ಸೊಪ್ಪಿನ್ದಾನ್ಕಿ ದೈಮು ನೀ ಬಿಡ್ನಿ ಇಡ್ಸಿಡ್ಸಿಂದಿ , ಪೋ ಅನೆ . 30 ಆದಿ ತನ್ ಇನ್ಟ್ಕಿ ಪಾಯಿ ಸೂಸಿ ಆ ಪಿಲ್ಲ ಹಾಸ್ಗ್ಮಿಂದ ಪೊಂಗೊನುಂಡೆ , ದೈಮು ದಾನ್ನಿ ಇಡ್ಸಿ ಪಾಯುಂಡೆ . ^{31 32} 31 ಆಮಿಂದ ಯೇಸು ತೂರ್ ಪಟ್ಣುಮು ಪ್ರಾಂತ್ಯುಮುಲ್ನಿ ಇಡ್ಸಿ ಸೀದೂಮ್ ಪಟ್ಣುಮಿನ ಮಾರ್ಗ್ಮಾಯಿ ದೆಕಪೋಲಿನ ಮಾರ್ಗ್ಮುನಿ ಹಾಯ್ಸಿ ಗಲಿಲಾಯ್ಮು ಸಮುದ್ರುಮ್ಕಿ ವಚ್ಚೆ . 32 ಅಪ್ಪ್ದು ಕೆಲುವ್ಲು ತೊದ್ಲು ಮಾಟ್ಲಾಡೆ ಒಕ್ಡು ಸೌಟೋಡ್ನಿ ಯೇಸು ದೆಗ್ರುಕಿ ತೊಡ್ಕೊವಚ್ಚಿ - ^{33 34 35} 33-34 ವೂಡ್ ಮಿಂದ ನೀ ಸೈಪೆಟ್ಟಾಲ ಅನಿ ಯೇಸುನಿ ಬೇಡ್ಕೊನ್ರಿ . ಯೇಸು ವಾಡ್ನಿ ಜನಲು ಗುಂಪಿಂಚ ಒಕ್ತೊಟ್ಗಿ ತೊಡ್ಕೊಂಪಾಯಿ ತನ್ ಏಳ್ಳುನಿ ವಾಡ್ ಶೋವ್ಲುಲ ಪೆಟ್ಟಿ ಊಸಿ ವಾಡ್ ನಾಲ್ಕ್ನಿ ಮುಟ್ಟಿ ಆಕಾಶ್ಮು ತೊಟ್ಕಿ ಸೂಸಿ ನಿಟುಸ್ರುನಿ ಇಡ್ಸಿ ವಾಡ್ಕಿ - ಎಫ್ಪಥಾ ಅನಿ ಸೊಪ್ಪೇ. 35 ಆ ಶಭ್ಮುಕಿ ತೆರಿನಿ ಅನಿಅರ್ಥ್ಮು . ಸೊಪ್ತಾನೆ ವಾಡ್ ಶೊವ್ವು ತೆರ್ಸೆ , ವಾಡ್ ನಾಲ್ಕಿನ ಕಟ್ಮು ಇಪ್ಪಿಪಾಯೇ , ವಾಡು ನೆಟ್ಗ ಮಾಟ್ಲಾಡೆ . ^{36 37} 36 ಅಪ್ಪ್ದು ಯೇಸು - ಯೌಳ್ಕು ತಿಲ್ಬಿಯ್ಗುಡ್ದು ಅನಿ ವಾಳ್ಕಿ ಖಂಡಿತ್ಮಾಯಿ ಸೊಪ್ಪೇ . ಆಯ್ತೆ ಎಂತ ಖಂಡಿತ್ಮಾಯಿ ಸೊಪ್ತೆನು ವಾಳು ಇನ್ಕೊಂಚ್ಮು ಹೆಕ್ವಾಯಿ ದಾನ್ನಿ ಹಬ್ಬಿಚ್ಚ್ರಿ . 37 ವಾಳು ಹೆಕ್ವಾಆಶ್ಚರ್ಯುಮು ಪಡಿ - ಅಂತ ಬಾಗ ಸೇಸ್ನಾಡು , ಶೌಟೋಲಾಯ್ತೆನು ಇನ್ನಟ್ಗ ಸೇಸ್ತಾಡು , ಮೂಗೊಡಾಯ್ತೆನು ಮಾಟ್ಲಾಡಟ್ಗ ಸೇಸ್ತಾಡು ಅನ್ಕೋನೆ.