^{1 2 3} 1.ಆ ಸ್ತ್ರೀಯಲು ಸಬ್ಬತ್ ದಿನಂಲಾ ಧರ್ಮನಿಯಮಪ್ರಕಾರಂ ವಿಶ್ರಮಿಚ್ಗನಿ ವಾರಂಮೊದ್ಲೇದಿನಂ ಇಂಕ ಮೋಬ್ಬುನಪ್ದು ತಾವು ಸೇಸ್ನಾ ಸುಂಗಧ ದ್ರವ್ಯಲ್ನಿ ತಿಸ್ಗಾನಿ ಸಮಧಿಗಿ ವಸ್ತಾರು. 2.ಸಮಾಧಿಗಿ ಮೂಸ್ನಾ ರಾಯಿ ಆನ್ನಿಂಕ ಉಲ್ಬಿಚ್ಚಿನ್ದಾನ್ನಿ 3. ಸೂಸಿ ಲೋಕಿಪಾಯಿ ಸೂಸದಾಂಟ್ಲಾ ಯೇಸುಸ್ವಾಮಿಯ ದೇಹಮು ಕನ್ಬಿಲೇ ^{4 5} 4.ಈ ವಿಷಯಮ್ಲಾ ವಾಳ್ಗಿ ಗಲಿಬಿಲಿ ಉಂಟೈನಪ್ಡು ಹೊಳ್ಸ ಉಡುಪ್ನಿ ಧರ್ಸುಂಡ ಇದ್ರೂ ಪುರುಷುಲು ಅಕಸ್ಮಾತ್ತoಗ್ಗ ವಾಳ ದೇಗ್ಗರ ನಿಲ್ಚಗ್ಗನಾರು. 5.ಆ ಸ್ತ್ರೀಯಲು ಭಯಂಪೋಡ್ನೋಳಾಯಿ ವಾಳ ಮೊಖಲ್ನಿ ನ್ಯಾಲ್ ಕಡ್ಗಿ ವಂಗ್ಗಿಚ್ಗೋಉನ್ನಪ್ದು ಆ ಪುರುಷಲು ವಾಳ್ಗಿ ಸಚ್ಚಿನೋಳೋಗ ಬದ್ಕುಂಡವಾಡ್ನಿ ಹುಡ್ಕೆದೇಮಿ?ಆತುಡು ಇನಾ ಲೇದು,ಲೆಸ್ನಾಡು. ^{6 7} 6.ಆತುಡು ಇಂಕ ಗಲಿಲಾಯ್ಲ ಉಂನಪ್ದೆ-ಮನುಷ್ಯಕುಮಾರುಡು ಪಾಪಿಲೈನಾ ಮನುಷ್ಯಲ ಸೇತ್ಗಿ ಒಪ್ಪಿಚ್ಚಲ್ಪಡಿ ಶಿಲುಬೆಗಿ ಎಸಲ್ಪಡಿ ಮೂಡ್ನೆದಿನಂಲಾ ಲೇಸಿ ವಚ್ಚೇದಿ ಅಗತ್ಯಂಅನಿ ಮೀಕಿ ಸೋಪ್ಪಿದಾನ್ನಿ ನೆಂಪ್ಗಿ ತಿಸ್ಗಂಡ್ಡಿ ಅನಿ ಸೋಪ್ನಾಳು. 7.ಆತುಡು ಇಂಕ ಗಲಿಲಾಯಂಲಉಂಡ್ನಪ್ದು-ಮನುಷ್ಯಕುಮಾರುಡು ಪಾಪಿಲೈನಾ ಮನುಷ್ಯಾಲಸೇತ್ಗಿ ಒಪೀಚ್ಚಲ್ಪಡಿ ಶಿಲುಬೆಗಿ ಎಬಿಚ್ಚಲ್ಪಡಿ ಮೂಡ್ನೆ ದಿನಂಲಾ ಲೇಸಿ ವಚ್ಚೇದಿ ಅಗತ್ಯಮನಿ ಮೀಕಿ ಸೋಪ್ಪಿಂದ್ದನ್ನಿನೆನಪ್ಗಿ ತಿಸ್ಗಂಡ್ಡಿಅನಿ ಸೋಪ್ನಾಳು. ^{8 9 10} 8.ಸ್ತ್ರೀಯಲು ಆತುಡ ಮಾಟಲ್ನಿ 9.ನೆನಪ್ಗಿ ತಿಸ್ಗನಿ ಸಮಾಧಿಯ ದೇಗ್ಗರ್ನಿಂಕ ಯನ್ಕಿತಿರ್ಗಿ ಪಾಯಿ ಆ ಸಂಗತಿಲ್ನಂತ ಪದ್ಕುoಡುಮಂದಿ ಶಿಷ್ಯಾಲ್ಗು ಉಳ್ಸನವಾಳoದ್ರುಗು ತಿಲ್ಬಿಚ್ನಾಳು. 10.ಆ ಸ್ತ್ರೀಲು ಯವ್ಲoಟ್ಟೆ ಮಗ್ದಲಂನಮರಿಯಳು,ಯೋಹಾನಳು,ಯಾಕೋಬುಡ ತಲ್ಲಿಆಯ್ನಾ ಮರಿಯಳುಊಳೆ.ಊಳ ಜೊತ್ಲಾಉಂಡ್ನಾ ಬೇರೆ ಸ್ತ್ರೀಯಲು ಸಹ ಅಪೋಸ್ತಲಾಳ್ಗಿ ಆ ಸಂಗತಿಲ್ನಿ ಸೋಪ್ನಾಳು. ^{11 12} 11.ವಾಳು ನಂಬ್ಲೇದು;ಆ ಮಾಟಲ್ನಿ ವಾಳ್ಗಿ ಬರಿ ಹರಟೆಆಯಿ ತೋರ್ನಾವಿ. 12.[ಆಯ್ತೆ ಪೇತ್ರುಡು ಲೇಸಿ ಸಮಾಧಿಗಿ ಪಾರಿಪಾಯಿ ವoಗಿಸೂಸಿ ನಾರು ಬಟ್ಟಲ್ನಿ ಮಾತ್ರ ಸೂಸಿ ನಡ್ಸನ ಸಂಗತಿಲ್ಗಿ ತನ್ಲಾ ಆಶ್ಚರ್ಯoಪೋಡ್ತಾ ಎಲ್ಲಿಪೈನಾಡು]. ^{13 14} 13.ಅದೇ ದಿನಂಲಾ ಶಿಷ್ಯಾಲಾ ಇದ್ರೂ ಯೆರುಸಲೇಮ್ಗಿ ಆರುನರ ಮೈಲಿ ದೂರ್ಮಲಾಉಂಡ್ನ ಎಮ್ಮಾಹು ಅನಾ ಹಳ್ಳಿಗಿ ಪಾತ 14.ಸಂಭವಿಚ್ಚಿನ ಈ ಅಂತಾ ಕಾರ್ಯಾಲ ವಿಷಯಂಗ ಸಂಭಾಷಣೆ ಸೇಸ್ತಾವುoಡ್ರಿ. ^{15 16} 15.ವಾಳು ಸಂಭಾಷಣೆಲಾ ಚರ್ಚಿಸ್ತುoಡಾಗ ಯೇಸು ತಾನೇ ದೇಗ್ಗರ್ಗಿ ವಚ್ಚಿ ವಾಳ ಜೊತ್ಲಾ ಪೈನಾಡು. 16.ಆಯ್ತೆ ವಾಳು ಆತುಡ ಗುರುತ್ನಿ ಪೋಟ್ಲೇದು;ವಾಳ ಕಂಡ್ಲು ಕಟ್ನ ಅಟ್ಟಯ. ^{17 18} 17.ಆತುಡು ವಾಲ್ನಿ-ಮೀಳು ಮಾರ್ಗಮ್ಲ ಪಾತ ಚರ್ಚಿಚ್ಚಿ ಮಾಟಾಡ್ಗನ್ನ ಈ ಸಂಗತಿಲೇಮು ಅನಿ ಅಡ್ಗಲು ವಾಳು ದುಃಖಂನ ಮೊಖಂಉಳ್ಲೋಲೈ ನಿಲ್ಚಾರು. 18.ವಾಳಾ ಕ್ಲೆಯೊಫಡನವಾಡು ಆತುಡ್ನಿ-ಯೇರುಸಲೆಮ್ಗಿ ವಚ್ಚ ಪರಸ್ಥಳಮೊಳ್ಗಅಂದ್ರುಗು ಈ ದಿವಸಂಲಾ ದಾನ್ಲೋಗ ನಡ್ಸುoಡ್ಡ ಸಂಗತಿಲು ಗೊತ್ತುoಡಲಾಗ ನೀಕಿ ಮಾತ್ರ ಗೊತ್ಲೇದೋ ಅನಿ ಅಡ್ಗಲು ಆತುಡು ವಾಲ್ನ-ಯಾವ ಸಂಗತಿಲು ಅನಿ ಅಡ್ಗ್ನಾಡು. ^{19 20} 19.ದಾನ್ಗಿ ವಾಳು-ನಜರೆತೋಡೈನಾ ಯೇಸುವಿನ ಸಂಗತಿಲೆ;ಆತುಡು ದೇವುಡ ಮುಂದ್ರ ಮಲಿ ಮನುಷ್ಯಲ ಮುಂದ್ರ ಕೃತ್ಯಲನು ಮಾಟ್ನಲಾನು ಸಮರ್ಥುಡೈನ ಪ್ರವಾದಿ ಅಯ್ನಾಟದಿ. 20.ಆತುಡ್ನಿ ಮಹಾಯಜಕುಲು ಮಾ ಅಧಿಕಾರಿಲು ಮರಣದಂಡನೆಗಿ ಒಪ್ಪಿಚ್ಚಿಇಚ್ಚಿ ಶಿಲುಬೆಗಿ ಎಬಿಚ್ನಾಳು. ²¹ 21.ನಾನೈನೋ ಇಸ್ರಾಯೇಲ್ ಜನಾಲ್ನಿ ಉಡ್ಬಿಚ್ಚತಕ್ಕವಾಡು ಆತುಡೆ ಅನಿ ನಿರೀಕ್ಷಿಚ್ಗನಾಮು.ಇದಿ ಮಾತ್ರoಕಾಗ್ನೆ ಆ ಕಾರ್ಯಾಲು ನಡ್ಸಾ ಈ ಪದ್ದು ಮೂಡ್ನೆ ದಿನ್ಮು; ^{22 23 24} 22.ಆಯ್ನು ಮಾಲ ಕೆಲ್ವು ಮಂದಿಸ್ತ್ರೀಲು ತೆಲ್ಲಾರ ಸಮಾಧಿಲ ದೇಗ್ಗರ ಉಂಡಿ 23.ಆತುಡ ದೆಹಾಮ್ನಿ ಸೂಡ್ಗುoಡ್ಡ ಆಂನಿಂಕ ವಚ್ಚಿ ವಾಳ್ಗಿ ದೇವದೂತುಲ ದರ್ಶನಂಆಯನಿ ಆತುಡು ಬದ್ಕತಾಡನಿ ವಾಳು ಸೋಪ್ನಾಳನಿ ತಿಳ್ಬಿಚ್ಚಿ ಮಾಕಿ ಅತ್ಯಾಶ್ಚರ್ಯಂಉಂಟ್ಸೇಸ್ನಾರು. 24.ಮಾ ಜೊತ್ಲಾ ಉಂಡೋಳಾ ಕೆಲವ್ಳು ಸಮಾಧಿಗಿ ಪಾಯಿ ಆ ಸ್ತ್ರೀಯಲು ಸೋಪ್ನಾ ಪ್ರಕಾರಮೆ ಸೂಸ್ನಾರು;ಆತುಡ್ನಿ ಮಾತ್ರ ಸೂಡ್ಲೆದು ಅನಿ ಸೋಪ್ನಾಳು. ^{25 26 27} 25.ಆತುಡು ವಾಳ್ಗಿ-ಎಲಾ,ಬುದ್ದಿಲೆಗುನ್ನವಾಳೆ,ಪ್ರವಾದಿಲು ಸೋಪ್ಪಿಂದoತ್ತ ನಂಬೆದಾಂಟ್ಲಾ ಮಂದ ಹೃದಯಂಮೊಳೆ, 26.ಕ್ರೀಸ್ತುಡು ಇಟ್ಟ ಶ್ರಮಾಲ್ನಿ ಅನುಭವಿಚ್ಚಿ ತನ್ನ ಮಹಾಪದವಿಗಿ ಸೇರೆದಿ ಅಗತ್ಯಮೈನಾದಿಕಾದೆ ಅನಿ ಸೊಪ್ಪಿ 27.ಮೋಶೆಯ ಮಲಿ ಅಂತ ಪ್ರವಾದಿಲ ಗ್ರಂಥಲು ಮೊದಲ್ಗನಿ ಸಮಸ್ತ ಗ್ರಂಥಲಾ ತನ್ನ ವಿಷ್ಯಮೈನ ಸೂಚನಾಲ್ನಿ ವಾಳ್ಗಿ ವಿವರಿಚ್ಚಾಡು. ^{28 29} 28.ವಾಳು ಪಾತುಂಡ ಹಳ್ಳಿಯ ಸಮೀಪಾನ್ಗಿ ವಚ್ನಪ್ದು ಆತುಡು ಮುಂದರ್ಗಿಪಾಯೋಡಟ್ಟ ಕನ್ಬಿಚ್ನಾಡು. 29.ಆಯ್ತೆ ವಾಳು-ಮಾ ಜೊತ್ಲಾ ಉಂಡು,ಮಾವ್ಸರಾಯ.ಪದ್ದು ದಿಗ್ತಾ ವಚ್ಚೆ ಅನಿ ವಾಡ್ಗಿ ಸೊಪ್ಪಿ ಬಲವಂತಂಸೇಯ್ಯಾಗ ಆತುಡು ವಾಳ ಕೂಡ ಉಂಡೆದಾನ್ಗಿ ಊರ್ಲೋಕಿ ಪೈನಾಡ. ^{30 31 32} 30.ಆತುಡು ವಾಳ ಸಂಗಡ ಊಟಂಗಿ ಕುಚ್ಚನಪ್ದು ರೊಟ್ಟನಿ ತಿಸ್ಗಾನಿ ದೇವುಡ ಸ್ತೋತ್ರಂಸೇಸಿ ಇರ್ಸಿ ವಾಳ್ಗಿ ಇಚ್ಚಲಾಗ ವಾಳ ಕಂಡ್ಲು ತೆರ್ಸನಾವಿ, 31.ವಾಳು ಆತುಡ ಗುರುತ್ನಿ ಪೋಟ್ನಾಳ;ಆತುಡು ವಾಳ ಕಂಡ್ಲಿಗಿ ಮಾಯಂಮೈನಾಡು. 32.ಅಪ್ಡು ವಾಳು ಒಕ್ಕಲೋಕ್ಕಳು-ಆತುಡು ದಾವ್ಲಾ ಮಾ ಸಂಗಡ ಮಾಟಾಡ್ನಾಪ್ದು ಗ್ರಂಥಲಾ ಅರ್ಥಮ್ನಿ ಮಾಕಿ ಇಂಪಿ ಸೋಪ್ನಾಪ್ದು ಮಾ ಹೃದಯಮು ಮಾಲ ^{33 34 35} 33.ಕುದ್ಸಿoದ್ದಿಕಾದೆ ಅನಿ ಸೋಪ್ಗಾನಿ ಅದೇ ಗಳಿಗೆಲಾ ಲೇಸಿ ಯೇರುಸಲೆಮ್ಗಿ ಯನ್ಕಿತಿರ್ಗಿಪೈನಾರು.ಆನ ಪದ್ಕುoಡ್ಡು ಮಂದಿ ಶಿಷ್ಯಾಲು ವಾಳ ಸಂಗಡ ಉಂಡ್ನಾಳು ಒಟ್ಟಂಗ ಸೇರ್ಗಾಉಂಡಾದಿ- 34.ಸ್ವಾಮೀ ಲೇಸ್ಸಿಂದ್ದಿ ನಿಜ್ಮು,ಆತುಡು ಸೀಮೋನುಡ್ಗಿ ಕಂಬಿಚ್ಗಾಂನಾಡು ಅನಿ ಸೋಪ್ತಾವುಟಾರು. 35.ದೀನ್ನಿ ಸೂಸಿ ವಾಳು ದಾವ್ಲಾ ನಡ್ನಾ ಸಂಗತಿನ್ನಿ ರೊಟ್ಟಇರ್ಸೆದಾಟ್ಲಾನು ತಾವು ಆತುಡ ಗುರುತು ಪೋಟ್ನಾಮನದಾನ್ನಿ ವಿವರಿಚ್ನಾಳು. ^{36 37} 36.ವಾಳು ಈ ಸಂಗತಿಲ್ನಿ ಕುರ್ಚಿ ಮಾಟಾಡ್ತಾವುನ್ನಪ್ದು ಆತುಡೆ ವಾಳ ಮದ್ಯಲ ನಿಲ್ಚಿ[ನೀಕಿ ಮನಶ್ಯಾಂತಿ ಕಾನಿ ಅನಿ ವಾಳ್ಗಿ ಸೋಪ್ನಾಡು]. 37.ವಾಳು ದಿಗುಲ್ಪೋಡಿ ಭಯಂಪೋಡ್ನೋಳಯಿ ವಾಳು ಸೂಸ್ನದಾನ್ನಿ ಭೂತಂಅನಿ ಭಾವಿಚ್ಚಾರು. ^{38 39 40} 38.ಆತುಡು ವಾಳ್ಗಿ ಯಂದ್ಗು ಕಾಳವಳ ಗಂಟಾಳು?ಮೀ ಹೃದಯಂಲಾ ಅವಮಾನಲು ಪುಟ್ಟೇದೇನ್ದ್ಗು?ನಾ ಸೈಲ್ನಿ ನಾ ಕಾಳ್ನಿ ಸೂಡoಡ್ಡಿ,ನಾನೇ ಕಾದೆ. 39.ನನ್ನಿ ಮುಟ್ಟಿಸೂಡoಡ್ಡಿ,ಮೀಕಿ ಕಾಣ ಪ್ರಕಾರಂ ನಾಕಿ ಮಾಂಸಮು ಎಲುಬುಲು ಉಂಟ್ಟು;ಅವಿ ಭೂತಾಂಗಿ ಲೇದು ಅನಿ ಸೋಪ್ನಾಡು. 40.[ದೀನ್ನಿ ಸೋಪ್ನ ಪೈನಾ ಆತುಡು ತನ್ನ ಸೈಲ್ನಿ ಕಾಳ್ನಿ ವಾಳ್ಗಿ ಸೂಪ್ನಾಡು]. ^{41 42 43} 41.ಆಯ್ತೆ ವಾಳು ಸಂತೋಷಂದೆಸೆನ್ನಿಂಕ ಇಂಕಾ ನಮ್ಗುನ್ನ ಆಶ್ಚರ್ಯಂ ಪೋಡ್ತುoಡಾಗ ಆತುಡು-ತಿನ್ನಟ್ಟ ಪದಾರ್ಥಮೆಮೈನ ಇನಾ ಮೀಕುನ್ಟೋ ಅನಿ ವಾಲ್ನಿ ಅಡ್ಗಾಲು 42.ವಾಳು ಕಾಲ್ಚಿನ ಸ್ಯಾಪ ಒಕ್ಕ ತುಂಡ್ನಿ ಆತುಡ್ಗಿ ಇಚ್ಚಾರು. 43.ಆತುಡು ತಿಸ್ಗಾನಿ ವಾಳ ಮುಂದ್ರ ತಿನ್ನಾಡು. ⁴⁴ 44.ತರುವಾತಂ ಆತುಡು-ನಾನು ಇಂಕ ಮೀ ಸಂಗಡ ಉನ್ನಪ್ದು ಇದಂತ ಮೀಕಿ ತಿಲ್ಬಿಚ್ಚಲೆದೆ?ನಾ ವಿಷ್ಯಂಗ ಮೋಶೆಯ ಧರ್ಮಶಾಸ್ತ್ರoಲಾನು ಪ್ರವಾದಿಲ ಗ್ರಂಥಂಲಾನು ಕೀರ್ತನಲಾನು ರಾಸಿಂದ್ಕದ ನೆರವೆರ್ತಾದಿ ಅಗತ್ಯಮನಿ ಮೀಕಿ ಸೋಪ್ಲೇದೆ ಅನ್ನಾಡು. ^{45 46 47} 45.ಅಮಂಕ ವಾಳು ಶಾಸ್ತ್ರವಚನಾಲ್ನಿ ತಿಚ್ಗನಟ್ಟ ಆತುಡು ವಾಳ ಬುದ್ದಿನಿ ತೀಸಿ ವಾಳ್ಗಿ- 46.ಕ್ರೀಸ್ತುಡು ಶ್ರಮೆಪಡಿ ಸಚ್ಚಿ ಮೂಡ್ನೆ ದಿನಂಲಾ ಜೀವಿತಾಡೈ 47.ಲೇಸಿವಚ್ಚವಾಡೈ ಪಾಪಪರಿಹಾರಾನ್ಗೋಸ್ಕರಂ ದೇವುಡ ಕಡ್ಗಿ ತಿರ್ರಿಕವಾಲನ ಮಾಟ ಯೆರುಸಲೆಮು ಮೊದ್ಲುಗನಿ ಸಮಸ್ತ ದೇಶಮೊಲ್ಗು ಆತುಡ ಪೆರ್ಲಾ ಸಾರಲ್ಪಡ್ತಾದನಿಯು ರಾಸಿಂದಿ. ^{48 49} 48.ಇವ್ಟಲ ವಿಷಯಂಲಾ ಮೀಳೇ ಸಾಕ್ಷಿ ಸೋಪ್ಪವಾಲೈನಾಳು. 49.ಇನೋ ನಾ ತಂಡ್ರಿಯ ವಾಗ್ಧನಂ ಸೇಸಿನ್ದಾನಿ ಮೀಕಿ ಅಮ್ಪಪಿಚ್ಚಿಸ್ತಾನು.ದೇವುಡು ಪೈನಲೋಕಂನಿಂಕ ಮೀಕಿ ಶಕ್ತಿನಿ ಹೊದಿಚ್ಚ ತನಕ ಈ ಪಟ್ಟಣoಲಾನೇ ಕಾಸ್ಗಾಉಂಡoಡ್ಡಿ ಅನಿ ಸೋಪ್ನಾಡು. ^{50 51} 50.ಮಲಿ ಆತುಡು ವಾಲ್ನಿ ಬೆಥಾನ್ಯಂನ ತನಕ ಪಿಲ್ಚಗಾನಿ ಪಾಯಿ ತನ್ನ ಸೈಲ್ನಿ ಎತ್ತಿ ವಾಲ್ನಿ ಆಶೀರ್ವದಿಚ್ಚಾಡು. 51.ಆಶಿರ್ವದಿಚ್ಚಪ್ದು ಆತುಡು ವಾಲ್ನಿ ಉಡ್ಸಿ[ಪರಲೋಕಂಗಿ ಒಯ್ಯಲ್ಪದ್ನಾಡು]. ^{52 53} 52.ವಾಳು[ಆತುಡ್ನಿ ಅರಾಧಿಚ್ಚಿ]ಬಹು ಸಂತೋಷಮ್ನಿಂಕ 53.ಯೇರುಸಲೆಮ್ಗಿ ಯನ್ಕಿತಿರ್ಗಿ ಪಾಯಿ ಯಪ್ದು ದೇವಾಲಯಂಲಾ ಕೊಂಡಾಡ್ತಾವುಂಡ್ರಿ.