¹ Dahonan, bebeyepe urang Farisi wan ahli-ahli Taurat anggi Yerusalem datang ke Yesus wan beromong, ² ''Meape murid-murid-Mu melanggar tradisi ninek bayan? Sobab, sidak cade mencuci kukot pas hondak makan roti'' ³ Wan, Yesus meyawot wan beromong ke sidak, ''Wan, meape kolai juge melanggar perintah Allah demi tradisimu? ⁴ Karene Allah berfirman,'Hormatilah apang wan indaidi'i, 'wan, 'sape yang menyumpah apang atau indainye, haros diukom mati. ⁵ Namon, kolai betutor, ''sape jak yang beromong ke apang atau indainye, 'ape pon peonjok 'an engkaidi'i jadi dipesombahan ke Allah,''' ⁶ nye'e cade perolu menghormati apang atau indainye. Juan demikian, kolai membatalan firman Allah domi tradisidi'i ⁷ Kolai, urang-urang munafik, momang bonar nubuatan Yesaya tontang kolai: ⁸ 'Bangse inen menhormati juan mulot sidak, tetapi hati sidak jowoh tanggai pade-Dan. ⁹ Wan, sie-sie sidak menyombah-Dan juan mengajaran perintah-perintah mendesie.''' ¹⁰ Wan, Yesus menalau urang rami wan betutor , "Dongai wan pahamilah! ¹¹ Ukan ape an masuk ke dalam mulot an menajiskan urang, tetapi ape an keluar tanggai mulotnye, inenlah an menajiskan urang." ¹² Dahnonan, mured-mured Yesus menjuhak wan betanye kenye, "Tohukeh Engkau bahwe urang-urang Farisi tersinggong ketike mendongai pernyataan inen?" ¹³ Namon, Yesus menyaout wan betutor, "Setiap tentanaman an cade tanam an cade di tanam oleh Bapa-Ku an di suru'ge bakal di cabot sampai ke akar-akarnye. ¹⁴ Bioran'am sidak. Sidak adelah penunton-penunton bute tanggai urang-urang bute. Wan, Jike urang bute menunton urang bute, keduenye bakal garak ke dalam lubang." ¹⁵ Petrus betutor ke-Nye "Jolaskanlah perumpamean onan ke urang koai." ¹⁶ Yesus betutor, "Apekah kolai agek olom paham juge? ¹⁷ Apekah kolai cade mengeroti bahwe segegale sesuatu an tamak ke dalam mulot bakal turon ke porot wan di buang ke dalam lanteng? ¹⁸ Kliagak, ape an keluar tanggai mulot timbol tanggai hati, wan onanlah an menajiskan urang. ¹⁹ Kerene tanggai hati timbol pikeran-pikeran johat, pembunohan, perzinaan, duse-duse seksual, pengoletan, kesaksian palsu, wan fitnah. ²⁰ Hal-hal inenlah an menajiskan urang, tetapi makan tanpe mencuci kukot cade menajiskan urang. ²¹ Dahnonan, Yesus pogi tanggai so'on wan menyingkir ke daerah Tirus wan Sidon. ²² Wan, seurang betine Kanaan an berasal tanggai daerah onan menjuhak wan berseru, "Kasehilah Doan, Duate, Biak Daud! Biak betinedan kerasukan roh johat paleng parah." ²³ Kliagak, Yesus cade menjawab betine onan, sutek kate pon. Wan, Mured-Mured-Nye menjuhak wan mendosak-Nye tutor sidak, "Siyohlah nye'e toros-menoros beciak di belikat kite." ²⁴ Lopas, Nye'e menyaout wan betutor, "Doan hanye diutos ke domba-domba an hilang tanggai umat Israel." ²⁵ Dahnonan, betine onan mendatangi wan sujod di hedopan Yesus, katenye, "Duate, tulonglah doan!" ²⁶ Namon, Yesus menyaout wan betutor, "Cade boyek meutek roti punye biak-biak wan menikamannye ke kudok-kudok. ²⁷ Betine onan menyaout, "Bonar, Duate, tetapi kudok-kudok onan meakan remah-remah an garak tanggai mije tuannye." ²⁸ Dahnonan, Yesus betutor kenye, "Hai betine, imandi'i" bosar! Tejadilah kedi'i macam pehondakdi'i." Pade saat onan juge, biak betinenye disombuhan. ²⁹ Yesus betulak tanggai so'on menyusuri topi danau Galilea. Wan, setolah mendaki ke pucok buket, Nye'e dudok di so'on. ³⁰ Dahnonan, kerumunan bosar urang menjuhak ke-Nye, meumbai urang-urang an lumpoh, cacat, bute, bisu,wan urang rami loyennye. Lopas, sidak memelangkaian urang urang onan di pehe Yesus wan Nye'e menyembuhan sidak, ³¹ sehingge urang rami onan teheran-heran ketike sidak meliat an bisu beromong, an cacat dipulihan, an lumpoh bejalan, wan an bute meliat. Wan, sidak memulian Allah Israel. ³² Lopas, Yesus menenalau mured-mured-Nye wan betutor, "Doan berbolas kaseh tehadap urang-urang onan kerene sidak udah besesame-Ku selame tige ari wan cade mempunyei makanan. Wan, Doan cade hondak menyioh sidak pulang kelapran supaye sidak cade solap dalam pejolanan.' ³³ Dahnonan, padangan mured betutor ke-Nye, "Tanggai mene kite bakal mendapatan roti an rami di tompat sunyek inen mengonyangan uurang an paleng rami inen." ³⁴ Yesus betakon ke sidak, "Bebeyepe rami roti an kolai punye?" Sidak menyaout, "Tujoh, wan bebeyepe ikan ronet." ³⁵ Lalu, Yesus memerintahan urang rami onan dudok di tanah. ³⁶ Dahnonan, Nye'e meutek ketujoh roti serete ikan-ikan onan. Wan, sambel mengucap syukor, Nye'e memocah-mocahanye ke mured-mured-Nye, wan mured-mured-Nye meenji'inye ke urang rami onan. ³⁷ Sidak semue makan wan dikonyangan. Lopas, sidak meutek ketungkongan-ketungkongan an sise, ade tujoh keranjang ponoh. ³⁸ Sidak an makan ompat ribu urang laki-laki, cade temasok betine wan biak-biak. ³⁹ Selopas menyioh urang rami ona pulang, Yesus tamak keperohu wan betulak ke daerah Magadan.