¹ Pade ari onan, Yesus keluar tanggai rumah wan duduk di sisi danau. ² Wan, urang rami bekumpol kepade-Nye. Kerene onan, Nye'e noyek ke perohu wan duduk, wan semue urang rami onan bediri di sisi danau. ³ Wan, Nye'e mengatean banyak hal kepade sidak dalam perumpamean, uji-Nye, ''Ade seurang penabur pogi engkai menabur, ⁴ wan waktu nye'e menabur, bebeyepe boneh garak dipinggir jalan, burung-burung datang wan memakannye sampai habis. ⁵ Boneh an layen garak di tompat bebatu, an cade mengandung banyak tanah, wan copat tumbuh kerene cade mempunyei kedalaman tanah. ⁶ Kaliagak, setolah mateari terobit, tanaman onan tesongat podek. Wan, kerene cade memiliki akar, tanaman onan menjadi koreng. ⁷ Boneh an layen garak di antare somak duri, wan somak duri onan betumbuh, wan mehimpitnye. ⁸ Namun, boneh an layen garak di tanah an boyek wan mehasilan buah, ade an seratus kali lipat, ade an onam puluh kali lipat, wan ade an tige puluh kali lipat. ⁹ Sape an bekelindang, biarlah nye'e mendongai. "Yesus mengajar juwan perumpamean. ¹⁰ Wan, mured-mured Yesus menjuhak wan betakon kepade-Nye, "Meape Engkau betutur kepade sidak dalam perumpamean?" ¹¹ Yesus menjawab sidak, "Kepademu udah dikaruniean engkai mengetohui rahasie kerajean seruge, tapi kepade sidak cade dikaruniean. ¹² Sobab, urang an mempunyei, kepadenye bakal dionjok'an wan nye'e bakal bekelimpahan. Namun, sape an cade mempunyei, bahkan ape an nye'e punyei bakal diutek tanggai nye'e. ¹³ Kerene onanlah, doan betutur kepade sidak dalam perumpamean kerene ketike meliat, sidak cade meliat, wan ketike mendongai, sidak cade mendongai, juge cade meheroti. ¹⁴ Mengenei sidak, digonapilah nubuat Yesaya an betutur, 'Juwan pendongaian, kayen bakal mendongai, tapi cade bakal peronah meheroti. Wan, juwan meliat, kayen bakal meliat, tapi cade bakal memahami.' ¹⁵ Kerene hati bangse inen tolah menobal, kelindang sidak malas engkai mendongai, wan sidak menukup mate sidak. Jike cade, tontu sidak dapat meliat juwan mate sidak, mendongai juwan kelindang sidak, wan dapat meheroti juwan hati sidak, lalu bebalek kepade-Ku wan disombuhan.' Yesaya 6:9-10 ¹⁶ Kliagak, diberokatilah matedi'i kerene meliat wan kelindang kerene mendongai. ¹⁷ Doan menutoran an sebonarnye kedi'i bahwe rami nabi an urang-urang bonar an hondak meliat ape an kolai liat, tetapi cade meliatnye, wan hondak mendongai ape an kolai dongai, tetapi cade mendongainye. "Penjolasan tontang perumpamaan Penabur" ¹⁸ "Oleh kerene onan, dongai an am arti perumpamaan tontang penabor. ¹⁹ Ketike urang mendongai firman Kerajaan wan cade memahaminye, si johat menjuhak wan merampas ape an tolah tertabur dalam hati urang onan. Inenlah urang an bonehnye tetabur di pinger jalan. ²⁰ Adepon an tetabor di tompat-tompat an gohang, inenlah urang an mendongai firman wan langsong menerimenye juan sukecite, ²¹ tetapi nye'e cade punye akar dalam di'inye wan betahan kah sebontar. Wan, ketike penindasan atau penganiayaan tejadi kerene firman onan, nye'e langsong tegarak. ²² Boneh an garak di tongah somak-somak duri adelah urang an mendongai firman onan, lopasnan kekhawatoran dunie wan tipu daye kekayeaan mendosak firman onan sehingge cade berubah. ²³ Amon, urang an bonehnye tertabur di tanah an boyek, inenlah urrang an mendongaian firman onan wan memahaminye. Nye'e lah an bonar-bonar bebuah wan menghasilan, ade an 100 kali lipat, bebeyepe 60, wan bebeyepe 30." perumpamaan tontang Rumpot Liar wan Gandom ²⁴ Yesus menyampaian perumpamaan an loyennye kesidak, tutor-Nye, "Kerajaan Surga onan bise diumpamakan macam urang an menaburan boneh an boyek dilakaunye. ²⁵ Kliagak, sementare urang-urang idok, musohnye menjuhak wan menaburan boneh helalang di antare boneh gandom, wan betulak. ²⁶ Ketike tanaman betunas wab berbulir, kemudian helalang onan teliat gam. ²⁷ Make, hambe-hambe tanggai punye lakau onan menjuhak wan betakon kenye, 'Duate, ukankah engkau menabur boneh an boyek di lakaudi'i? Lalu, tanggai menekah menjuhaknye helalang onan? ' ²⁸ Nye'e betutor ke sidak, 'Seurang muusoh tolah melakuannye.' Lopas, hambe-hambe onan betutor kenye , 'Apekah engkau hondak urang koai betulak wan mengumpolanye?' ²⁹ Kliagak, tuan onan betutor, 'Gowok! Sobab, ketike kolai mengumpulan helalang-helalang onan, bise-bise kolai juge mencabot gandom onan besesamenye. ³⁰ Biarlah keduenye tumboh besesame sampai musem panen. Wan, pade wayah panen, doan bakal betutor ke padangan penabor, "Petame-tame, kumpulanlah helalang-helalang onan wan kobatlah dalam berkas-berkas engkai di tugok. Amon, kumpolanlah gandomnye ke dalam lumbungdan.''''nKerajaan Allah macam Bigek Sensabi wan ragi ³¹ Lopasnan Yesus menceritean perumpamaan an loyen ke sidak, tutor-Nye, "Kerajaan Surga onan macam bigek sensabi an diutek urang wan ditaburan di lakaunye. ³² Bigek onan adelah an tekocet tanggai semue jones boneh, tetapi ketike tumboh, nye'e lobeh bosar tanggai semue jones boneh, tetapi ketike tumboh, nye'e lobeh bosar tanggai semue jones gengganganan, bahkan menjadi pohon sehingge burong-burong menjuhak wan besayang di cabang-cabangnye." ³³ Lopasnan Yesus menceritean sebuah perumpamaan an loyen kesidak, "Kerajaan Surga onan macam ragi, an oleh seurang betine diutek wan di masuk'an ke dalam adonan tepung terigu sebanyak tige sukat sampai seluruh adonan onan tecampor ragi. ³⁴ Semue hal inen Yesus tutoran ke urang rami dalam perumpamaan-perumpamaan, wan Nye'e cade beromong kesidak tanpe perumpamaan. ³⁵ Juan benonan, tergonapilah ape an disampaian melalui nabi, "'Doan bakal membuke mulotdan dalam perumpamaan-perumpamaan, Doan bakal mengucapan hal-hal an betapok sejak dunie di jadikan." Mazmur 78:2 Perumpamaan tontang Rumpot Liar di Lakau ³⁶ Lopasnan, Yesus meninggolan urang rami onan lopas masok ke rumah. ³⁷ Wan, mured-mured-Nye menjuhak ke-Nye wan betutor, "Jolasanlah ke urang koai perumpamaan tontang helalang-helalang di lakau. Wan, sahot-Nye, "Urang an menaburan boneh an boyek adelah Anak Mendesie, ³⁸ wan lakau onan adelah dunie inen. Boneh an boyek adelah anak-anak Kerajaan, wan helalang adelah anak-anak si jahat, wan munsoh an menaburnye adelah Iblis, ³⁹ wan musem panen adelah akhir zaman, wan padangan penuai onan adelah padangan malaikat. ⁴⁰ Jadi, same macam helalang an dikumpulkan wan di tugok dalam api, benonanlah an bakal tejadi pade akhir zaman. ⁴¹ Anak Mendesie bakal mengutos padangan malaikat-Nye, wan sidak bakal mengumpolan semue batu sandungan serete urang-urang an melakuan kejohatan tanggai kerajaan-Nye, ⁴² wan bakal menikamannye ke dalam tungku api. Di tompat onan ade tangisan wan kertakan gigi. ⁴³ Lopasnan, urang-urang bonar bakal besinar macam matahari dalam Kerajaan Bapa sidak. Sape aan bekelindang, biarlah nye'e mendongai." Kerajaan Surga macam Harte Tepondam wan Mutiara ⁴⁴ Kerajaan Surga adelah macam herete an terpondam di lakau, an di tmuan urang, lopas di tapuk'an agek. Wan, kerene sukecitenye, nye'e betulak, menjual semue an dipunyeinye, wan memboli lakau onan. ⁴⁵ Sekali lagek, Kerajaan Surga adelah macam seurang pedagang an meontot mutiara an janagk. ⁴⁶ Ketike nye'e menemuan sebuah mutiara an benilaitinggi, nye'e betulak wan menjual semua an dipunye'inye, lopas memboli mutiara ona."Kerajaan Surga macam Jale an Ponoh Ikan ⁴⁷ "Benonan juge, Kerajaan Surga adelah macam jale an ditebarkan ke dalam lowot, wan mengumpolan bebagai jones ikan,. ⁴⁸ Ketike jale onan ponoh, lopas mengumpolan ikan-ikan an bagas ke dalam keranjang-keranjang bosar, tetapi membuangnye an cade boyek. ⁴⁹ Jadi, onanlah an bakal tejadi pade akher zaman. Padangan malaikat bakal keluar wan memisahan an johat tanggai urang-urang bonar, ⁵⁰ wan menikaman urang-urang johat onan ke dalam tungku api. Di tompat onan bakal ade ratapan wan kertak gigi. ⁵¹ Udahkah kolai mengeroti bakal semue inen?" Sidak betutor ke-Nye, "Ya," ⁵² Wan Yesus betutor kesidak, "Kerene onan, setiap ahli Taurat an tolah menjadi mured Kerajaan Surga, nye;e macam tuan rumah an mengeluaran harte an baharu wan an lambat tanggai kekayeaan. "Yesus Ditolak di Kute Asal-Nye. ⁵³ Ketike Yesus tolah menyelosaiaan perumpamaan-perumpamaan onan, Nye'e betulak tanggai so'on. ⁵⁴ Wan, ketike Nye'e tibe di kute asal-Nye, Nye'e memadahi di sinagoge-sinagoge sidak sehingge sidak takjub wan betutor, "Tanngai mene Urang inen mendapat kebijaksanaan wan mukjizat-mukjizat inen? ⁵⁵ Ukankah Nye'e inen anak seurang tukang kayu? Ukankah indai-Nye disobot Maria, wan dulor-dulor-Nye adelah Yakobus, Yusuf, Simon, wan Yudas? ⁵⁶ Ukankkah dulor-dular-Nye an betine ade di antare kite? Lopas, tanggai mene Urang inen mendapatan semue hal inan?'' ⁵⁷ Wan,sidak tesinggung oleh-Nye.Namun,Yesus betutur kepade sidak,"Seurang nabi ukanlah cade dihormati,kecuali ditompat asalnye dan dirumahnye seurang." ⁵⁸ Wan,Nye'e cade melakuan banyak mujijat di soon kerene kecadepercayean sidak.