¹ Beinenlah hondaknye urang memperhitungkan urang koai yaonan sebagai hambe-hambe Kristus wan urang-urang an di percayeakan rahasia-rahasia Allah. ² Juan demikian, urang-urang an di pecaye juan hal-hal an berharge aroslah membuktian bahwe sidak bise dipecaye. ³ Amon, bagidan cadelah ponteng jike doan dihakimi oleh kolai atau oleh suatu pengadilan mendesie. Bahkan, doan seurang cade mehakimi di'idan. ⁴ Sobab, doan cade menyadari apepon bakal di'idan seurang. Amon, ukan kerene hal onan doan di bonaran, melainan Duatelah an menghakimi doan. ⁵ Kerene onan, gowoklah menhakimi seolom wayahnye, yeonan seolom Duate menjuhak. Nye'e an bakal menorangi hal-hal an betapok dalam kegolapan wan sidak bakal menyatean maksod-maksod hati. Lopas, setiap urang bakal menerime pujian tanggai Allah. ⁶ Dulor-dulor, doan jadi menorapan hal-hal inen pucok di'idan seurang wan Apolos domi kolai supaye di dalam urang kopai, kolai bise belajar engkai cade melampaui ape an tetules sehingge cade ade salah satu tanggai kolai an menjadi sombong seikok tehadap an loyen. ⁷ Sobab, sapekah an membede-bedean kolai? Ape an kolai punyei, an ukan kolai terime? Wan, jike memang kolai menerimenye, meape kolai menyombongan di'i seolah-olah cade menerimenye? ⁸ Kolai udah dikonyangan, kolai udah menjadi kaye! kolai udah menjadi raja! doan sunggoh beharap kolai bonar-bonar udah mnjadi raje supaye kolai juge bise memerintah besesmedi'i. ⁹ Sobab, menurot, Allah tolah menompatan urang koai, padangan rasul, di tompat an teraker, macam urang-urang an dijatuhi ukoman mati; kerene urang koai dijadian tontonan engkai dunie, boyek engkai malaikat-malaikat hondakpon mendesie. ¹⁰ Urang koai awak domi Kristus, tetapi kolai kuat. Kolai terhormat, tapi urang koai hine. ¹¹ Sampai kaninen, urang koai kelaparan wan howos, bepekoyan compang-campeng, dipungkali, wan wan hidop mengembare. ¹² Urang koai besusah payah, bekerije juan kukot urang koai seurang. Ketike urang koai di caci-maki, urang koai memberokati. Ketike urang koai disikse, urang koai betahan. ¹³ Ketike urang koai difitnah, urang koai menyaout juan ramah. Bahkan, sampai kaninen, urang koai menjadi macam sampah dunie inen, kotoran tanggai segegale sesuatu. ¹⁴ Doan menules hal-hal inen ukan engkai memperlakuan kolai, melainan engkai menasehati kolai sebgai anak-anak an dankasehi. ¹⁵ Sobab, sekalipon kolai mempunyei sepuloh ribu guru dalam Kristus, kolai kolai cade mempunyei banyak bapa. Kerene dalam Yesus Kristus, doanlah an menjadi bapadi'i melalui Injil. ¹⁶ Jadi, doan menyurong kolai, jadilah urang an menuroti teladandan! ¹⁷ Onanlah sobabnye, doan tolah meutos kedi'i Timotius, anakdan an dankasehi wan setia di dalam Duate. Nye'e bakal mengingatan kolai mengenei jalan-jalandan dalam Kristus, macam an doan ajaran di mene-mene, dalam setiap jemaat. ¹⁸ Bebeyepe tanggai kolai menjadi sombong, seolah-olah doan cade bakal menjuhak lagek kedi'i. ¹⁹ Amon, doan bakal ocak menjuhak kedi'i, jike Duate mekehendaki, wan doan bakal mengetohui ukan hanye peromongan urang-urang sombong onan, tetapi juge kuase sidak. ²⁰ Sobab, Kerajaan Allah ukan kolai pehondak? ²¹ Apekah doan haros menjuhak kedi'i juan tungkat atau juan kaseh roh kelomahlombutan?