¹ Sobab, doan cade malu kayen cade tohu Peduloran, bahwe pedangan bayan muyang kite, semunye ade di babah awan wan semunye melalui lowot. ² Sidak semue dibaptis dalam Musa di dalam awan wan di dalam lowot. ³ Sidak semue memakan rohani an same, ⁴ semuenye minom rohani an same. Sobab sidak minom nggai batu rohani an pogi besame sidak, Batu nontai adelah Kristus. ⁵ Meskipon, Allah cade bekonan juan sebagian bosar nggai sidak. Kerene sidak dibunoh di padang belantare. ⁶ Kah hal inen dijadian contoh bagi kite kai kite cade mejadi urang an bekehondak johat an sidak hondakan. ⁷ Gowok mejadi penyembah behale macam beyepe nggai sidak macam an tetules, "Bangse dudok kai makan wan minom lalu bangun kai bemanje. ⁸ Gowok kite melakuan pezinahan macam an dilakuan beyepe nggai sidak sehingge 23 ribu urang mati dalam seari. ⁹ Kite jakcade uleh mencubei Duate, macam beyepe nggai sidak jak mencubei dibinaseaan uleh ular. ¹⁰ Gowok jak kayen bengsungot macam sidak jak besungot dibinaseaan uleh malaikat maut. ¹¹ Hal inen tejadi ke sidak macam contoh wan ditulisan macam peringotan kai kite, an ke sape aher zaman dah datang. ¹² Kerene, biyoranam urang an menyangke kalau dirinye teguh bediri waspada kai nye'e cade garak! ¹³ Cade ade pencubeaan an kale menimpa kayen kecuali pencubeaan an biase kai mendesie. Allah adelah setie Nye'e cade bakal meonjok kayen dicubei melebihi kemampuan kayen. Keliagak besame juan pencubeaan Nye'e jak bakal menyedian jalan keluar kai kayen dapat menanggongnye. ¹⁴ Peduloran doan an kaseh, hindoriam diri kayen nggai penyombahan behale. ¹⁵ Doan beromong macam ke urang an bijaksane, petimbanganam ape an doan katean. ¹⁶ Ukanam cawan berkat an kite syukuri keliagak persekutuqn dalam darah Kristus? Ukanam roti an kite pecahan adelah persekutuan dalam bukang Kristus? ¹⁷ Kerene ade sutek roti, make kite an banyak inen adelah sutek bukang; kerene kite semue mejadi bagian nggai sutek roti nontai. ¹⁸ Lotanam urang Israel ukanam sidak an makan pesembahan meutek bagian dalam altar? ¹⁹ Jadi, apebah maksud doan? Apebah pemakan an ke behale adelah sesuatu? ²⁰ Cade, Doan mengatean ke kayen bahwe hal an banhse laen kurbanan sidak mengurbanan kai roh johat ukan kai Allah. Doan cade hondak kayen besekutu juan roh johat. ²¹ Kayen cade uleh meminom cawan Duate jak cawan roh johat kayen cade dapat mejadi bagian nggai jamuan Duate wan jamuan roh johat. ²² Apebah kite membangikitan kecemburuan Duate? Apebah kite seje kuat nggai Nye'e? ²³ Segale sesuatu didepotan keliagak cade semunye begune. Segale sesuatu cade semunye menbangun. ²⁴ Gowok ade sutek pon an montang keboyekan kai diri seurang,melainan keboyekan urang laen. ²⁵ Makanam ape jak an dijual di pasar isek tanpe memeriksenye, demi hati nurani. ²⁶ Kerene bumi wan semue iseknye adelah anu Duate. ²⁷ Jike seseurang an meundang kayen wan kayen besedie kai pogi makanam ape jak an dihidangan di hedopan kayen tanpe memeriksenye demi hati nurani. ²⁸ Namon, jike ade urang beromong ke kayen, Pemakan nen dah dipesembahan ke behale "Gowok kayen makan, demi urang an memberektohu kayen wan dami hati nurani. ²⁹ Maksoddoan, ukan demi hati nurani kayen seurang keliagak hati nurani urang laen. Meape kebibosan doan ditentuan uleh hati nurangi urang laen? ³⁰ Jike doan meutek bagian doan meucap syukor, meape doan disalahan kerene memakan an pucoknye doan meucapan syukor? ³¹ Jadi tah kayen makan atau minom atau ape jak an kayen lakuan semunye kai kemulieaan Allah. ³² Gowok meulah urang telanggar boyek urang Yahudi urang Yunani, jemaat Allah, ³³ macam doan jak dalam segale hal menyenangan semue urang tanpe meontang keunngan doan seurang, keliagak keuntungan kai urang banyak kai sidak dapat diselemotan.