¹ Ɓuruk gyo ɗaŋ ya caa raai tu Yesu nǝ ɓorghǝnngǝ Cogn cinǝ ɓwaaghǝnngǝ Cognvon, ɓuruk gyo ɗaŋ ya suu Daa ndǝr suu ŋaaes beɗ, cinǝ ɓwaaghǝnni wos. ² Nǝ durghǝ gin mǝ yisǝŋǝi tu myaa suu mǝri Cogn: ǝŋ myaa suu Cogn mǝ ndǝr mǝ laaɓ gya mborkiwos. ³ Duryo tu gin, nǝ suughǝnngǝ Cogn: tu mǝ laaɓ gya mborkiwos. Gya mborkiwos beɗ citǝ ɗakkǝn hŋ. ⁴ Duryo tu ɗeɓaɗ gyo ɗaŋ cinǝ ɓwaaghǝnngǝ Cogn wo tlyagam ɗǝgnŋǝi. Tǝ cik gin ǝŋ nǝ tlyaghǝngam yo ɗa a fi a ɗǝgn: Caaghǝn raa wopm. ⁵ Nǝ nuu ghǝn a tlyagam ɗǝgnŋo? Gyo ɗaŋ a caa raai tu Yesu nǝ kuni Cogn. ⁶ Gin ǝŋ nǝ gyo ɗaŋ a man a te lǝǝɓ zha tǝ voraŋ: Yesu ɓorghǝn kǝ Cogn. A man a te zha kurum hŋ, beɗ tǝ gi a te lǝǝɓ zha tǝ voraŋ. ⁷ Duryo tu mǝnngǝ tlyaghǝn zha ciɗa mayi. ⁸ Zhiptivares, zhas tǝ voraŋes. Gya gin mayin tǝ dlǝŋsǝwasǝŋ. ⁹ Ǝŋ mya kaɓ tkyaaghǝn zha zarsǝǝi, tkyaaghǝn zha kǝ Cokes a moɓtǝ. Duryo tu tlyaaghǝn zha kǝ Cogn ǝnndi, tu a vǝr tlyaaghǝn zha a dulgam kuni wos. Ɗeɓaɗ gyo ɗaŋ ya caa raai a kuni Cognvon citǝ tlyaghǝn zhes a giɓkǝ gamas. ¹⁰ Ɗeɓaɗ gyo ɗaŋ ya caa raa a Cogn hŋ, aa surtǝ nǝ murghǝ mbyerni, duryo tu a caa raa a tlyaghǝn zha yo ɗaŋ Cogn vǝr a dulgam kuni wos hŋ. ¹¹ Nǝ gi tlyaaghǝn zhes kǝnnda: Cogn vǝrmi eaai kǝ ndok ndoki, tǝ cik, raayes yigha giɓkǝ kuni wos. ¹² Gyo ɗaŋ citǝ kunes citǝ raai. Gyo ɗaŋ citǝ kuni Cogn hŋ, citǝ raai hŋ. ¹³ Mǝ dlyaaɗkǝ ngǝrshi gya gin mǝn duryo tu a yisǝŋǝi tu kitǝ raai kǝ ndok ndoki kyaani ɗaŋ kǝ caa raai a giɓkǝ sǝmbgǝ kuni Cogn. ¹⁴ Saɗɗaɗa, gin ǝŋ nǝ raafeɗi wos, wo wummi wopi. ¹⁵ Saɗɗaɗa, ǝŋ nyaa yisǝŋǝi tu caa wummi wopi ɗeɓaɗ ngǝtn yo ɗaŋ myaa kara tǝ ɗa mǝ yisǝŋǝi tu mǝ tui ǝŋ myaabkara tǝ ɗa. ¹⁶ Ǝŋ gon ya yel yesashi ɗaŋ aa fi kuskǝ ngǝtn, gyi ɗaŋ a kǝǝrtǝ mǝskǝn mǝn ɗi hŋ, a naa ciɓ tǝvkara Cogn, she Cogn tǝ vǝrtǝ raai. Mya wul ni nǝ gyaa gyo ɗaŋ kuskǝ ngǝtn wasǝŋ a lǝǝrshi mǝskǝn mǝn ɗi, mya wulni tu tǝ kara Cogn nǝ gi hŋ. ¹⁷ Ɓuruk ngǝtnngǝ zaarghǝ zaari hŋ nǝ kuskǝ ngǝtn, beɗ tǝ gi kuskǝ ngǝtn wonɗa ɗaŋ caa lǝǝr mǝskǝn ɗi hŋ. ¹⁸ Maa yisǝŋǝi tu ɗeɓaɗ gyo ɗaŋ cinǝ ɓwaaghǝn Cogn caa fi kuskǝ ngǝtn hŋ. Beɗbtǝ gi gyo ɗaŋ nǝ ɓwaaghǝnngǝ Cogn caa lyaa gamashi ndara, tǝ cik kǝ kushes wo ɗya fi tǝ ngǝtn kushi mǝn hŋ. ¹⁹ Maa yisǝŋǝi ty mǝ dlamɗi gha Cogn, maa yisǝŋǝi beɗ tu ɓuruk ɗǝgn nǝ kǝ kuskǝ zhiptii. ²⁰ Beɗ tǝ gi maa yisǝŋ tu kuni Cogn a man aa ndǝr vǝrmi yisǝŋngǝn duryo ty mǝ yisǝŋ gyo ɗaŋ cinǝ jom̄. Saɗɗaɗa, minigha giɓkǝ gyo ɗaŋ cinǝ jomii, a giɓkǝ kuniwos Yesu ɓorghǝnni Cogn. Yaan ǝŋ cinǝ Cogn kǝ jom jomni tǝ raai kǝ ndok ndoki. ²¹ Mǝǝri jaanki ɗonngai a gya waar.