¹ Gyaa naa suuggǝnetn, ɓak a kaɓii tǝ ko zhipti gyo hŋ. Beɗ tǝ gi ɓǝǝɗǝn zhiptipes a yelǝn ko nǝ kǝ Cognaa, duryo tu mǝn shinngǝn kǝ ɓerni monnda taa nywal tǝ ndai giɓ ɗǝgn. ² Tǝ tsǝn ghǝ kaa yisǝŋ zhipti Cognvon, ɓuruk zhipti yo ɗaŋ yaa kaɓi tu Yesu nǝ ɓorghǝn kǝ Cogn a man a giɓjǝ dlii nǝghǝ Cogn, ³ beɗ ɓuruk zhipti yo ɗaŋ a nyaŋngas kaɓkǝn tu Yesu nǝ kǝ Cogn hŋ. Gya gin nǝ zhipti ghǝ gaaghǝ gǝǝɓ tǝ Yesu, gyo ɗaŋ kǝ wum tu wo manii, ɓanndǝŋ a tuliɗi gha ɗǝgn. ⁴ Kinǝ gha Cogn, gyaa mǝri naa suuggǝnetn, beɗ ɓanndǝŋ maa fi mbǝrzaŋnyi, duryo tu gyo ɗaŋ cigha giɓiwan a moɓ gyo ɗaŋ cigha dǝgn vartǝ. ⁵ Cinǝgha ɗǝgn, nǝ gii ngǝtn yo ɗaŋ caa kon nǝ kaɓkǝ ɗǝgn, beɗ ɗǝgn caa sǝǝshi kǝèm. Minǝ ghǝ Cogn. Ɓuruk gyo ɗaŋ a yisǝŋ Coghǝi caavsǝǝmi kǝǝm. ⁶ Gya gyo ɗaŋ cinǝ kǝ Cogn hŋ caa sǝǝmi kǝǝm hŋ. Tǝ cik beɗ ngǝtn mǝ yisǝŋ zhipti ghǝ jomi tǝ zhipti ghǝ ɓerni. ⁷ Gya naa suughǝnetn, mǝ suun dlǝŋsǝwopm, duryo tu suughǝn nǝ kǝ Cogn, gyo ɗaŋ caa zhiɗ Coghǝi beɗ. ⁸ Das yo ɗaŋ caa zhiɗ suuggǝn hŋ a yisǝŋ Cogn hŋ, durtu Cogn nǝ suuggǝn. ⁹ Nǝ durghǝ cik kǝn ɓanndǝ tǝ ta zhiɗ suughǝn Cogn nǝ durwopm, tu Cogn ta shinndar ŋaa nyariwos ɗi a ɗǝgn duryi tu mǝ fuuɗi nǝ durwos. ¹⁰ A giɓɓi gin suughǝn ghai, ɓak nǝ myaani ǝŋ mǝ zhiɗ suughǝn Cogn hŋ, beɗ tǝ gi nǝ yan ǝŋ a suumi, a shinndar ŋaawos ɗi tǝ naa nǝ murghǝ dlaaghǝn wopm loŋsǝ mǝn. ¹¹ Gya na suughǝnetn tun ɗaŋ Cogn suumi cighǝi, a kǝǝm myani beɗ mǝ suu dlǝŋsǝ wopm. Gon a yi yel Cogn hŋ. ¹² Ǝŋ myaa suu dlǝŋsǝ wopm Cogn cigha tsǝtn a giɓi wopm, suuggǝn wop wi naa a guɓi wopm beɗ. Tǝ cik mǝǝ yisǝŋǝi tu ¹³ migha tsǝtnngǝn a giɓiwos, yan veɗ a giɓi wopm nǝ durghǝ gi yani beɗ a giɓi wopm, nǝ durghǝ gi a vǝrmi zhipti wos. ¹⁴ Saɗɗaɗa, maa yelli mǝ ndǝr mǝǝ tlya zhawos ty Daadǝn ǝŋ a shinndar ŋaawosɗi dur tu tǝ naa nǝ murghǝ kaɓkǝnngǝ ɗǝgn. ¹⁵ Ɓuruk gyo ɗaŋ yaa kaɓi tu Yesu nǝ yan nǝ Cogn, Cogn cigha tsǝtnngǝn a giɓiwos, yani beɗ a giɓi Cogn. ¹⁶ Saɗɗaɗa, maa yisǝŋǝi mǝǝ ndǝr mǝ caa raai tǝ suughǝn yo ɗaŋ yir nǝ durwopm. Cogn nǝ suuggǝnni, gyo ɗaŋ caa tsǝtn a giɓkǝ suughǝnni caa tsǝtn nǝ ni gha Cogn ghǝnndi, Cogn beɗ caa tsǝtn a giɓiwos. ¹⁷ Nǝ durghǝ gin, suughǝni, suughǝnni gin a tu tsǝrnngǝnii a giɓiwopm, duryo tu raafeɗi a dzaŋngǝ ɗǝǝlghǝn vii, duryo tu ɗaŋ yo ɗaŋ ci, Myaani beɗ mi cik a giɓkǝ ɗǝgn. ¹⁸ Vǝrtǝ ghai a suughǝn hŋ. A bamvi gii, suuggǝn naa jom jomnii caa kaɗ vǝtǝi, duryo tu vǝrtǝ caa rii namboŋ tǝ forǝm. Beɗ tǝ gi gyo ɗaŋ citǝ vǝrtǝ, citǝ suuggǝnni naa jom jomni hŋ. ¹⁹ Myaa zhiɗ suughǝn duryo tu Cogn ǝŋ a zhiɗ suuggǝ keni. ²⁰ Ǝŋ gon ya wultu, ''myaa suu Cogn'' beɗ tǝ gi caa nyaŋngas yessashi, cinǝ murghǝ ɓerni. Duryi tu gyo ɗaŋ caa suu ŋaa naa wos ɗaŋ cigha yelggǝnni hŋ, wo ɗya zhiɗ suughǝn Cogn, gyo ɗaŋ a yi yeltǝ hŋ. ²¹ Saɗ ɗaɗa.. gin ghǝn nǝ mborki yo ɗaŋ mǝ yir ɗi ɓastǝ: Ɓuruk gyo ɗaŋ caa suu Cogn, a naa ciɓ tǝ suu ŋaa naa wos.