¹ Ngǝrshi gi ɗaŋ yi keni ɓanndǝŋ, gyo ɗaŋ mǝ wum, gyo ɗaŋ mǝ yelli tǝ yiratn, gyo ɗaŋ mǝ yeltǝ, taas wopm ngaɓ, a te gǝgnngǝ raai. ² Raayes beɗ tǝta bǝlti, mǝta yeli, mǝta tlyazha wos, mǝta fuuki vik raai nǝkǝ ndok ndoki, gyo ɗaŋ yigha Daa, tǝ ndǝr tǝ fuumi. ³ Gin ɗaŋ mǝ yelli mǝ wum, mǝ ndǝr mǝ kwan mǝ fuki, duryo tu aa fi tsǝtnngǝn polghǝn tǝ myani, tsǝtnngǝn polghǝn wopm beɗ yitǝ Daa ctǝ ŋaawos Yesu ɗaŋ nǝ ɓorghǝnni. ⁴ Cikkǝn, myaa dlyaaɗ kii ngǝrshi gya gin mǝn duryo tu yo fu polghǝn wopm tǝ yughǝi. ⁸ Ǝŋ yan myaa wultu mitǝ kusǝŋsǝ ngǝtn hŋ, myaa morni gamawopm ǝnndi, jom jomi yi a giɓi wopm hŋ. ⁹ Beɗ tǝ gi ǝŋ yan myaa kon gya kuskǝ ngǝtn wopi, yani cingos zaarghǝ zaari, tǝ zaarghǝ mbuuni ɗaŋ wo dlaami loŋsǝ kusǝŋsǝ ngǝtn wopm mǝni, wo ndǝr coɓmi wopi a kusǝŋsǝ ngǝtn wopm. ¹⁰ Ǝŋ myaa wultu maa fi kuskǝ ngǝt hŋ, mǝ naalar tǝ tu cin murghǝ mberni, vi wos beɗ yi ɓasmii hŋ.