¹ Mǝǝri, mya dlyaad ki ghǝshi gya gin mǝǝn tu a fi kusǝŋsǝ ghǝtn hŋ.Bed tǝ gi ǝŋ gon ya fi kuskǝ ghǝn, mitǝ gon ɗaŋ caa da a dlei wom tǝ daawom,gyo ɗaŋ nǝ zaar zari , Yesu ɗaŋ nǝ ɓorghǝni. ² Yani ghǝn a sular miɗi akusuŋsǝ nghǝtn wom,myani nghǝn wom hŋ ,bed tǝ gii tǝ nǝ ghǝ mǝn dǝgn ɓuruk. ³ Nǝ gin mǝ yisǝŋǝi tu maa yisǝŋ tii,ǝn mya lab mborki wos. ⁴ Gyo ɗaŋ ya wul tu, "Ma yisǝŋ Cognǝi" bed tǝ gii caa lab mborki wos hŋ, a ngaa mberni ngǝndi , jom-jomi yi ɓastǝ hŋ. ⁵ Bed tǝ gii gyo ɗaŋ ya gǝng wos, jom-jomi suugǝn Cogn aa tsǝtii.a daashi gii nyaŋnyaŋ. Tǝ cig mǝ yisǝŋǝi tu mi gha gib wos. ⁶ Gyo ɗaŋ ya wul tu ci nǝ ghǝ Cogn, yan ganashi tǝ tiin ɗaŋgii ɗaŋ Yesu ɗaŋ nǝ mborghǝni a tariin. ⁷ Gya mǝn suughǝn, mya dlyaadkini mborki muuri mǝn hŋ, she dei gii ɗaŋ kǝ ta wumi keni.Mborki gǝǝres yan ci gǝng ɗaŋ kǝ ta wumi. ⁸ Bed tǝ gii myaa dlyaad kini mborki muuri mǝn, gyo ɗaŋ yi jom -jomi a gii nǝ mborghǝni tǝ ɓaski ɗaŋ, durghǝ tu lǝǝb ji caa latsǝ ghǝn, lǝb yalinaa jom-jomi caa yslchǝn kǝǝb. ⁹ Gyo ɗaŋ a wul tu ci a lǝǝb yales caa ndǝr nyaŋngas ŋaa nawos ci a lǝǝb hal ɗaŋghǝnin. ¹⁰ Gyi ɗaŋ caa suu ŋaa nashi civa lǝǝb yales dyek ngha ghǝn yasǝŋ yi bastǝ hŋ. ¹¹ Bet tǝ gii gyi ɗaŋ caa nyaŋ ngas ŋaa nawos ci a lǝǝb ji ghǝndi, caa rii akǝǝb jies, a yisǝŋ lǝb yo ɗaŋ caa man ghai hŋ,durghǝ tu lǝǝbjies a dlǝmyir woshk. ¹² Mya dlyaad ji mǝǝn gya mǝǝri durghǝ tu taa dlaaki loŋsǝ kusǝŋsǝ nghǝtn waan mǝni nǝ durghǝ sǝmwos. ¹³ Myaa dlaad ki mɛn gya daktǝ, durghǝ tu ka yisǝŋ gyo ɗaŋ a ta mbanndǝŋǝi. Myaa dlaad ki mǝǝn gya tlǝɓǝrtǝ, dur yo ka tu mbarzany a kuskǝ zhipti. Myaa dlaadki mǝn gya mǝri -mǝri durghǝ tu ka yisǝŋ daawome shi. ¹⁴ Myaa dlyadki mǝn gya daktǝ duru tu ka yisǝŋ ɗaŋ a tayi ɓanndǝŋǝi. Myaa dlyaad ki mǝǝn gya tlǝbǝrtǝ duru tu ki tlya-tlya,vik Cogn ci ɓaski , kaa tu mɓarzanyi a kuskǝ zhipti. ¹⁵ Aa suu ɗǝgn tǝ tǝ ngǝtn yo ɗaŋ ci ɗa gibi hŋ, gyo ɗaŋ ya suu dǝgn suughǝn dawom yi bastǝ hŋ. ¹⁶ Duru tu koni ɗaŋ yi a ɗǝgnghǝn, suughǝn nghǝtn ɗǝgnghǝn tǝ mbitǝgaam ci nǝ ghǝ Cogn hŋ bed tǝ gii ci ni nghǝ ɗǝgn hŋ. ¹⁷ Ngǝtn suughǝn ɗǝghǝn caa laatsǝghǝn, bed tǝ gii gyo ɗaŋ caa fi nghǝtn yo ɗaŋ Cogn caa suu wo naa zhad -zhad. ¹⁸ Mǝri-mǝri, gin nǝ kili ghǝ ɓanngǝn. Ɗaŋ gii ɗaŋ kǝ ta wumi tu gii ɗaŋ caa gaa gǝǝb tǝ gii ɗaŋ nǝ borghǝni ci a maghǝndi, ɗaŋnin mǝǝn gaa ghǝn gǝǝb tǝ nǝ borghǝni ta man monda. ¹⁹ Tǝ gi ngǝn ma yisǝŋ tu ,mi gha kili ɓangǝni. Tǝ nywal ɓasmi , bed tǝ gii tǝ ta yi nǝgom hŋ. Duru tu, yan ci yi nǝ gom ci nai ɓasmi. Bed tǝ gii ɗaŋ tǝ nywali ɓasmi, tǝ ta zhid tu tǝ ta yu nǝ gom. ²⁰ Bed tǝ gii ki tǝ zhikkǝni ɗi a gii dzǝk -dzǝkǝi, kayisǝŋ jom-jomi ɗaŋ. ²¹ Mǝ dlyaad ki mǝn tu, ka yisǝŋ jom-jomi hŋ,bed tǝ gii durghǝ tu ka yisǝŋǝi duru ɗa tu mberni won a gib jom-jomes hŋ. ²² Nu ghǝn cinǝ murghǝ mbernioǝn yan nǝ gi ɗaŋ nǝborghǝni hŋo? Dashi gii ghǝn ci nǝ murghǝ gaaghǝn gǝǝb tǝ nǝ borghǝni. Tun ɗaŋ a nyaŋngas yisǝŋngǝn dashi tǝ kunes. ²³ Gon ɗa ɗaŋ a nyaŋngas yisǝŋ ghǝn kunes yir dashes hŋ.ɓuruk gyo ɗaŋ a kab yisǝŋ nghǝn kunes yir dashes ɗaŋ. ²⁴ Bed tǝ gii kyaani ,gaan nghǝtn yo ɗaŋ kǝ ta wumi ɓaandǝŋ tǝ tsǝtǝn a raa waan ,ǝn nghǝtn yi ɗaŋ kǝ ta wumi ɓanndǝŋ ya naa araa waan ,katsǝtn agibi kunes tǝ daashi ɗaŋ. ²⁵ Gaa ghǝn raa yo ɗaŋ a vǝrmi ghǝnin rai ngǝ ndok-ndoki. ²⁶ Mǝ dlyaad ki ghǝshi gya gun mǝn a dul gaam gya gyo ɗaŋ ta man tu a gaa tǝpmi. ²⁷ Bed tǝ gii , zhǝkkǝni yo ɗaŋ kǝ kab tǝ tsǝtn ɓaski , kya ŋall gon tǝ kub kighai hŋ. Bed tǝ gii ɗaŋ zǝkkǝni wos a kub ki koni,yi jomi nǝ mberni hŋ, tsǝtn ɓastǝ ɗaŋ gi ɗaŋ akuub ki ghai. ²⁸ Ɗaŋ ghǝnin, gya mǝri suu ghǝnen,tsǝtǝn ɓastǝ , duru tu ya gid gamashiɗi , ma naa tǝ raa feɗɗi a ken wos ,ma naa tǝ dzuun a sughǝn wos ɗihŋ. ²⁹ Ǝŋ yan ka yisǝŋǝi tu ci ni zaar ghǝ zaari, ka yisǝŋǝi tu konu ɗaŋ caa fi nghǝtn mbuni nǝ bwaaghǝn wos.