¹ Bulus na Timoty, guzabcin Masipu Yeso, i nye gǝd ndawa mi ga keɓetak i kunu Masipu Yeso mi a kunu filibi, gǝd na ndak ankalta na coci na dikaucin. ² Herr da dlaɓa na kun na salam dari Sǝku Afǝkwa na Mǝgǝngyi Masipu. ³ Na sabarkata kakasǝku ga fatawanke na tani kun nin. ⁴ Fatawanke i kunu magita tawanke gaɗa kun gǝd, na purdai na magita. ⁵ Na sabarata Sǝku gaɗa ɗawa ami kun i kunu herr Suku tun gafa sukur har nye gusku. ⁶ I yu na barna jirewa i da bitku, A ci mi ɓandi wana blan i kuna kun a ta kǝma na atu har nye dama gafa pakayi Masipu. ⁷ Dlamun gara kalkal na kǝmi kasen i aɗa kun gaɗa kun kwa gishi ga. Gaɗa gǝd kun kwa dlam na kun ndak wana ga i kunu herr na i kunu dilo ga na i kunu kareta herr Sǝku tabas na atu. ⁸ Gaɗa Kakasǝku a ci ne saida ga i ɗa ntau mi na dlame kun gǝd kun na zada ntau kǝk Masipu. ⁹ Na magita su: ntu kun da ci kǝma da ci kǝma i kunu zǝgayu na asun gǝd. ¹⁰ Na magita sau gaɗa kwa kaktli kwa cikdi be marumamin be bilalmin. Na magita gaɗa kwa dlam na kun ndak jirewa na go aipu i gafa pakayi Masipu. ¹¹ Su kǝd gaɗa da niyi kun na kutli adalta mi da biwu na gǝdluɓ Sǝku. ¹² Gususku nan ci kwa zigi, yaganaucin, be wakati na i yu dlamin gara kǝk ta kǝma herr Sǝku. ¹³ Gaɗa kasunu, dilo ga i kunu masipu dlamin gara gasgayak i gǝd askarabaucin kǝk wǝnduwa diggun na mak ndawa. ¹⁴ Gawa da kunu yaganaucin bana awayau i kunu Sǝku dari dilo ga, bana awayau gǝshi go kalau da dlam rama herr Sǝku. ¹⁵ Tabbas ndawa jǝgab dlam wagirma herr Sǝku i kunu ta gǝshi na gamɗaya, jǝgab na blan ufta. ¹⁶ Ndawa mi a wagirma herr Sǝku i kunu ntu, Zǝgadu ndanpayu i ri tuku gaɗa nan na dlaɗ baci kareta labar herr Sǝku. ¹⁷ Amman ndawa jǝgab a wagirma herr Sǝku ntu aɗa na rashi jirewa. I tumanshi a bara nai bone i kunu dilo ga. ¹⁸ Se tam? da dǝvu tawanke , ko na jirewa bai ko na jirewa wagirma Masipu da dlamau, I yu na kuno, na sunu kasunu na dlam kuno. ¹⁹ Gaɗa nasgadu su ayadu i ta di ga dari magita na lata dari Nǝnuwa yseo Masipu. ²⁰ I ɗa be na gǝshi na tuman gu na kasakta na kǝmu zhirau gaɗa kasunu, na awayugu gǝshi gǝd ka ki fatawanke, na gusku cam, i na buri ni na saksakta i Masipu i kunu tǝka. ina dawa aro Masipu dabi saksakta i kunu tǝka ga ko i kunu aro ko i kunu mutu. ²¹ Gaɗa I yu i ri ga aro a tune Masipu, mutu ye sukuna. ²² Amman mbasu ga i kunu tǝka nin, dlamungara gaɗa wana Sǝku tlaparr nin. Nasga be na cikɗu bai. ²³ Gaɗa na gadava be shirin. Buri ga nai naivi na tǝka gaɗa na dlaɓ i da gayi na Masipu mi ɗikadu tlapar, ²⁴ amman mbasu ga i kunu tǝka dǝkadu i blan gaɗa kun. ²⁵ Tunda Iyu na tabas i ɗa sau, Nasgadu Iyu na aro i kǝma wam, na ti kǝma na dlaɓa na kun gaɗa ta kǝma wam, na ci kǝma na dlaɓa na kun gaɗa ta kǝmakun, na purdai i kunu iman kun. ²⁶ Gaɗa i kunu ga kwabi na sukuna kǝɗk takama kun kǝ fariya i kunu Masipu Yeso na de i ri kun nin wam. ²⁷ Se de a dlamina mbasa kun kalkal na rama kǝk herr Suku, gaɗa ko nade na ki kun, ko na riwu bai na kǝmi kwa mbasu i kunu Nǝnuwa gayi, na nufi gayi kwa wana dlaparr i da gayi gaɗa iman tuku kǝ herr Sǝku. ²⁸ Kwa kalwabai da pali tawanke gaɗa ndak kurakun su a dlaɓa gǝnawa kǝ damakshi, amman kǝ ra i kun, sutuku ro da ri Sǝku. ²⁹ Gaɗa da dlame kun herr, gaɗa Masipu, bar jirewa i Masipu rugara bai har na sa bone gaɗa gǝri. ³⁰ Kun na sa bone zadaka mi ko i kau, na mi kwa kǝmau na sau har gusku.