¹ In na bik dauzata ɗagai i kunu masipu, in na bik jǝba ami dari ntu kwina gǝri in na mantu kwina dagai dari Nǝnuwa Sǝku, in na kǝmu kanjino. ² Aniyi na kuno ga dari kuraram gayi, kun na ntu zada gayi, kwaɗa gayi i kunu Nǝnuwa Sǝku kun na manufa gayi. ³ Kwa dlama be i kunu aɗa ko marum aɗa bai. I sǝrum su i kunu sǝna aɗa kwa lawan ndawa ɗikanakun. ⁴ Nǝn tawanke da ma bukata gǝri rugǝri bai, amman da ankalci na kǝ kamanci gǝri. ⁵ A dlami na kuraram i da dǝvu kǝ Masipu Yeso. ⁶ Mi dlam mbasu i kunu gǝnawa Sǝku, madita mbasu gǝri kalkal na Sǝku be mi a ci a jǝbau bai. ⁷ I sǝrin su, ma aɗa gǝri be ɗagibai. Dami gǝnawa gabayi. Dan da pakai i kunu gǝnawa nǝn. ⁸ A ci sinna aɗa gǝri da dlaɓ baci ladab her nye mutu, mutu kǝ dum dliga. ⁹ Gaɗa kasunu Kakasǝku da bari ci marum saksakta. Bari ci dlugun mi a dusku na gǝd dlugun. ¹⁰ Dlam su gaɗa i kunu dlugun Yeso kufu tawanke, afuwa i kǝma gǝri, kufu kǝ kun dusku na kǝ ɗa na kǝ diɗa ɗa. ¹¹ Dlam su gaɗa marnye tawanke da ram ma Yeso Masipu Mǝgǝngyi, i nye saksakta Kakasǝku Afǝk. Gaɗa kasu ndak ntu ganai, ka ki mi kwa ladaɓ ba ma se na riwu ruga bai balle gusgu na riwu bai, a dlamina wana ra kun na kalau na gafaka. ¹³ Gaɗa Kakasǝku ne a wana i kunu kun, gaɗa kwa dlam nufi na zam kwa dlam wana mi bilan i kǝma gǝri. ¹⁴ A dlamina be tawanke ke na gurgur na gardama bai. ¹⁵ Gaɗa kwa dlaɓa na aipu bai na ndak jirewa, kutli Sǝku mi go aipu. A dlamina kasunu gaɗa kwa dlaɓi ka bayan i kunu duniya tuku, i gadava, i gadava gaɗɓadlak na gadlumatak zaman. ¹⁶ A jǝbi na tǝlam aro na awayau gaɗa na bi dalil saksakta Masipu i gafa gǝri. I sartugu na zǝgidu na dlam rawa vatku bai, na dlam bone vatku bai. ¹⁷ Ko da da yayiga ka bari kǝ sanam na kuma hidima bar jirwa kun, na dlam kuno, na sukuna kuno wam i ɗa gayi na kun gǝd. ¹⁸ Ka ki kasunu ke se kwa dlam kuno a dlamina na kuno iɗa gayi na Iyu. ¹⁹ Amman na dlam na niya dabayi Timoty i ri kun go sukwakuya, gaɗa i yu na bi dauzata nasgana halmi kwa kunu nin. ²⁰ Gaɗa ina nǝn dagai wambai mi halja ji kalkal na kǝ ri, mi kǝmu kanjino kun na jirewa. ²¹ Gaɗa gǝd shi a maka riba adak shi baya kǝ Yeso Masipu bai. ²² Amman kwasgana daraja gǝri, ka ki mi wa i Afǝk gǝri, kasu ke dlama wana i kunu albishir herr Sǝku. ²³ A cune na ndawa gishi na wane ɗa be a ci i kunu go dlumud lakwtu in naika na yadda alamar ga arawan nin. ²⁴ Amman ina gabagaɗi i kunu Mǝgǝngyi ma ina aɗa ga na ni go dlumud lakwtu. ²⁵ Amman na dalura mbasu gara na saketi dabayekun Abafaroditus, aci cam yagana, na manga wana, na manga zigi mawanak kun na gabayi gaɗa jǝktu ganai. ²⁶ Gaɗa aci cam acu de dlabu i ri kun gǝd, gaɗa kwa kǝmu a ci dlabi i ri kun gǝd gaɗa kwa kǝmu a ci ga bai. ²⁷ Jire ne a ci ga bai sosai har dantu mutu. Amman Kakasǝku kǝmana kanjino gǝri a ci rugǝri bai har na Iyu, gaɗa na dlaba na dlamatu gǝshi i ɗa dlumatu gǝshi bai. ²⁸ Gaɗa kasu na dlam niya wana gǝri, gaɗa ko kaci wam nin kwa dlam kuno i cam na gamɗaya da dlumatu kunu. ²⁹ A gǝnina na Abafaroditus na gǝd kuno i kunu Mǝgǝngyi. A kina martapa ndawa zada gǝri. ³⁰ Gaɗa wa na Masipu dlam na dantau na mutu. A ci sadakatina aro gǝri gaɗa da dlam wana, gaɗa dan da niyi wana mi kun kamatin gara kwa dlama nai.