¹ Yakubu baci guzapuna I kakasku Na Mula Yeso Mǝgənyi, na nduma auɗu guma ayawa shirin wara da waya a vəda. ² A minadu mak bi pərɗai, yaganaucinga, lakwtu wara kwa təfi kun bone dama-dama. ³ Azigadu i ɗak kaktla iman kun a ɗidi kun gawayau kwina. ⁴ Ai vi gawayau kana ci da damuna wana gara,gaɗa ka dlama naci ba ci,baciaɗagǝri wara buku bǝtawanke. ⁵ Amman in na nin agadakun ba ci maka assǝm,to aci da jayi da ri sǝku,nǝn mi wara abarici go kurumta a i nǝn mi jayu kum abardici. ⁶ Amman aci da jayu ikun iman,da dlama shakka be wan bai, gaɗa baci dlama shakka aci ka zayi am mi akun anku wara rakan zuwak mi a tam balta irawanke. ⁷ Ga ɗa nun tunu da tu mantabai ma aci aye gǝni be ɗagai dari mugǝnyi. ⁸ Za da nǝn tunu baci gǝshi shirin kuru aci iɗak duvu gayi bai. ⁹ Amma yagana wara da tliwak da dlama maya nari aci akunu. ¹⁰ Amman ba ci liman na ri dida wara aci akunu,ga ɗa aci a nutan gǝri pitlayu fatu wara akun azum. ¹¹ Gaɗa afa a tlaya na fu gara da bakudu kara azumgu dauingara.Sǝi pitlayi da pinak shi,bǝlan gara da ɗayin gara,ka sǝnke baci brrid a dabun gǝri luktu mi aci a gadava rakan yiwangǝri. ¹² Barka i nǝn wara dimana rota kaktla,gaɗa aku aci nu tuna awayu kaktla,aci aye gǝni aryapo ki aro wara da dlam alkawar i ndak itu sǝku. ¹³ Nǝn wan da rama bai luktu da jarabtaci ma'jarabtayun sǝku'.Gada jarabta sǝku na gabshi bai,kuru aci jarabci nǝn wanbai. ¹⁴ Amman nǝn tawan ke a jarabta na bi intu gǝshigǝri,wara azar gǝri da kuyotu na aci. ¹⁵ Aku intu gǝshigǝri madutungara da yawici aipo,bagastin gara da yawici mutu. ¹⁶ Nda liritakun bai,yaganaucin ga intu ga. ¹⁷ Bari bulan tawanke na dik chanduwa bare avere da disku,kuru ani dari afǝk ki ɓayel.Dari gayi na sakaltabai ko nǝnwa gaɗa mista. Kakasǝku chikde da bariwa yawu dari tǝlanki jirewa,gadawa dlam nawa zadak diwaka sǝkur kibe tawanke wara aci dlammu. ¹⁹ Kwasga nasau yaganaucin intu ga,nǝn tawanke dlamokapowai kǝrǝmta,ɗigwad rama bai digwad gǝshibai. ²⁰ Gaɗa dlmuk gǝshigǝ nǝn a dlam wana sǝku bai. ²¹ Ga ɗa kasǝn,a sǝltina na aipo mak;na nyǝm na gawa be gabshu.Ikun kanjiro agǝnina,tizigimi kun dlam mi wara a dumuna rra aro kun. ²² A dlaɓa ndak dlama wana na tilanbu,amma ban da ndak krremtau na ndak livata afakshi. ²³ Gaɗa nǝn tawanke baci kerimta tlanbu amma baci dlama wana na atubai,aci dlmungǝri kaƙi nǝn alawan aɗagǝri ikun kukutram. ²⁴ Aci alawan adagǝri aku aci ivu na riwun sai tinin da twai gagənawagǝri . ²⁵ Amman baci lawan na ankal ikun chan duwak dumaiyak dligda ada,kuru irrɗu bai na dlamak kasǝn nu am,ma baci kidding an na tuwai bai.Nǝn tunu da pici barka ikun dlama gǝri. ²⁶ Amman nǝn tawanke a lawan tawan aɗa gǝri baci adatta,amman a rota marigǝri gopaida. ²⁷ Gaviyak ɗaga go aipo,ikima kakaskuwa na afik nǝn sau.ka bana ci ikun fiktakshi na jiba ɗaci go aipo ikun duniya.