¹ Ki bei ei mayei ne moiko, kaba woi boduniɓi eheno ɓaɓa. Jolya so tonon kolko kit ɓalu, a ansheta, "Ɗetin tamko ei ngafko sosu hele ki bei ei maye'e." ² Kit hena idok ehenton tong kehui bu'uno, kaban moishe njagollas so'oto so zangko ɓaɓa, yo 'oto ɗeino kato. ³ Si yo a deino kkatoi te an suba kit yasfa ki yakutu. An marma kokrantitkok njagdas'e suba marmas ma zunurudu. ⁴ An njagdaku bi bolok hodo kokran tangkok njagdaku bibolok hodo kokran tangkok njagdas'e, ana deino ka njagda ku maye me koknaku kasu bibolok hodo, kareisu shaf hetre, ki alyahu dinar kasu. ⁵ Ki zug njagdas talku, hektek adir, kit aradu. Hitilakuniy kelaku Ndeyi babilo. ⁶ A dom njagdas an aushik giles, an talku kit shekumshale. A tintil njagdas ki kokrenok njagdas an anna zau hodo ngamnok ido bei ki dom. ⁷ A zau yo tonoi subani kit tkit so urum, a zau yo boloi suba la kinna, a zau yo kunui huskanni kit so ngo, ke a zan yo hodoi subani kit zigmo yo a duro. ⁸ Shsfki ana zau mayei hodoi anan ma duro ba'ashimodi ba'ashimodi, ngamtenok ido ki ɓaɓasu ki her mai' e. Bedik hoti a ye' etak anshe ta, "Ngoi bu 'uno, Ngoi bu' uno, Ngoi bu' uno Bomu Abano Ndeyi, a shafki gedo, Onziy Si kausoi si isno meshei ke si." ⁹ Shaf jajum yo ana zau maye a onshe na'akoii, nama ka, ki kunanik si yo a deino ka njagdas, yo an zau an to ernoto bu. ¹⁰ Kaba koknaku matei bihodok hodoi ngaktangok hahawo huskasu moishe eli a dom woi a deino ka njagdas 'e. 'Yangko ku beshik woi yo an zau so an bo erroto bui' e. a yarɓa alyahunsu dom njagdas, nzuni ansheta, ¹¹ "Suba koi, Bomu Abano ki Ndeyimmu, biski onom ki nama ka ki gido. Kika kok iko lei miya, ke jok tilingko, nzuni deyangko, ke 'yang ko nzuni."