¹ Nanin moishe malekai yo na'ako isnok ɓaɓa. Heni tong tong keɓe, a kanni an marma. Huskanni kit hoti, shekerin kit reh yesi. ² An lalaunas mana'i saranni, ɗo ahangko, moishe za shkeniy tina ka haushi, shekeniy geɗe ka eli. ³ Moishe iko lulak dohyas geɗo kit 'yak tunim. Tajum yo iku lulai, lula woi 'yangko enik be'i lulansu. ⁴ Do adir woi babiloi 'yangko eni, ne nem ki tureshi, men kolko ɗolyas so'otok ɓaɓa ta, "Ngaftile ei woi admir babiloi anangkoi'e. Kadak ture si bu". ⁵ Kaba malekai ne moiko eino ka haushi ki eliy, hafta saranni ɓaɓa. ⁶ Nami to anak woi yo anjan wara bontoi - woi yo iko ɓaɓashafki ei hawoto, ki du;nya shaf ki kato, ki haushi shafki ei hawoto, kaba malekai ta, "An kine dugya sheke jo bu. ⁷ Me badis so melekai babilo inni nem ki buya ɓaluni, a jajum wom eni Ndeyi hete hena, kit shida yo angkok ngarakuni nabaku." ⁸ Ɗoya son kolko tong ɓaɓa sauwiddo enik ne'e: "Ndui, ko nam lalaunas eheno sarak malekai a erno ka haushi ki elis'e." ⁹ Moishen nduko gem malekai ne an ita onno lalaunas mama'is e. Ano ta, "Nam lalaunas ko hadi. A zoha hawot ɗaɗatu, a bougko me a ina dunam kit munto." ¹⁰ Ne namko lalaunas mama'is ki sara k malekai ne ha'ako. Iko dunam yam bono kit nunto, me ɗon ha'akoi, hawonni ito ɗaɗatu. ¹¹ Yo'oto anota, "Ngafkok sauwioh' ana eni Ndeyi ki algi shei, elik eli, shida ki ma'inshe."