¹ Woi eni Yeso Kiristi oni tamik ngarakuni ei a gonni hele dom shim. Tamko woi ki bei sara maleka gem ngaruni Yahaya. ² Yahaya tamko sheida ka ei si moiko yo eni Ndeyi ki sheida so moiko ka Yeso Kiristi. ³ A karanta lalauna wouses ki dolyas na'akoi an barka, ki mayei ana kola eni woi ke a dafshe ei turangko hauronni, kika sommodi inni nem. ⁴ Ne'e Yahaya, godi gem ban dorshakui babiloi elik Asiya tili modi ki alferi go katku ki deinok lahiyak gem woi yo kauso, ke si kek gem kelakui babiloi a dom jagɓanni. ⁵ Ke Yeso Kiristi, yo a sheidas zina, la yo tono yo hinɓak tong ana meto, ki jo a mene ka ma'inshei dunya. Yo a ndalta muni ke biɓamuk tong ngaryak zunhuk bei domni. ⁶ Maƭimu ana mene ana rutak Ndeyinni ki Bobi-nama ka ki gedo ɗejik si wara bonto. Amina. ⁷ Moyai, si isnok keɓe: Lei idos siya a moye si, arki mayei tugyangko ko siy' e. Ka'a ke' e shida dunya shaf a ima ɓeinok yabtanok tiliksi, Wo'o, Amina. ⁸ "Ne'en yo tono ki yo tata ka," angko Bomu Abano Ndey, " Suy yo kauso, siy yo tingki onzi, ke isno meshei si, a geɗo ka lei miya." ⁹ Ne'e, , Yahaya- yagenangku yo a bei moɗik nguni tong sena maito, ki mene ki gerak ta tili tong Yeso-ne ka googoshos a wunda te ta batmusa ki ka eni Ndeyi ki tama sheida ka Yeso. ¹⁰ Ne tong keluii bu'uno a hotikk Bomu abano. Kaban Kolshe dolyas so'ota geɗo beino kit buya ɓula. ¹¹ Ta, "Turi ei ko moiko tong lalauma, kek sarik ban ɗonshaku mayei babiloi'e-ki Afisus, ki Simirna, ki Birgamas, ki Tayatiriya, ki Simirna, ki Birggamas, ki Tayatiriya, ki Sardisu, ki Filadallfiya, namik Llaudikiya." ¹² Ne wangla ɗon moi woi yo dolyanni enik ne'ei, ne wanglan moishe titilaku babilo a zezegg-yerusu bei ɗeinosu. ¹³ A tintil titilakui an yo'oto subani moɗik ngo, olko suɓai gera har halta shekeni, bogebanni ngarnok dinar. ¹⁴ Kanni ki somni hetre kit alte-kit yak buzu tantayo, ke jo idani kit hanok yesi. ¹⁵ Shikeri kit' yak tagullas lelangko, kit' yak tagullas ɗubangkok yesik gizo, dolyanni kit' yak adir ham haushi. ¹⁶ An jenjaku babilo sarannis tina, ki boni mejo an kaskar an bo bolo so tano a hetek boni. huskanni talku kit' yak hoti na a zugonto talku yam. ¹⁷ Don moiko siy, ne ngata domni kit ngoi matno. Si za sarannis tina kanno ani ta, " Ko'e zuba bu. Ne'en yo tono ki yo tata ka, ¹⁸ ke jo yo woi yo an zauye' e. Ne matko, ken an kokko mato ki (Hades) yesi. ¹⁹ Kika ka' a tuni ei ko moiko, ei yo kasuso, ki ei a helek bei woii ye' e. ²⁰ A ka enig bung keno ka jenjaku babilo yo moiko sarannos tnai, ki ' yar zena hitilaku babiloi ma dinar; Jenjaku mayei babiloi Malekaku yo banɗonshha ku babilo, kejo' yak zena hitila ku maya babiloi ban ɗonshaku babilo.