¹ Ki bei sani dir-hoɗo ne sauwidgo meshe Urshalima ki Barnabas ne namgo TItus gemno. ² Ne ndukok ka ka ana eni Ndeyi hotok ana mure ona jire. Ne iko enik biyai suban isu genga, do tami tan jijosu bu-domanan iko jijo-so sarei bu. ³ Kai lei Titus, yo a gemno yosi ngoi Helineno, zohangko sik gedo ini ɓato. ⁴ Ba'inshe ana rerei ndano tong bungko ndano biskitik deinok lahiya som anandi tong Kiristi Yeso. Ndalangko matamu baya. ⁵ Me mu onangko kammu bu, kika jirek eni Ndeyi ɗeyik nguni. ⁶ Me mamayei biyai zignen ye [shaf ei yo nzuni ishe damta ne'e bu, Ndeyi tamshe ndaltuk yo'oto ka yo'otobu]- mamayei, ne anshe, moishe kit biyai zignen ye sauwano 'ya e bu. ⁷ A moinosu, mamaye moishe tan mokshe eni Ndeyik ana yaklu ɓato, kit shida yo Bitrus mokok mamayei ana ɓato onitik ka. ⁸ Ndeyi iko rutak Bitrus a majirini go gem biyai anan ɓato, shaf iko rutak si shaf tong ana mure bato. ⁹ Do Yakubu, Kefas, ki Yahaya nzuni moishe kit salangko bi donshu, mantanggkok tili modiy onano, jo onanok Barnabas ki ne'e ki saras tina. 'Yangko ka'a ki ka mu go gem algi ki, kika ka'a nzuni go gem biyai anan ɓato. ¹⁰ Anamu ta mu ɗibik ana mure, ei yon roshin e ruta kan ni. ¹¹ Kefas me do ndino Antakiya, moishen erko domini idok ido kika ne ani disanni hili. ¹² Kabui biyai ma'ato ndanok gem Yakubu, Kefas a tishek algi. Mek bei biya maye ndanoi, erinni ndunni gyerak nzuni. A zubak biya mayei ndalangko ɓatoi 'e. ¹³ A moishe kine yahudakui gomtangko zuni. Lei si Barnabas kashshangkok kannik disak halinsu. ¹⁴ Me don moiko halinsu ɗafko bille jirek eni wazu bui, ne angkok Kefas dom algi ta, "Nako ngoi Yahuda mek deino kt 'yak kine algi, lolok zoha kine algiy deyi kit Yahudaku ye?" ¹⁵ Muni guda kanmu mu yahudaku ki bille le'i, algi ana zunhu bu; ¹⁶ shafki ka'am manangkoti an ngoi weshe ei zinak bei ruta sherya bu kabak bei ona jire tong Yeso Kiristi. Muni kem onangko jire ka Kiristi Yeso kika mu we walshek bei ona jire baya ki bei ruta uhe bu. Na kika ruta uhe an ngoi a wala bu. ¹⁷ Na me, jouwa walshe tong Kiristi, muni ke, bolangko muni tong ana zunhu, Kiristi ongko gyeɗok zunhu? A'a ka'a bu! ¹⁸ Na me salko ei onzi yon rurugza, ne ɗeyin no a zunhu. ¹⁹ Kika ka'a gem sherya ne matno, do ne e deino so suba Ndeyi. ²⁰ Longkanokok Kristi. Kauso a deino ne e bu, me Yeso deino hawonno. Deinos kauson ishe tong zugoi ki be'i ona jirek Lah Ndeyi, yo nda ne 'e ongko zaunik kanno. ²¹ Ne za tili modik Ndeyi genga bu, kika na ta rutai zina halannik tong sherya, do Kiristi iko matok sarei!