¹ Bulus majiri, majiri ki gem biyabu, jo ki gem ngo bu mek gem Yeso Kiristi ki Ndeyi Boti, yo habtangko sik mato ka moɗi ² shafki yagenakuk ne e, godi tong bi donshu Galatiyaku: ³ Tili moɗi ki lahiyak gem Ndeyi Bomu ki Yesu Kiristi Bomu abano, ⁴ yo ongko kannik ka zunhunmu, yo hodo munik kauso tong sanik singkau, kit shida ei Ndeyimmu ki Boti, ⁵ namaka so an ernotobu deyi sobi. Amina. ⁶ Ne iko monmoni ngu wangklangku marei ki gem ngoi wunda ngunik tilik Yeso. Ne iko monmni ngu zugonto wangklangku daha billei yo'oto. ⁷ Kadang an ta an eni wazus so'oto, me an biyai ma'ato mokingku damto jo ndallangko sabyantik wazuk Kiristi. ⁸ Me lei muni ɗomana taktaka ki ɓaɓa a angku eni wazu gedgedek yom anangku, eri ini bo. ⁹ Kit yom anangko tingki tono, ka'a har kauson anshengku, "Na yo'oyo iku wazus so'oto gedgedek song biskangko, eri ini bo." ¹⁰ Kauson gyaza billek gem biya do Ndeyi?Ne gyaza suntanta tili biya do? Na ne gyaza suntanta tili biyai, ne ngaru Kiristi bu. ¹¹ Ne ndalong mantiti, yagenaku,ta wazu son ishei so ngo bu. ¹² Ne biskak gem lei ngoiyiya bu, domana shutantano. Kika ka'a, shutantenoi Yeso Kiristi guda kanni.. ¹³ Ngu kolangkoka deinonnos onzi tong bille Yahudaku, ne kamta ana daha Ndeyi wara kola jig-yayi jon ndalon rurugzinsu. ¹⁴ Ne nasko tong billa Yahudaku ne wallak mamayei sanimmu modik nzuni, ki tong biyano. Woi shida dasas ne andi ka daha bille bobenti. ¹⁵ Me Ndeyi, yo ho'ono ne ek hawok nono, yo wundeno ne'ek tili moɗi, ¹⁶ Kolko zei ki temsheno lani, do ne e hekuwanni tintil ana mure ona jire, ne gyaza aljamak gem ngo bu. ¹⁷ Ne nduko Urshelima gem biyai kayano deino majiraku bu. Kika ka 'a, ne nduko Arabiya ne metuk elik Damaskus. ¹⁸ Ki bei sani kunu moishen nduko Urshelima kika ne Kefas ne deikok si yo somodi dir bad. ¹⁹ Men moino majiraku bu kaba Yakubu yagena Yeso. ²⁰ Tong ei ne turengku, ne anshengku jire dom Ndeyi, ei ne anshengkui an rerei bu.. ²¹ Ne nduko hangal Suriya ki kilikiya. ²² Har kauso mantangko ne e tong bi donshui Yahudiya yo a tong Kiristi bu. ²³ Nzuni kolshe anshe ta, "Ngoi yo murta muniy ta kauso anshe eni ona jires ka ndalo rurugziti." ²⁴ Kika ka'a kunnangko Ndeyi ki kanno.