¹ Bulus majiri kiristi Yeso a tong ndalti Ndeyi ki yagyenamu Timoti, ² go di ana ona jire ke ma kunneno yo kolosiyawa Ndeyi Bomu onku moɗik tili ki ɗeino lahiya, ki bomu Yeso kiristi. ³ Mu kunna Ndeyi, boti bomu a bano Yeso kiristi, lei tamiya ke mu ishenku ɗonshu. ⁴ Mu kolangko ona jiret ku ki Kiristi Yeso kindaltinku ki maye ma dasanko nzuni bo Ndeyi. ⁵ Ngu anandi ndalti woi ki bo zaha tili aka 'yei ngu wena ɓaɓa. Ngu kolangko eni zoha tili woi a tong jire so te andi tong bishara, ⁶ so teɗeno gyemanku. Bishara wonse me a zuk, le'i kezug tulo a zuk ayeto tong dunya shafto. A zuk ina woi a hawo tinki hoti yo ko koiko, ko mantitko tili moɗi yo Ndeyi a tong ko jire. ⁷ Woi bishara kit yo ngu shutanfg ko ki gyem Abafaras, bok rutamu yo ka tilim, yardinok bok ruta masihu bo muni. ⁸ Abafaras amutik ndaltinku yo tong tili bu'uno. ⁹ Ki ka ndaltinkuwoi ye'e, ma ladanko ishenku ɗonshu bu tin hotiyo mu kolangko. Ko tamiya mu ishenku ɗonshu na a ngamte nginu ki manti ki asum ki manta 'yei bunkeno. ¹⁰ Mu ishenku ɗonshuna ngu 'ye marshe kit yo bomu a bano ndalo. Mu ishen ku ɗonshu na ngu le'i tong 'yei zina ke ngu aye tong manti Ndeyi. ¹¹ Mu ishenku ɗonshu na ngu ɗeyik geɗo tong ei miyake kit yo toing geɗok namta kanni ki ngara tili ki habri. ¹² Mu ɗonsha Bomu a bano namu ɗeyi ana kunna si a tong hetrek tilik mu ɗeyi tong ana wena lei miya ki ana ona jire. ¹³ Hoɗimu ki tong ko mene tutuɗu nami mokinmu tong mene lah ni yo ka tilini. ¹⁴ A tong lah nimu anandi wangu ki yaha zunhumu. Atong tureshi maɗɗi ta, a tong Lahni mu anandi wangu ki lehe domni a yaha zunhunmu. ¹⁵ Lai si ne suba Ndeyi yo biya moishe si bu. Si ne lah tono yo Ndeyi iko. ¹⁶ Ki lehe ni ino 'yei miya ke. 'yei ɓaɓa ki ma ka eli, ma ishentik mene ki ma ishe moinobu. Ma'inshe, ki ana ɗaho ngobnati ko ana mene, shapki 'yei miyai ikoi si ke bosi. ¹⁷ Si kayatkok 'yei miyake meke 'yei miya ke gomko hawonni. ¹⁸ Si ne ka zugo, wato biya Ndeyi. Si ne yo tono ke lah yo tono atong ana matro. Kika si yo tono lei miyake. ¹⁹ Ki bo ka'a Ndeyi iko hetrek tilini kibo shafki ngamyania ɗeya hawonni. ²⁰ So santa 'yei miyake kisi ki lehe lai 'yei. Ndeyi mokno ɗeinok hetrek hawo ki bo kasa domni aka shoho lonku.Ndey sosantitko ei miyke ki si, 'yaiyo ka dunya ki ɓaɓa. ²¹ A sommoɗi ma'ato ngu ngeerhahio gyem Ndeyi ke ngu ana gahanni a tong tilinku ki rutankui disa. ²² kauso me soantinku ki zugoni ki bilematoi iko kibo na a diɓ nguni bu'bno wari leihi ki wari 'yak tosua domni, ²³ na ngu tanko dom a tong ona jire ki geɗo, nako nza'ako ki ak zoha tili yo ko kolko. Woi bihara so 'yankote ki lehe yo ka dunya. Woi bisharaso ne'e Bulus yo mata ne'e bida. ²⁴ Kauso tilino hetre ki bo ne seshe bone bo nguni. A zugono ngamyak 'ye kina ki bo bonek kiristiyo sine zugoni wato biyaNdeyi. ²⁵ Aka biya Ndeyi ne ɗeyino bi da ki bo ruta yo Ndeyi onino bo nguni namu ngamte eni Ndeyi. ²⁶ woi 'yei bunkeno bo sani shei kima bei. A kauso meahanko ti ki biya yo onani jire. ²⁷ Ki nzuni ne Ndeyi ndala na a mante namta ka yo andi a tong bunko jire a hotok biyai yo Yahudaku bu. Kiristi ne a hawotku. Zoha tili yo namtaka yo baɗis ɗoshi. ²⁸ Woi si ne mu ishenku waazunni. Mu yara loke, ke mu shutak loke kiasum, kibo namu mok lei lo ngamno dom kiristi. ²⁹ Kibo ka'a ne ruta ki geɗonni so hawonno yo si ono ki mene.