¹ Bulus, a sarnik Kristi Yeso ki gem Ndeyi, aka ngara eni zau a hak Kristi Yeso. ² Ki timotawus, lah yo ndaltu: tili moɗi,jikyayi, ki ɗeino lahiya ki gem Ndeyi boti ki kristi Yeso bomu abano. ³ Ne kunnok Ndeyi,yon isheni ruta tingki sommoɗi dikemu, kit yo zume koi a tong ɗoshuno. Beɗik hoti ⁴ Ne zume ne nda moya koi, ka ni ngama ki kuyu. Nen tunga yelunko. ⁵ Nen zuma a nanoti ona jiret ku, yo ɗeiko tinki tono a gyem dikaku Loyis ki nonku Afiniki. Nen zeshe tili ɗeno hawotko ⁶ Woi ei zofko ne zume koi ko sauwedi ona geɗo ka onom Ndeyi ɗeyi hawotko yo ko wa ki bei zana saranno katko. ⁷ Ki bo Ndeyi omu kelu nzuba bu, me geɗo ki ndaltu ki ramta biyai 'yanko disa. ⁸ Kada ko kol kawu ina eni ka bomu abano bu, ɗo nama ne'e, Bulus, yong ban rono kanni. Ki bo ka'a ɗeyi ki ramta zugo ka bone ka eni Ndeyi aka geɗo Ndeyi. ⁹ Kika Ndeyi wanga muni ke wunda muni ki wundui bu'uno. Iko 'ya woiye'e, aka rutamu bu, mek gya ramta zugoni ki tili moɗi ni. Si omu 'yei mamaye'e tong Kristi Yeso kabui 'e dunya. ¹⁰ Me kauso tamamu wangu Ndeyi ki bei hete a wangu kristi Yeso. Kristi mokno bo ernok mato ke mokno zau so an bo ernoto bu hetenok bei eni Ndeyi. ¹¹ Kika woi'e, zaɓan ko ne'e a wa'azu, a sarni, ki malum ¹² Ki bo 'ya woi ne seshe bonensu. Me nen kolshe kawabu, kika ne manoni ngoiyon onko jire kanni. Nen kolko kawa bu kika nen manoni yo onko jire kanni nen manoti si a giti zena eiyon oni kaba hoti wonsi. ¹³ Zitik suba sarni ona jire yo ko kolkok gyemano, ki ona jire ki ndaltui tong kiristi Yeso. ¹⁴ Ei zina yo Ndeyi onko, deititi ki gyem kelui bu'uno, yo ɗeino hawonmu. ¹⁵ Ko manotik woi ye'e, shaf ki biyai yo a ɗeino Asiya wagla ki gyemano. A tong dahi wonse Fijalas ki Harmajanas. ¹⁶ Ɗo bomu a bano oni jikyayi ki shaf ki ban Onisifaras, kika si isheno ruta ke a kolshe kawa ngaryano bu. ¹⁷ Kika ka'a, ɗosi Roma, barta ne'e yam, ke wano. ¹⁸ Bomu a bano oni we jikyayi kigyemani a hoti wonsi. shaf ki billei si shata ne'e tong Afisa, manoti zina.