¹ Kauso yaganaku, 'yamu ɗonshu kika eni bomu abano we nama ka ki kalau,so shidai kit a gemanku. ² 'ya ɗonshu ta mu hatanmu ki sarak ana eta ki biyai zina bu, kika lei ngo yiya an jire. ³ Me bomu abano an jire, si yoi a sala nguni ke ho'oti nguni ki sarak ngoi eta. ⁴ Mu anandi geɗok tili a tong Bomu abano a katku, ta ngu ishe kr ngu tina dom ki ina eiyo mu ananku ngu e. ⁵ Ɗo Bomu abano mok tilinku gema dalcik Ndeyi ki abrik kiristi. ⁶ Kauso mu onanku uhe, yaganaku mu, a tong sun Bomu abano Yeso kiristi, ta dutku ki gema ngoi yo ɗeino sarei yo ke a ɗeino aka shida eiyo ngu biskanko gemamu bu. ⁷ Kika nguni ki katku ngu manankoti iko zina ngu ei kit shida mu 'yanko mu ɗeyanko tiltilku kit shida mamayei anandi horo bu. ⁸ Mu tanko wo'otok ngu bu wara tube si. ki bo ka,a, mu 'yanko ruta beɗi ki hoti a tong bone ki ɗaɗok kika mu tubek ko ngo yiya daɗo bu. ⁹ Mu 'yanko woi,e kika mu anandi mene bu. a bo ka,a mu yanko woi'e ɗo mu ɗeyi yak misali a gemanku, kika ngu ina kit mu'yanko. ¹⁰ Lokoshi mu zug zehe ki nguni, mu onanku uhe "na ko yiya da ek rutabu, sike te wo'oto bu" ¹¹ Kika mu kolanko ta madɗinku, kuɗanko ina ruta. nzuni ruta bu me abo ka,a a zobche kasu a tong 'yai biya yo damba nzuni bu. ¹² Kauso shida mamayei e mu onshensu uhe ki onshensu geɗo a tong bomu abano Yeso kiristi, ta nzuni e ruta ki eni bu nami nzuni te wo'otonsu. ¹³ Me nguni yaganakumu,ngu wus ina eiyo idani bu. ¹⁴ Na ngo moɗi kulko ɗaha eninmu so tong tureshi woi'e, mata hankal ki si. ngu gomte katku ki si bu. ¹⁵ Ngu matesi kit a gaha bu, me ngu oni gargaɗi kit benonti. ¹⁶ Ɗo bomu abano a salam ki kanni onku salam a lei lokoshi yiya a leibellei yiya. ɗo bomu abano ɗeyi ki shafku. ¹⁷ Woi lakdunno, nen Bulus, ki saranno, so a ɗeinok halama a tong tureshinno yo ko siya. ka,a ne ishe tureshi. ¹⁸ Ɗo tili moɗik bomu abano Yeso kiristi ɗeyi ki nguni shafku.