¹ Bulus, Silbanus ki Timoti, godi bang Ndeyi's Tasalonika a tong Ndeyi bomu ki bomu abano Yeso Kiristi. ² Do ngu eyi ki tili moɗi ki ɗeinok lahiya ki gema Ndeyi bomu ki bomu abano Yeso Kiristi. ³ Mu kunnak Ndeyi ko tamiya ki katku, sha,emu. kika woi'e idani, kika jiretku sauwe tim ki dala katku ke a sauwa. ⁴ Muni ki kanmu mu gadara ki nguni a banok Ndeyi. M enik habritku ki ngaha hatku a tong bones so weshe nguni. Mu zug a ka habritku ki eiyo damta nguni. ⁵ Woi'e suba sheriyai jire so Ndeyi Tiktekeni a matinku biyai yo zuba rushe tong. menek Ndeyi so ngu seshe bo'one ki kanni. ⁶ A gema Ndeyi itinni zina si mate bone a mamaye'ei onshenku bone. ⁷ Muni si gonni ina ka'a na bomu a bano Yeso meno ki taktakanku geɗoni ki ɓaɓa. ⁸ A tong yesi so mace bu si gonni matai mamaye'e biskangko enik zei so bomu a bano Yeso bu. ⁹ Gosu bonek mato so teke bu ki gema bomu abano ki nama kak geɗonni. a ina ka'a na si dino a hotik wonsis'e ɗo biyani nam ki ɗo ɗeiyinni 'yat monmoni a gema shaf mamaye'ei onangko jire. ¹⁰ Ki ka ngu yardanku ki shaidamu. ¹¹ Ki ka woi'e mu ishe dolshik Ndeyi ko tamiya a katku. mu dolshe klka Ndeyinmu zohe ngu ɗeyi zina kit so eshangko nguni. mu kato dolshi ta si duginku eiyo ngu dalangko yo rutangku so gomno ki git rutangku so jire ki so geɗo. ¹² Mu dollangko ei mamayei ɗo ngu nam sun bomu a bano Yeso. Mu dolshi ta a nama katku, ki ka tili moɗik Ndeyinmu ki bomu abano Yeso Kiristi.